ਨਵੀਂ ਦਿੱਲੀ: ਬਾਲੀਵੁੱਡ ਅਦਾਕਾਰ ਧਰਮਿੰਦਰ ਲੌਕਡਾਉਨ ਦੌਰਾਨ ਆਪਣੇ ਫਾਰਮ 'ਤੇ ਸਮਾਂ ਬਿਤਾ ਰਹੇ ਹਨ। ਅਦਾਕਾਰ ਅਕਸਰ ਆਪਣੇ ਫਾਰਮ 'ਤੇ ਉਗਦੇ ਫਲਾਂ ਅਤੇ ਸਬਜ਼ੀਆਂ ਦੀਆਂ ਤਸਵੀਰਾਂ ਅਤੇ ਵੀਡੀਓ ਪ੍ਰਸ਼ੰਸਕਾਂ ਨਾਲ ਸਾਂਝਾ ਕਰਦੇ ਹਨ। ਪਰ ਹਾਲ ਹੀ ਵਿੱਚ ਧਰਮਿੰਦਰ ਨੇ ਇੱਕ ਟਵੀਟ ਕੀਤਾ ਹੈ, ਜੋ ਸੋਸ਼ਲ ਮੀਡੀਆ 'ਤੇ ਬਹੁਤ ਵਾਇਰਲ ਹੋ ਰਿਹਾ ਹੈ।
ਇਸ ਟਵੀਟ ਵਿੱਚ ਅਦਾਕਾਰ ਲੌਕਡਾਊਨ ਅਤੇ ਕੋਰੋਨਾ ਵਾਇਰਸ ਕਾਰਨ ਸਿਨੇਮਾ ਘਰਾਂ ਦੀ ਖਸਤਾ ਹਾਲਤ ਵੇਖ ਕੇ ਦੁਖੀ ਹਨ। ਦੱਸ ਦਈਏ ਕਿ 'ਅਨਲੌਕ 2' ਦੇ ਤਹਿਤ ਲੋਕਾਂ ਨੂੰ ਕੁੱਝ ਰਿਆਇਤਾਂ ਦਿੱਤੀਆਂ ਗਈਆਂ ਹਨ, ਪਰ ਅਜੇ ਤੱਕ ਸਿਨੇਮਾ ਘਰ ਨਹੀਂ ਖੋਲ੍ਹੇ ਗਏ ਹਨ।
ਧਰਮਿੰਦਰ (ਧਰਮਿੰਦਰ) ਨੇ ਟਵੀਟ ਕੀਤਾ, "ਰੇਖੀ ਸਿਨੇਮਾ, ਲੁਧਿਆਣਾ ...ਇੱਥੇ ਅਣਗਿਣਤ ਫਿਲਮਾਂ ਵੇਖੀਆਂ ਹਨ, ਇਸ ਚੁੱਪ ਨੂੰ ਵੇਖ ਕੇ ਮੇਰਾ ਦਿਲ ਉਦਾਸ ਹੋ ਗਿਆ।" ਲੋਕ ਧਰਮਿੰਦਰ ਦੇ ਟਵੀਟ 'ਤੇ ਕਾਫ਼ੀ ਟਿੱਪਣੀਆਂ ਕਰ ਰਹੇ ਹਨ ਅਤੇ ਆਪਣਾ ਫੀਡਬੈਕ ਦੇ ਰਹੇ ਹਨ।
ਇਹ ਵੀ ਪੜ੍ਹੋ: ਉਦਿਤ ਨਾਰਾਇਣ ਦੇ ਫਿਲਮ ਇੰਡਸਟਰੀ ਵਿੱਚ ਪੂਰੇ ਹੋਏ 40 ਸਾਲ, ਲਾਂਚ ਕੀਤਾ ਯੂਟਿਊਬ ਚੈਨਲ
ਦੱਸ ਦਈਏ ਕਿ ਧਰਮਿੰਦਰ ਟਵਿਟਰ 'ਤੇ ਬਹੁਤ ਐਕਟਿਵ ਰਹਿੰਦੇ ਹਨ। ਉਹ ਅਕਸਰ ਆਪਣੇ ਟਵੀਟ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿੰਦੇ ਹਨ। ਇਹ ਵੀ ਜ਼ਿਕਰ ਕਰ ਦਈਏ ਕਿ ਧਰਮਿੰਦਰ ਨੂੰ 1970 ਦੇ ਦਹਾਕੇ ਦੇ ਮੱਧ ਵਿੱਚ ਦੁਨੀਆ ਦੇ ਸਭ ਤੋਂ ਖੂਬਸੂਰਤ ਆਦਮੀਆਂ ਵਿੱਚੋਂ ਇੱਕ ਦਾ ਦਰਜਾ ਦਿੱਤਾ ਗਿਆ ਸੀ। ਧਰਮਿੰਦਰ ਨੂੰ ਵਰਲਡ ਆਇਰਨ ਮੈਨ ਐਵਾਰਡ ਨਾਲ ਵੀ ਸਨਮਾਨਿਤ ਹੋ ਚੁੱਕੇ ਹਨ।
