ਮੁੰਬਈ: ਬਾਲੀਵੁੱਡ ਅਦਾਕਾਰਾ ਭੂਮੀ ਪੇਡਨੇਕਰ ਆਪਣੀ ਅਦਾਕਾਰੀ ਦੇ ਜ਼ੋਰ 'ਤੇ ਸਾਰਿਆਂ ਦੇ ਦਿਲਾਂ 'ਤੇ ਰਾਜ ਕਰਦੀ ਹੈ। ਪਰ ਇਸ ਮੁਕਾਮ 'ਤੇ ਪਹੁੰਚਣ ਲਈ, ਉਸ ਨੂੰ ਬਹੁਤ ਸੰਘਰਸ਼ ਕਰਨਾ ਪਿਆ।
ਫਿਲਮਾਂ 'ਚ ਆਉਣ ਤੋਂ ਪਹਿਲਾਂ ਭੂਮੀ 'ਤੇ 13 ਲੱਖ ਰੁਪਏ ਦਾ ਕਰਜ਼ਾ ਸੀ, ਜੋ ਉਸਨੇ ਪੂਰਾ ਅਦਾ ਕਰ ਦਿੱਤਾ। ਇੰਨਾ ਹੀ ਨਹੀਂ, ਉਸਨੂੰ ਫਿਲਮੀ ਸਕੂਲ ਤੋਂ ਵੀ ਬਾਹਰ ਕੱਢ ਦਿੱਤਾ ਗਿਆ ਸੀ।
ਇਸ ਸਭ ਦੇ ਬਾਵਜੂਦ, ਭੂਮੀ ਨੇ ਕਦੇ ਹਾਰ ਨਹੀਂ ਮੰਨੀ ਅਤੇ ਸਖਤ ਮਿਹਨਤ ਕੀਤੀ।
ਇੱਕ ਪ੍ਰਮੁੱਖ ਪੋਰਟਲ ਨਾਲ ਇਕ ਇੰਟਰਵਿਊ ਵਿਚ ਭੂਮੀ ਨੇ ਦੱਸਿਆ ਕਿ ਅਦਾਕਾਰਾ ਬਣਨ ਲਈ ਉਸ ਨੂੰ ਬਹੁਤ ਸਾਰੀਆਂ ਚੀਜ਼ਾਂ ਕਰਨੀਆਂ ਪਈਆਂ। ਉਸਨੇ ਕਿਹਾ, ‘ਪਹਿਲਾਂ ਮੈਂ ਆਪਣੇ ਮਾਪਿਆਂ ਨੂੰ ਯਕੀਨ ਦਿਵਾਉਣ ਦੀ ਕੋਸ਼ਿਸ਼ ਕੀਤੀ ਕਿ ਮੈਂ ਅਦਾਕਾਰ ਬਣਨਾ ਚਾਹੁੰਦਾ ਹਾਂ। ਮੈਂ ਆਖਰਕਾਰ ਹਿੰਮਤ ਇਕੱਠੀ ਕੀਤੀ ਅਤੇ ਉਨ੍ਹਾਂ ਨੂੰ ਇਹ ਦੱਸਿਆ, ਉਹ ਖੁਸ਼ ਨਹੀਂ ਸਨ ਅਤੇ ਮੈਨੂੰ ਮਹਿਸੂਸ ਹੋਇਆ ਕਿ ਉਹ ਮੇਰੀ ਰੱਖਿਆ ਕਰ ਰਹੇ ਹਨ। ਮੈਂ ਫਿਲਮ ਸਕੂਲ ਵਿਚ ਦਾਖਲ ਹੋਣ ਦਾ ਫ਼ੈਸਲਾ ਕੀਤਾ। ਫੀਸ ਬਹੁਤ ਜ਼ਿਆਦਾ ਸੀ ਤਾਂ ਮੈਂ ਕਰਜ਼ਾ ਲੈ ਲਿਆ।
ਭੂਮੀ ਪੇਡਨੇਕਰ ਨੇ ਅੱਗੇ ਕਿਹਾ, 'ਮੈਂ ਫਿਲਮੀ ਸਕੂਲ ਵਿੱਚ ਫੇਲ ਹੋ ਗਈ ਸੀ ਇਸ ਕਰਕੇ ਨਹੀਂ ਕਿ ਮੈਂ ਇੱਕ ਚੰਗੀ ਐਕਟਰ ਨਹੀਂ ਸੀ, ਹਲਕਿ ਮੈਂ ਅਨੁਸ਼ਾਸਤ ਨਹੀਂ ਸੀ। ਇਹ ਇੱਕ ਵੱਡਾ ਸਦਮਾ ਸੀ। 13 ਲੱਖ ਰੁਪਏ ਦਾ ਕਰਜ਼ਾ ਚੁਕਾਉਣ ਦਾ ਬੋਝ ਮੇਰੇ ਦਿਮਾਗ ਤੇ ਪਿਆ। ਜੋ ਕਿ ਇੱਕ ਵੱਡੀ ਰਕਮ ਸੀ।
ਭੂਮੀ ਨੇ ਕਿਹਾ ਕਿ ਉਸਨੇ ਦੁਬਾਰਾ ਨੌਕਰੀ ਲੱਭਣੀ ਸ਼ੁਰੂ ਕੀਤੀ ਅਤੇ ਉਸਨੂੰ ਯਸ਼ ਰਾਜ ਫਿਲਮਜ਼ ਵਿੱਚ ਕਾਸਟਿੰਗ ਸਹਾਇਕ ਦੀ ਨੌਕਰੀ ਮਿਲੀ। ਇਸ ਦੌਰਾਨ ਉਸ ਨੂੰ ਫਿਲਮ 'ਦਮ ਲਗਾਕੇ ਹਾਈਸ਼ਾ' ਵਿਚ ਕੰਮ ਕਰਨ ਦਾ ਮੌਕਾ ਮਿਲਿਆ। ਜਿਸ ਨਾਲ ਉਸਦੀ ਜ਼ਿੰਦਗੀ ਬਦਲ ਗਈ ਅਤੇ ਉਹ ਅੱਗੇ ਵਧਦੀ ਰਹੀ ਅਤੇ ਫਿਰ ਕਦੇ ਵਾਪਸ ਮੁੜਕੇ ਨਹੀਂ ਦੇਖਿਆ।
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਭੂਮੀ ਕੁਝ ਸਮਾਂ ਪਹਿਲਾਂ 'ਡੌਲੀ ਕਿੱਟੀ ਐਂਡ ਸ਼ਾਈਨਿੰਗ ਸਟਾਰਜ਼' 'ਚ ਨਜ਼ਰ ਆਈ ਸੀ। ਉਹ ਆਉਣ ਵਾਲੇ ਪ੍ਰੋਜੈਕਟਾਂ ਵਿੱਚ ਕਰਨ ਜੌਹਰ ਦੀ ਫਿਲਮ ਤਖਤ ਵਿੱਚ ਨਜ਼ਰ ਆਵੇਗੀ। 'ਤਖਤ' ਇਕ ਮਲਟੀਸਟਾਰਰ ਫਿਲਮ ਹੈ।
ਇਸ ਤੋਂ ਇਲਾਵਾ ਉਹ ਫਿਲਮ ਦੁਰਗਾਵਤੀ 'ਚ ਵੀ ਨਜ਼ਰ ਆਵੇਗੀ। ਜਿਸ ਵਿਚ ਉਹ ਪਹਿਲੀ ਵਾਰ ਇਕਲੌਤੀ ਸਟਾਰ ਹੈ। ਜਿਸ ਕਾਰਨ ਅਦਾਕਾਰਾ ਵੀ ਇਸ ਫਿਲਮ ਲਈ ਬਹੁਤ ਉਤਸ਼ਾਹਿਤ ਹੈ।
