ਮੁੰਬਈ: ਅਰਜੁਨ ਕਪੂਰ ਆਪਣੇ ਆਉਣ ਵਾਲੇ ਪੀਰੀਅਡ ਡਰਾਮਾ 'ਪਾਣੀਪਤ' ਵਿੱਚ ਮਰਾਠਾ ਯੋਧਾ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਉਨ੍ਹਾਂ ਨੇ ਸ਼ੁੱਕਰਵਾਰ ਨੂੰ ਫ਼ਿਲਮ ਦਾ ਪਹਿਲਾ ਪੋਸਟਰ ਸਾਂਝਾ ਕੀਤਾ ਹੈ। ਇਹ ਫ਼ਿਲਮ ਪਾਣੀਪਤ ਦੀ ਤੀਜੀ ਲੜਾਈ 'ਤੇ ਅਧਾਰਿਤ ਹੈ। ਫ਼ਿਲਮ ਵਿੱਚ ਅਰਜੁਨ ਨੇ ਸਦਾਸ਼ਿਵਰਾਓ ਭਾਓ ਦਾ ਕਿਰਦਾਰ ਨਿਭਾਉਣਗੇ, ਜਿਸ ਨੇ ਲੜਾਈ ਵਿੱਚ ਮਰਾਠਾ ਫ਼ੌਜ ਦੇ ਸਰਦਾਰ ਸੇਨਾਪਤੀ ਵੱਜੋਂ ਸੇਵਾ ਨਿਭਾਈ ਸੀ।
ਹੋਰ ਪੜ੍ਹੋ: ਫ਼ਿਲਮ ਡਾਕਾ ਦਰਸ਼ਕਾਂ ਦੇ ਦਿਲਾਂ 'ਤੇ ਡਾਕਾ ਮਾਰਨ ਵਿੱਚ ਹੋਈ ਕਾਮਯਾਬ
ਫ਼ਿਲਮ ਵਿੱਚ ਸੰਜੇ ਦੱਤ ਵੀ ਨਜ਼ਰ ਆਉਣਗੇ, ਜੋ ਪਾਣੀਪਤ ਦੀ ਤੀਜੀ ਲੜਾਈ ਵਿੱਚ ਸਦਾਸ਼ਿਵ ਰਾਓ ਦੇ ਵਿਰੋਧੀ, ਅਫ਼ਗਾਨਿਸਤਾਨ ਦੇ ਰਾਜਾ ਅਹਿਮਦ ਸ਼ਾਹ ਅਬਦਾਲੀ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ, ਜਿਸ ਨਾਲ ਮਰਾਠਿਆਂ ਨੂੰ ਵੱਡੀ ਹਾਰ ਮਿਲੀ। ‘ਪਾਣੀਪਤ’ਵਿੱਚ ਭਾਰਤ ਦੇ ਇਤਿਹਾਸ ਵਿੱਚ ਲੜੀ ਗਈ ਸਭ ਤੋਂ ਵੱਡੀ ਲੜਾਈਆਂ ਵਿੱਚੋਂ ਇੱਕ ਹੈ।
'ਪਾਣੀਪਤ' ਵਿੱਚ ਕ੍ਰਿਤੀ ਸੈਨਨ, ਪਦਮਿਨੀ ਕੋਲਹਾਪੁਰੇ, ਮੋਹਨੀਸ਼ ਬਹਿਲ, ਜੀਨਤ ਅਮਨ ਅਤੇ ਮੀਰ ਸਰਵਰ ਵੀ ਨਜ਼ਰ ਆਉਣਗੇ। ਇਸ ਫ਼ਿਲਮ ਦਾ ਨਿਰਦੇਸ਼ਨ ਆਸ਼ੂਤੋਸ਼ ਗੋਵਾਰਿਕਰ ਨੇ ਕੀਤਾ ਹੈ। ਜਿਨ੍ਹਾਂ ਨੇ 'ਲਗਾਨ', 'ਜੋਧਾ ਅਕਬਰ' ਅਤੇ 'ਮੁਹਾਂਜੋ ਦਾਰੋ' ਵਰਗੀਆਂ ਫ਼ਿਲਮਾਂ 'ਚ ਕੰਮ ਕੀਤਾ ਹੈ।
