ਅਨੁਪਮ ਨੇ ਲੌਕਡਾਊਨ ਵਿੱਚ ਵਧਾਇਆ ਫ਼ੈਨਜ਼ ਦਾ ਹੌਸਲਾ, ਕਿਹਾ- 'ਉਮੀਦ ਜ਼ਿੰਦਾ ਰੱਖ'

ਅਦਾਕਾਰ ਅਨੁਪਮ ਖੇਰ ਨੇ ਸੋਸ਼ਲ ਮੀਡੀਆ ਉੱਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਹ ਇੱਕ ਕਵਿਤਾ ਪੜ੍ਹ ਰਹੇ ਹਨ। ਵੀਡੀਓ ਵਿੱਚ ਬੋਲੇ ਗਏ ਸ਼ਬਦਾਂ ਨੂੰ ਉਨ੍ਹਾਂ ਨੇ ਕੈਪਸ਼ਨ ਵਿੱਚ ਵੀ ਲ਼ਿਖਿਆ ਹੈ।

ਮੁੰਬਈ: ਲੌਕਡਾਊਨ ਕਾਰਨ ਬਾਲੀਵੁੱਡ ਸਿਤਾਰੇ ਵੀ ਘਰ ਵਿੱਚ ਆਪਣੇ ਪਰਿਵਾਰ ਨਾਲ ਸਮਾਂ ਬਿਤਾ ਰਹੇ ਹਨ। ਇਸ ਦੇ ਨਾਲ ਹੀ ਆਪਣੇ ਫ਼ੈਨਜ਼ ਨਾਲ ਜੁੜਣ ਲਈ ਉਹ ਸੋਸ਼ਲ ਮੀਡੀਆ ਦਾ ਸਹਾਰਾ ਲੈ ਰਹੇ ਹਨ।

ਹਾਲ ਹੀ ਵਿੱਚ ਅਦਾਕਾਰ ਅਨੁਪਮ ਖੇਰ ਨੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਹ ਇੱਕ ਕਵਿਤਾ ਪੜ੍ਹ ਰਹੇ ਹਨ। ਵੀਡੀਓ ਵਿੱਚ ਬੋਲੇ ਗਏ ਸ਼ਬਦਾਂ ਨੂੰ ਉਨ੍ਹਾਂ ਨੇ ਕੈਪਸ਼ਨ ਵਿੱਚ ਵੀ ਲ਼ਿਖਿਆ ਹੈ। ਉਨ੍ਹਾਂ ਲਿਖਿਆ ,"ਜਮੀਰ ਜ਼ਿੰਦਾ ਰੱਖ, ਕਬੀਰ ਜ਼ਿੰਦਾ ਰੱਖ...ਸੁਲਤਾਨ ਵੀ ਬਣ ਜਾਵੇਗਾ ਤੂੰ, ਦਿਲ ਵਿੱਚ ਫਕੀਰ ਜ਼ਿੰਦਾ ਰੱਖ। ਹੌਂਸਲੇ ਦੇ ਤਰਕਸ਼ ਵਿੱਚ ਕੋਸ਼ਿਸ਼ ਦਾ ਉਹ ਤੀਰ ਜ਼ਿੰਦਾ ਰੱਖ.... ਹਾਰ ਜਾ ਚਾਹੇ ਜ਼ਿੰਦਗੀ ਵਿੱਚ ਸਭ ਕੁਝ,,,ਪਰ ਫਿਰ ਤੋਂ ਜਿੱਤਣ ਦੀ ਉਹ...ਉਮੀਦ ਜ਼ਿੰਦਾ ਰੱਖ।"

ਅਨੁਪਮ ਖੇਰ ਦੀ ਇਹ ਕਵਿਤਾ ਸੋਸ਼ਲ ਮੀਡੀਆ ਉੱਤੇ ਲੋਕਾਂ ਵੱਲੋਂ ਕਾਫ਼ੀ ਪਸੰਦ ਕੀਤੀ ਜਾ ਰਹੀ ਹੈ। ਕਈ ਯੂਜ਼ਰਾਂ ਵੱਲੋਂ ਇਸ ਦਾ ਜਵਾਬ ਵੀ ਦਿੱਤਾ ਹੈ।

ਇਸ ਦੇ ਨਾਲ ਹੀ ਸ਼ੁੱਕਰਵਾਰ ਨੂੰ ਅਦਾਕਾਰ ਨੇ ਸੋਸ਼ਲ ਮੀਡੀਆ ਉੱਤੇ ਇੱਕ ਵੀਡੀਓ ਨੂੰ ਸਾਂਝਾ ਕੀਤਾ, ਜਿਸ ਵਿੱਚ ਉਹ ਰਿਸ਼ੀ ਕਪੂਰ ਤੇ ਇਰਫ਼ਾਨ ਖ਼ਾਨ ਨੂੰ ਯਾਦ ਕਰਦੇ ਹੋਏ ਨਜ਼ਰ ਆ ਰਹੇ ਸਨ।