ਬਿੱਗ ਬੀ ਨੇ ਸਾਂਝੀ ਕੀਤੀ ਆਪਣੀ ਪੁਰਾਣੀ ਤਸਵੀਰ

ਬਿੱਗ ਬੀ ਨੇ ਇੱਕ ਪੁਰਾਣੀ ਤਸਵੀਰ ਨੂੰ ਸਾਂਝਾ ਕੀਤਾ ਹੈ, ਜੋ ਕਿ ਉਨ੍ਹਾਂ ਦੀ 1969 ਵਿੱਚ ਆਈ ਫ਼ਿਲਮ ਸਾਤ ਹਿੰਦੂਸਤਾਨੀ ਦੇ ਸਮੇਂ ਦੀ ਹੈ। ਇਹ ਤਸਵੀਰ ਲਗਭਗ 51 ਸਾਲ ਪਹਿਲਾ ਦੇ ਇੱਕ ਮੈਗਜ਼ੀਨ ਲਈ ਕੀਤੇ ਫ਼ੋਟੋਸ਼ੂਟ ਦੀ ਹੈ।

ਮੁੰਬਈ: ਬਾਲੀਵੁੱਡ ਦੇ ਦਿੱਗਜ਼ ਅਦਾਕਾਰ ਅਮਿਤਾਭ ਬੱਚਨ ਸੋਸ਼ਲ ਮੀਡੀਆ ਉੱਤੇ ਸਭ ਤੋਂ ਜ਼ਿਆਦਾ ਐਕਟਿਵ ਰਹਿੰਦੇ ਹਨ। ਅਕਸਰ ਹੀ ਉਹ ਆਪਣੇ ਵਿਚਾਰ ਜਾ ਫਿਰ ਆਪਣੀਆਂ ਪੁਰਾਣੀਆਂ ਤਸਵੀਰਾਂ ਨੂੰ ਸਾਂਝਾ ਕਰਦੇ ਰਹਿੰਦੇ ਹਨ, ਜਿਨ੍ਹਾਂ ਨੂੰ ਉਨ੍ਹਾਂ ਦੇ ਫੈਨਸ ਕਾਫ਼ੀ ਪਸੰਦ ਕਰਦੇ ਹਨ।

ਇਸ ਦੇ ਨਾਲ ਹੀ ਬਿੱਗ ਬੀ ਨੇ ਇੱਕ ਪੁਰਾਣੀ ਤਸਵੀਰ ਨੂੰ ਸਾਂਝਾ ਕੀਤਾ ਹੈ, ਜੋ ਕਿ ਉਨ੍ਹਾਂ ਦੀ 1969 ਵਿੱਚ ਆਈ ਫ਼ਿਲਮ ਸਾਤ ਹਿੰਦੂਸਤਾਨੀ ਦੇ ਸਮੇਂ ਦੀ ਹੈ। ਇਹ ਤਸਵੀਰ ਲਗਭਗ 51 ਸਾਲ ਪਹਿਲਾ ਦੇ ਇੱਕ ਮੈਗਜ਼ੀਨ ਲਈ ਕੀਤੇ ਫ਼ੋਟੋਸ਼ੂਟ ਦੀ ਹੈ।

ਬਿੱਗ-ਬੀ, ਜੋ ਇਸ ਸਾਲ ਅਕਤੂਬਰ ਵਿੱਚ 78 ਸਾਲ ਦੇ ਹੋ ਜਾਣਗੇ, ਉਨ੍ਹਾਂ ਦੀ ਉਮਰ ਉਸ ਸਮੇਂ 26 ਜਾ 27 ਸਾਲ ਦੀ ਸੀ। ਆਪਣੇ ਟਵਿਟਰ 'ਤੇ ਅਦਾਕਾਰ ਨੇ ਦੱਸਿਆ ਕਿ ਇਹ ਫ਼ੋਟੋ ਉਦੋਂ ਦੀ ਹੈ, ਜਦ ਉਹ ਬਾਲੀਵੁੱਡ ਵਿੱਚ ਨਵੇਂ ਸੀ।

ਉਸ ਸਮੇਂ ਉਨ੍ਹਾਂ ਨੇ ਸੋਚਿਆ ਸੀ ਕਿ ਉਨ੍ਹਾਂ ਦੇ ਕੋਲ ਨਾ ਤਾਂ ਸ਼ੈਲੀ ਸੀ ਤੇ ਨਾ ਹੀ ਇਸ ਮੈਗਜ਼ੀਨ ਦੇ ਫ਼ੋਟੋਸ਼ੂਟ ਦੇ ਦੌਰਾਨ ਉਹ ਸਟਾਰ ਸੀ। ਪਰ ਇੱਕ ਪੱਤਰਕਾਰ ਨੇ ਉਨ੍ਹਾਂ ਦਾ ਇਹ ਫ਼ੋਟੋ ਸ਼ੂਟ ਕੀਤਾ ਸੀ।