ਅਮਿਤਾਭ ਬੱਚਨ ਤੋਂ ਤਾਰੀਫ਼ ਸੁਣ ਸੱਤਵੇਂ ਆਸਮਾਨ 'ਚ ਪੁੱਜੇ ਕੁਨਾਲ ਖੇਮੂ

ਅਦਾਕਾਰ ਅਮਿਤਾਭ ਬੱਚਨ ਨੇ ਫਿਲਮ 'ਲੂਟਕੇਸ' ਨੂੰ ਲੈ ਕੇ ਕੁਨਾਲ ਖੇਮੂ ਦੀ ਅਦਾਕਾਰੀ ਦੀ ਤਾਰ਼ੀਫ ਕੀਤੀ ਹੈ। ਅਮਿਤਾਭ ਤੋਂ ਤਾਰੀਫ਼ ਸੁਣ ਕੁਨਾਲ ਖੇਮੂ ਖ਼ੁਸ਼ੀ ਨਾਲ ਫੁਲੇ ਨਹੀਂ ਸਮਾ ਰਹੇ ਹਨ।

ਮੁੰਬਈ: ਅਦਾਕਾਰ ਅਮਿਤਾਭ ਬੱਚਨ ਨੇ ਫਿਲਮ 'ਲੂਟਕੇਸ' ਵਿੱਚ ਕੁਨਾਲ ਖੇਮੂ ਦੀ ਅਦਾਕਾਰੀ ਦੀ ਤਾਰ਼ੀਫ ਕੀਤੀ ਹੈ। ਕੁਨਾਲ ਖੇਮੂ ਦੀ ਅਦਾਕਾਰੀ ਵੇਖਣ ਤੋਂ ਬਾਅਦ ਬਿਗ ਬੀ ਨੇ ਉਸ ਨੂੰ ਲਿੱਖਿਤ ਸੰਦੇਸ਼ ਭੇਜਿਆ। ਬਿਗ ਬੀ ਦੇ ਲਿੱਖਿਤ ਸੰਦੇਸ਼ 'ਤੇ ਕੁਨਾਲ ਖੇਮੂ ਨੇ ਕਿਹਾ ਕਿ ਉਸ ਲਈ ਇਹ ਬਹੁਤ ਵੱਡੀ ਗੱਲ ਹੈ।

ਕੁਨਾਲ ਖੇਮੂ ਨੇ ਬਿਗ ਬੀ ਵੱਲੋਂ ਭੇਜੇ ਲਿੱਖਿਤ ਸੰਦੇਸ਼ ਨੂੰ ਆਪਣੇ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤਾ। ਸੰਦੇਸ਼ 'ਚ ਲਿਖਿਆ ਸੀ," ਕੁਨਾਲ ਕੁਝ ਦਿਨ ਪਹਿਲਾਂ ਮੈਂ ਤੁਹਾਡੀ ਫਿਲਮ 'ਲੂਟਕੇਸ' ਵੇਖੀ ਸੀ, ਇਹ ਦੱਸਣ ਲਈ ਲਿੱਖ ਰਿਹਾ ਹਾਂ ਕਿ ਮੈਂਨੂੰ ਤੁਹਾਡੀ ਫਿਲਮ ਵੇਖ ਕੇ ਕਿਨ੍ਹਾਂ ਮਜ਼ਾ ਆਇਆ। ਫਿਲਮ ਦੀ ਸਕ੍ਰਿਪਟ, ਡਾਇਰੈਕਸ਼ਨ ਤੇ ਕੋ-ਆਰਟਿਸਟ ਵੱਲੋਂ ਨਿਭਾਈ ਗਈ ਭੂਮਿਕਾ ਸ਼ਾਨਦਾਰ ਹੈ।"

ਉਨ੍ਹਾਂ ਲਿਖਿਆ, ਤੁਹਾਡੇ ਸਰੀਰ ਦੀ ਸਾਰੀ ਗਤੀ, ਐਕਸਪ੍ਰੈਸ਼ਨ ਕਾਫ਼ੀ ਸ਼ਾਨਦਾਰ ਸੀ। ਤੁਸੀਂ ਹਮੇਸ਼ਾ ਚੰਗਾ ਕਰਦੇ ਰਹੋ। ਤੁਸੀਂ ਹਮੇਸ਼ਾ ਖੁਸ਼ ਰਹੋ। ਅਮਿਤਭ ਬੱਚਨ ਦੀ ਪ੍ਰਸ਼ੰਸਾ ਤੇ ਪਿਆਰ।"

ਸੰਦੇਸ਼ ਮਿਲਦੇ ਹੀ ਕੁਨਾਲ ਖੇਮੂ ਸੱਤਵੇਂ ਆਸਮਾਨ 'ਤੇ ਚਲੇ ਗਏ।

ਖੇਮੂ ਨੇ ਲਿਖਿਆ, "ਕੀ !!!! ਇਹ ਅਜੇ ਤੱਕ ਦੀ ਸਭ ਤੋਂ ਬਿਹਤਰ ਚੀਜ਼ ਹੈ। ਮੈਂ ਅਕਸਰ ਇਸ ਬਾਰੇ ਪੜ੍ਹਿਆਂ ਜਾਂ ਸੁਣਦਾ ਹਾਂ ਅਤੇ ਹਮੇਸ਼ਾਂ ਇਹ ਕਾਮਨਾ ਕੀਤੀ ਹੈ ਕਿ ਇੱਕ ਦਿਨ ਮੈਂ ਵੀ ਖ਼ੁਦ ਦੇ ਕਾਬਿਲ ਬਣ ਜਾਵਾਂ। ਬਹੁਤ ਬਹੁਤ ਧੰਨਵਾਦ ਅਮਿਤਾਭ ਬੱਚਨ ਸਰ, ਇਹ ਮੇਰੇ ਜੀਵਨ 'ਚ ਬਹੁਤ ਮਾਇਨੇ ਰੱਖਦਾ ਹੈ। ਇਸ ਸਮੇਂ ਮੈਂ ਆਪਣੇ ਦਿਮਾਗ ਤੇ ਦਿਲ 'ਚ ਬੈੱਕ ਫਲੀਪ ਕਰ ਰਿਹਾ ਹੈ।"

'ਲੂਟਕੇਸ' ਵਿੱਚ ਰਸਿਕਾ ਦੂਗਲ, ਗਜਰਾਜ ਰਾਵ, ਰਣਵੀਰ ਅਤੇ ਵਿਜੇ ਰਾਜ ਵੀ ਹਨ।