ਅਕਸ਼ੇ ਕੁਮਾਰ ਦੀ ਸਾਲ 2020 ਵਿੱਚ ਆਵੇਗੀ ਨਵੀਂ ਫ਼ਿਲਮ

ਅਕਸ਼ੇ ਕੁਮਾਰ ਦੀ ਅਗਲੀ ਫ਼ਿਲਮ 'Bachchan pandey' ਅਗਲੇ ਸਾਲ ਕ੍ਰਿਸਮਸ ਦੇ ਮੌਕੇ ਰਿਲੀਜ਼ ਹੋਵੇਗੀ। ਇਸ ਫ਼ਿਲਮ ਵਿੱਚ ਅਕਸ਼ੇ ਕੁਮਾਰ ਕੁਝ ਵੱਖਰੇ ਅੰਦਾਜ਼ ਵਿੱਚ ਨਜ਼ਰ ਆਉਣਗੇ।

ਮੁੰਬਈ: ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਅਕਸ਼ੇ ਕੁਮਾਰ ਅਕਸਰ ਸੁਰਖੀਆਂ ਵਿੱਚ ਰਹਿੰਦੇ ਹਨ। ਹਾਲ ਹੀ ਵਿੱਚ ਅਕਸ਼ੇ ਦੀ ਨਵੀਂ ਫ਼ਿਲਮ 'ਮਿਸ਼ਨ ਮੰਗਲ' 15 ਅਗਸਤ ਨੂੰ ਰਿਲੀਜ਼ ਹੋਵੇਗੀ। ਜਿਸ ਦੀ ਚਰਚਾ ਹਰ ਪਾਸੇ ਹੈ। 'ਮਿਸ਼ਨ ਮੰਗਲ' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਤੇ ਲੋਕਾਂ ਨੇ ਇਸ ਨੂੰ ਕਾਫ਼ੀ ਪਸੰਦ ਵੀ ਕੀਤਾ ਹੈ।

ਦਰਅਸਲ ਫ਼ਿਲਮ ਕ੍ਰਿਟਿਕ ਤਰਨ ਆਦਰਸ਼ ਨੇ ਟਵੀਟ ਕਰਦਿਆਂ ਇਸ ਦੀ ਜਾਣਕਾਰੀ ਕੀਤੀ ਹੈ ਕਿ ਅਕਸ਼ੇ ਦੀ ਨਵੀਂ ਆਉਣ ਵਾਲੀ ਫ਼ਿਲਮ 'Bachchan pandey' ਅਗਲੇ ਸਾਲ ਕ੍ਰਿਸਮਸ ਦੇ ਮੌਕੇ ਰਿਲੀਜ਼ ਹੋਵੇਗੀ। ਇਸ ਦਾ ਪੋਸਟਰ ਰਿਲੀਜ਼ ਹੋ ਗਿਆ ਹੈ। ਪੋਸਟਰ ਵਿੱਚ ਅਕਸ਼ੇ ਵੱਖਰੇ ਅੰਦਾਜ਼ ਵਿੱਚ ਨਜ਼ਰ ਆ ਰਹੇ ਹਨ। ਸ਼ਰਟ ਲੈੱਸ ਹੋ ਕੇ, ਮੱਥੇ ਤੇ ਚੰਦਨ ਲਾ ਕੇ, ਮੂੰਹ ਤੇ ਗੁੱਸੇ ਝਲਕ ਰਿਹਾ ਹੈ ਜਿਸ ਤੋਂ ਪਤਾ ਚਲ ਰਿਹਾ ਹੈ ਕਿ ਫ਼ਿਲਮ ਵਿੱਚ ਕਾਫ਼ੀ ਕੁਝ ਦੇਖਣਯੋਗ ਹੋਵੇਗਾ। ਅਕਸ਼ੇ ਦੀ ਇਸ ਫ਼ਿਲਮ ਨੂੰ ਡਾਇਰੈਕਟ ਫ਼ਰਹਾਦ ਸੰਜੀ ਕਰ ਰਹੇ ਹਨ ਤੇ ਪ੍ਰੋਡਿਊਸ ਸਾਜਿਦ ਨਾਦਿੜਵਾਲਾ ਕਰ ਰਹੇ ਹਨ। ਅਕਸ਼ੇ ਦੀ ਇਸ ਫ਼ਿਲਮ ਤੋਂ ਪਹਿਲਾ 'ਮਿਸ਼ਨ ਮੰਗਲ' ਆਵੇਗੀ ਤੇ ਦੇਖਣਯੋਗ ਹੋਵੇਗਾ ਕਿ ਇਸ ਫ਼ਿਲਮ ਲੋਕਾਂ ਦਾ ਕਿਨ੍ਹਾਂ ਕ ਪਿਆਰ ਮਿਲਦਾ ਹੈ।