ਮੁੰਬਈ: ਲੌਕਡਾਊਨ ਦੇ ਚਲਦਿਆਂ ਬਾਲੀਵੁੱਡ ਗਾਇਕ ਸੋਨੂੰ ਨਿਗਮ ਦੁਬਈ ਵਿੱਚ ਫੱਸੇ ਹੋਏ ਹਨ। ਅਜਿਹੇ ਵਿੱਚ ਸੋਸ਼ਲ ਮੀਡੀਆ ਉੱਤੇ ਸੋਨੂੰ ਅਚਾਨਕ ਟ੍ਰੋਲਰਸ ਦੇ ਅੜਿੱਕੇ ਚੜ੍ਹ ਗਏ ਹਨ। ਕਿਹਾ ਜਾ ਰਿਹਾ ਹੈ ਕਿ ਸੋਨੂੰ ਦੁਬਈ ਵਿੱਚ ਡਰ ਕਾਰਨ ਆਪਣੇ ਟਵਿੱਟਰ ਹੈਂਡਲ ਨੂੰ ਡਿਲੀਟ ਕਰ ਚੁੱਕੇ ਹਨ। ਕਿਉਂਕਿ ਸਾਲ 2017 ਵਿੱਚ ਉਨ੍ਹਾਂ ਨੇ 'ਅਜ਼ਾਨ' ਨੂੰ ਲੈ ਕੇ ਇੱਕ ਬਿਆਨ ਦਿੱਤਾ ਸੀ।
ਹੁਣ ਸੋਨੂੰ ਦੀ ਸਪੋਰਟ ਵਿੱਚ ਗਾਇਕ ਅਦਨਾਨ ਸਾਮੀ ਸਾਹਮਣੇ ਆਏ ਹਨ। ਅਦਨਾਨ ਨੇ ਸੋਨੂੰ ਦੀ ਤਰਫ਼ਦਾਰੀ ਕਰਦੇ ਹੋਏ ਇੱਕ ਟਵੀਟ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੇ ਸੋਨੂੰ ਨੂੰ ਆਪਣਾ ਭਰਾ ਕਿਹਾ ਹੈ। ਇਸ ਦੌਰਾਨ ਅਦਨਾਨ ਨੇ ਟ੍ਰੋਲਰਸ ਨੂੰ ਵੀ ਕਾਫ਼ੀ ਸੁਣਾਈਆਂ।
ਅਦਨਾਨ ਨੇ ਲਿਖਿਆ, "ਜਿੱਥੋ ਤੱਕ ਸੋਨੂੰ ਨਿਗਮ ਦੀ ਗੱਲ ਹੈ ਉਸ ਦੀ ਗਾਇਕੀ ਛਡੋ, ਜੋ ਬੇਹੱਦ ਖ਼ੂਬਸੁਰਤ ਹੈ, ਉਹ ਮੇਰਾ ਭਰਾ ਹੈ ਤੇ ਹਮੇਸ਼ਾ ਰਹੇਗਾ। ਮੈਂ ਉਸ ਨੂੰ ਹਮੇਸ਼ਾ ਚਾਹੁੰਗਾ, ਆਪਣੇ ਸਕੇ ਭਰਾ ਦੀ ਤਰ੍ਹਾਂ। ਮੈਂ ਜਾਣਦਾ ਹਾਂ, ਸੱਚ। ਉਹ ਹਰ ਕਿਸੇ ਦੀ ਇੱਜਤ ਕਰਨਾ ਜਾਣਦੇ ਹਨ। ਉਹ ਸਭ ਦੇ ਵਿਸ਼ਵਾਸ ਦਾ ਸਨਮਾਨ ਕਰਦੇ ਹਨ। ਕ੍ਰਿਪਾ ਕਰਕੇ ਉਸ ਨੂੰ ਇਕੱਲਿਆਂ ਛੱਡ ਦਿਓ। ਮੈਂ ਤੁਹਾਡੇ ਨਾਲ ਸੋਨੂੰ।"
ਅਦਨਾਨ ਦੇ ਇਸ ਟਵੀਟ ਉੱਤੇ ਕਈ ਲੋਕਾਂ ਨੇ ਆਪਣੀ ਪ੍ਰਤੀਕਿਰਿਆ ਦਿੱਤੀ। ਕਈ ਲੋਕਾਂ ਨੇ ਅਦਨਾਨ ਨੂੰ ਮਾੜਾ-ਚੰਗਾ ਕਿਹਾ ਤੇ ਕਈ ਲੋਕਾਂ ਨੇ ਸੋਨੂੰ ਨਿਗਮ ਨੂੰ। ਦੱਸ ਦੇਈਏ ਕਿ ਟਵਿੱਟਰ ਉੱਤੇ #sonunigam ਟ੍ਰੈਂਡ ਕਰ ਰਿਹਾ ਹੈ।