ਹੈਦਰਾਬਾਦ: ਵਟਸਐਪ ਦਾ ਕਰੋੜਾਂ ਯੂਜ਼ਰਸ ਇਸਤੇਮਾਲ ਕਰਦੇ ਹਨ। ਇਸ ਲਈ ਕੰਪਨੀ ਲਗਾਤਾਰ ਇਸ ਐਪ ਨੂੰ ਅਪਡੇਟ ਕਰਦੀ ਰਹਿੰਦੀ ਹੈ। WaBetaInfo ਦੀ ਰਿਪੋਰਟ ਅਨੁਸਾਰ, ਹੁਣ ਵਟਸਐਪ 'ਤੇ ਇੱਕ ਹੋਰ ਨਵਾਂ ਫੀਚਰ ਆਉਣ ਵਾਲਾ ਹੈ। ਇਹ ਫੀਚਰ ਲੋਕਾਂ ਦੇ Business ਅਕਾਊਂਟ ਨੂੰ ਸਪੋਰਟ ਕਰੇਗਾ। ਇਸ ਫੀਚਰ ਦਾ ਨਾਮ 'Marketing Message' ਹੈ। ਇਸ ਫੀਚਰ ਨੂੰ ਐਂਡਰਾਈਡ ਯੂਜ਼ਰਸ ਲਈ ਬੀਟਾ ਵਰਜ਼ਨ 'ਚ ਦੇਖਿਆ ਗਿਆ ਹੈ। ਇਸ ਫੀਚਰ ਦੀ ਮਦਦ ਨਾਲ ਤੁਸੀਂ ਮੈਸੇਜ ਨੂੰ schedule ਅਤੇ ਬਿਹਤਰ ਤਰੀਕੇ ਨਾਲ ਭੇਜ ਸਕੋਗੇ।
ETV Bharat / science-and-technology
WhatsApp ਜਲਦ ਹੀ ਲੈ ਕੇ ਆ ਰਿਹਾ 'Marketing Message' ਫੀਚਰ, Business ਅਕਾਊਂਟਸ ਨੂੰ ਹੋਵੇਗਾ ਫਾਇਦਾ - ਵਟਸਐਪ ਚੈਨਲ ਯੂਜ਼ਰਸ ਫਾਲੋਅਰਜ਼ ਨੂੰ ਭੇਜ ਸਕਣਗੇ ਸਟਿੱਕਰ
WhatsApp Latest News: ਵਟਸਐਪ ਯੂਜ਼ਰਸ ਲਈ ਇੱਕ ਨਵਾਂ ਫੀਚਰ ਲੈ ਕੇ ਆਉਣ ਵਾਲਾ ਹੈ। ਇਹ ਫੀਚਰ ਲੋਕਾਂ ਦੇ Business ਅਕਾਊਂਟ ਨੂੰ ਸਪੋਰਟ ਕਰੇਗਾ ਅਤੇ ਇਸ ਨਾਲ ਵਪਾਰੀਆਂ ਨੂੰ ਫਾਇਦਾ ਹੋਵੇਗਾ।
Published : Nov 16, 2023, 3:49 PM IST
ਵਟਸਐਪ ਦਾ 'Marketing Message' ਫੀਚਰ ਹੋਵੇਗਾ ਪੇਡ: ਇਸ ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ 'Marketing Message' ਫੀਚਰ ਦਾ ਇਸਤੇਮਾਲ ਕਰਨ ਲਈ Business ਅਕਾਊਂਟਸ ਨੂੰ ਫੀਸ ਦੇਣੀ ਪੈ ਸਕਦੀ ਹੈ। ਇਸਦੀ ਫੀਸ ਦੇਸ਼ਾਂ ਦੇ ਹਿਸਾਬ ਨਾਲ ਅਲੱਗ-ਅਲੱਗ ਹੋ ਸਕਦੀ ਹੈ। ਹਾਲਾਂਕਿ, ਵਟਸਐਪ ਇਸ ਫੀਚਰ ਨੂੰ ਛੋਟੇ ਵਪਾਰ ਦੇ ਹਿਸਾਬ ਨਾਲ ਤੈਅ ਕਰੇਗਾ। ਇਸ ਨਾਲ ਛੋਟੇ ਵਪਾਰੀਆਂ ਨੂੰ ਆਪਣਾ ਵਪਾਰ ਵਧਾਉਣ 'ਚ ਮਦਦ ਮਿਲ ਸਕਦੀ ਹੈ ਅਤੇ ਇਹ ਲੋਕ ਵੱਡੇ ਪੱਧਰ 'ਤੇ ਆਪਣਾ ਪ੍ਰੋਮੋਸ਼ਨ ਕਰ ਸਕਦੇ ਹਨ। ਇਸ ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ 'Marketing Message' ਫੀਚਰ ਨਵੇਂ ਆਫ਼ਰ, ਐਲਾਨ, ਕੂਪਨ ਅਤੇ ਵਿਕਰੀ ਵਰਗੇ ਭਾਸ਼ਨਾਂ ਦੇ ਪ੍ਰਸਾਰ ਦੀ ਸੁਵਿਧਾ ਪ੍ਰਦਾਨ ਕਰਦਾ ਹੈ।
ਵਟਸਐਪ ਚੈਨਲ ਯੂਜ਼ਰਸ ਆਪਣੇ ਫਾਲੋਅਰਜ਼ ਨੂੰ ਭੇਜ ਸਕਣਗੇ ਸਟਿੱਕਰ: ਇਸਦੇ ਨਾਲ ਹੀ, ਹਾਲ ਹੀ ਵਿੱਚ ਵਟਸਐਪ ਨੇ ਭਾਰਤ 'ਚ ਚੈਨਲ ਫੀਚਰ ਲਾਈਵ ਕੀਤਾ ਸੀ। ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰਸ ਆਪਣੇ ਪਸੰਦੀਦਾ ਕ੍ਰਿਏਟਰਸ ਅਤੇ ਮਸ਼ਹੂਰ ਸਿਤਾਰਿਆਂ ਨਾਲ ਜੁੜ ਸਕਦੇ ਹਨ। ਹਾਲ ਹੀ ਵਿੱਚ ਮੈਟਾ ਦੇ ਸੀਈਓ ਮਾਰਕ ਨੇ ਦੱਸਿਆ ਹੈ ਕਿ ਕੰਪਨੀ ਨੇ 7 ਹਫ਼ਤਿਆਂ ਦੇ ਅੰਦਰ ਇਸ ਫੀਚਰ 'ਤੇ 500 ਮਿਲੀਅਨ ਐਕਟਿਵ ਯੂਜ਼ਰਸ ਹਾਸਲ ਕਰ ਲਏ ਹਨ। ਇਸ ਦੌਰਾਨ, ਹੁਣ ਕੰਪਨੀ ਨੇ ਚੈਨਲ 'ਚ ਯੂਜ਼ਰਸ ਨੂੰ ਸਟਿੱਕਰ ਦਾ ਆਪਸ਼ਨ ਦੇ ਦਿੱਤਾ ਹੈ। ਹੁਣ ਕ੍ਰਿਏਟਰਸ ਚੈਨਲ 'ਚ ਸਟਿੱਕਰ ਆਪਣੇ ਫਾਲੋਅਰਜ਼ ਨੂੰ ਭੇਜ ਸਕਣਗੇ।