WhatsApp ਯੂਜ਼ਰਸ ਨੂੰ ਜਲਦ ਮਿਲਣਗੇ ਦੋ ਨਵੇਂ ਆਪਸ਼ਨ, ਹੁਣ ਸਟੇਟਸ ਲਗਾਉਣਾ ਹੋਵੇਗਾ ਹੋਰ ਵੀ ਆਸਾਨ

WhatsApp Upcoming Feature: ਵਟਸਐਪ ਇੱਕ ਨਵੇਂ ਫੀਚਰ 'ਤੇ ਕੰਮ ਕਰ ਰਿਹਾ ਹੈ। ਇਸ ਫੀਚਰ ਦੀ ਮਦਦ ਨਾਲ ਸਟੇਟਸ ਲਗਾਉਣਾ ਆਸਾਨ ਹੋ ਜਾਵੇਗਾ।

ਹੈਦਰਾਬਾਦ:ਵਟਸਐਪ ਦਾ ਇਸਤੇਮਾਲ ਕਰੋੜਾਂ ਯੂਜ਼ਰਸ ਕਰਦੇ ਹਨ। ਇਸ ਲਈ ਕੰਪਨੀ ਐਪ 'ਚ ਨਵੇਂ ਫੀਚਰ ਜੋੜਦੀ ਰਹਿੰਦੀ ਹੈ। ਯੂਜ਼ਰਸ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਕੰਪਨੀ ਸਮੇਂ-ਸਮੇਂ 'ਤੇ ਐਪ 'ਚ ਕਈ ਬਦਲਾਅ ਕਰਦੀ ਰਹਿੰਦੀ ਹੈ। ਇਸ ਦੌਰਾਨ ਕੰਪਨੀ ਹੁਣ ਇੱਕ ਹੋਰ ਨਵੇਂ ਫੀਚਰ 'ਤੇ ਕੰਮ ਕਰ ਰਹੀ ਹੈ। ਇਹ ਫੀਚਰ ਫਿਲਹਾਲ ਕੁਝ ਬੀਟਾ ਟੈਸਟਰਾਂ ਲਈ ਹੀ ਉਪਲਬਧ ਹੈ। ਕੰਪਨੀ ਐਪ 'ਚ ਸਟੇਟਸ ਸੈੱਟ ਕਰਨ ਲਈ ਦੋ ਨਵੇਂ ਆਪਸ਼ਨ ਸਟੇਟਸ ਟੈਬ ਦੇ ਅੰਦਰ ਦੇਣ ਵਾਲੀ ਹੈ।

ਇਸ ਤਰ੍ਹਾਂ ਕਰ ਸਕੋਗੇ ਵਟਸਐਪ 'ਤੇ ਸਟੇਟਸ ਸੈੱਟ:ਵਰਤਮਾਨ ਸਮੇਂ 'ਚ ਸਟੇਟਸ ਸੈੱਟ ਕਰਨ ਲਈ ਸਟੇਟਸ ਟੈਬ 'ਚ ਜਾ ਕੇ ਕੈਮਰਾ ਆਈਕਨ 'ਤੇ ਕਲਿੱਕ ਕਰਨਾ ਪੈਂਦਾ ਹੈ ਅਤੇ ਫਿਰ ਸਟੇਟਸ ਸੈੱਟ ਹੁੰਦਾ ਹੈ। ਨਵੇਂ ਅਪਡੇਟ ਦੇ ਆਉਣ ਤੋਂ ਬਾਅਦ ਕੰਪਨੀ ਦੋ ਨਵੇਂ ਆਪਸ਼ਨ ਸਟੇਟਸ ਟੈਬ ਦੇ ਅੰਦਰ ਦੇਣ ਵਾਲੀ ਹੈ, ਜਿੱਥੇ ਯੂਜ਼ਰਸ ਨੂੰ ਇੱਕ ਕੈਮਰਾ ਆਈਕਨ ਅਤੇ ਪੇਂਸਿਲ ਬਟਨ ਟਾਪ ਰਾਈਟ 'ਚ ਨਜ਼ਰ ਆਵੇਗਾ। ਇੱਥੋ ਤੁਸੀਂ ਆਸਾਨੀ ਨਾਲ ਸਟੇਟਸ ਸੈੱਟ ਕਰ ਸਕੋਗੇ। ਜੇਕਰ ਤੁਹਾਨੂੰ ਕੋਈ ਵੀ ਮੀਡੀਆ ਫਾਈਲ ਸਟੇਟਸ 'ਚ ਪਾਉਣੀ ਹੈ, ਤਾਂ ਕੈਮਰਾ ਆਈਕਨ 'ਤੇ ਕਲਿੱਕ ਕਰੋ ਅਤੇ ਕੋਈ ਟੈਕਸਟ ਸ਼ੇਅਰ ਕਰਨਾ ਹੈ, ਤਾਂ ਪੇਂਸਿਲ ਬਟਨ 'ਤੇ ਕਲਿੱਕ ਕਰੋ। ਨਵੇਂ ਅਪਡੇਟ ਦੇ ਰਾਹੀ ਕੰਪਨੀ ਸਟੇਟਸ ਸ਼ੇਅਰ ਕਰਨ ਦੇ ਅਨੁਭਵ ਨੂੰ ਬਿਹਤਰ ਬਣਾਉਣ ਵਾਲੀ ਹੈ। ਫਿਲਹਾਲ ਇਹ ਅਪਡੇਟ ਕੁਝ ਬੀਟਾ ਟੈਸਟਰਾਂ ਕੋਲ ਉਪਲਬਧ ਹੈ, ਜਿਸਨੂੰ ਆਉਣ ਵਾਲੇ ਸਮੇਂ 'ਚ ਸਾਰਿਆ ਲਈ ਰੋਲਆਊਟ ਕੀਤਾ ਜਾ ਸਕਦਾ ਹੈ।

ਵਟਸਐਪ ਯੂਜ਼ਰਸ ਨੂੰ ਮਿਲੇਗੀ ਪਿੰਨ ਫੀਚਰ ਦੀ ਸੁਵਿਧਾ:ਇਸ ਤੋਂ ਇਲਾਵਾ, ਕੰਪਨੀ ਯੂਜ਼ਰਸ ਲਈ ਪਿੰਨ ਫੀਚਰ ਦੀ ਸੁਵਿਧਾ ਵੀ ਪੇਸ਼ ਕਰਨ ਜਾ ਰਹੀ ਹੈ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਯੂਜ਼ਰਸ ਨੂੰ ਅਜੇ ਤੱਕ ਸਿਰਫ਼ ਵਟਸਐਪ ਚੈਟਾਂ ਨੂੰ ਹੀ ਪਿੰਨ ਕਰਨ ਦਾ ਆਪਸ਼ਨ ਮਿਲਦਾ ਸੀ, ਪਰ ਹੁਣ ਤੁਹਾਨੂੰ ਮੈਸੇਜਾਂ ਨੂੰ ਵੀ ਪਿੰਨ ਕਰਨ ਦੀ ਸੁਵਿਧਾ ਮਿਲੇਗੀ। ਇਸ ਫੀਚਰ ਦੀ ਮਦਦ ਨਾਲ ਤੁਹਾਨੂੰ ਕੋਈ ਵੀ ਜ਼ਰੂਰੀ ਮੈਸੇਜ ਲੱਭਣ 'ਚ ਸਮੱਸਿਆ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ। ਇਸ ਫੀਚਰ ਬਾਰੇ ਵਟਸਐਪ ਨੇ ਆਪਣੇ ਚੈਨਲ ਰਾਹੀ ਜਾਣਕਾਰੀ ਦਿੱਤੀ ਹੈ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਵਟਸਐਪ 'ਤੇ ਪਿੰਨ ਫੀਚਰ ਪਹਿਲਾ ਤੋਂ ਹੀ ਮੌਜ਼ੂਦ ਹੈ। ਫਿਲਹਾਲ, ਇਸ ਫੀਚਰ ਰਾਹੀ ਤੁਸੀਂ ਜ਼ਰੂਰੀ ਨੰਬਰਾਂ ਨੂੰ ਵਟਸਐਪ 'ਤੇ ਪਿੰਨ ਕਰਕੇ ਸਭ ਤੋਂ ਉੱਪਰ ਰੱਖ ਸਕਦੇ ਹੋ। ਹਾਲਾਂਕਿ, ਇਸ ਰਾਹੀ ਵਟਸਐਪ ਯੂਜ਼ਰਸ ਇੱਕ ਵਾਰ 'ਚ ਸਿਰਫ਼ ਤਿੰਨ ਨੰਬਰਾਂ ਨੂੰ ਹੀ ਵਟਸਐਪ 'ਤੇ ਪਿੰਨ ਕਰ ਸਕਦੇ ਹਨ। ਇਸੇ ਤਰ੍ਹਾਂ ਹੁਣ ਮੈਸੇਜਾਂ ਨੂੰ ਪਿੰਨ ਕਰਨ ਲਈ ਵੀ ਪਿੰਨ ਫੀਚਰ ਰੋਲਆਊਟ ਕੀਤਾ ਗਿਆ ਹੈ। ਇਸ ਫੀਚਰ ਦੀ ਮਦਦ ਨਾਲ ਤੁਸੀਂ ਜ਼ਰੂਰੀ ਮੈਸੇਜਾਂ ਨੂੰ ਪਿੰਨ ਕਰ ਸਕੋਗੇ। ਫਿਲਹਾਲ, ਵਟਸਐਪ ਦੇ ਇਸ ਫੀਚਰ 'ਤੇ ਕੰਮ ਚਲ ਰਿਹਾ ਹੈ।