WhatsApp New Features: macOS 'ਚ ਨਵਾਂ ਗਰੁੱਪ ਕਾਲਿੰਗ ਫੀਚਰ ਪੇਸ਼ ਕਰ ਰਿਹਾ WhatsApp

ਇਕ ਰਿਪੋਰਟ ਦੇ ਅਨੁਸਾਰ, ਪਹਿਲਾਂ ਗਰੁੱਪ ਕਾਲ ਸ਼ੁਰੂ ਕਰਨਾ ਸੰਭਵ ਨਹੀਂ ਸੀ, ਕਿਉਂਕਿ ਬਟਨ ਜਾਂ ਤਾਂ ਡਿਸੇਵਲ ਸੀ ਜਾਂ MacOS 'ਤੇ ਕੰਮ ਨਹੀਂ ਕਰ ਰਿਹਾ ਸੀ। ਗਰੁੱਪ ਕਾਲਿੰਗ ਫੀਚਰ ਯੂਜ਼ਰਸ ਨੂੰ ਚੁਣੇ ਹੋਏ ਪ੍ਰਤੀਭਾਗੀਆਂ ਨਾਲ ਗਰੁੱਪ ਕਾਲ ਕਰਨ ਦੀ ਇਜਾਜ਼ਤ ਦੇਵੇਗਾ।

ਸੈਨ ਫਰਾਂਸਿਸਕੋ:ਮੈਟਾ-ਮਾਲਕੀਅਤ ਵਾਲਾ ਵਟਸਐਪ ਮੈਕੋਸ ਡਿਵਾਈਸਾਂ 'ਤੇ ਇੱਕ ਗਰੁੱਪ ਕਾਲਿੰਗ ਫੀਚਰ ਸ਼ੁਰੂ ਕਰ ਰਿਹਾ ਹੈ, ਜੋ ਯੂਜ਼ਰਸ ਨੂੰ ਚੋਣਵੇਂ ਭਾਗੀਦਾਰਾਂ ਨਾਲ ਗਰੁੱਪ ਕਾਲ ਕਰਨ ਦੀ ਆਗਿਆ ਦੇਵੇਗਾ। WBeta Info ਦੇ ਅਨੁਸਾਰ, ਪਹਿਲਾਂ ਗਰੁੱਪ ਕਾਲ ਸ਼ੁਰੂ ਕਰਨਾ ਸੰਭਵ ਨਹੀਂ ਸੀ, ਕਿਉਂਕਿ ਬਟਨ ਜਾਂ ਤਾਂ ਡਿਸੇਵਲ ਸੀ ਜਾਂ ਮੈਕੋਸ 'ਤੇ ਕੰਮ ਨਹੀਂ ਕਰ ਰਿਹਾ ਸੀ। ਹਾਲਾਂਕਿ, WhatsApp ਬੀਟਾ ਦੇ ਨਵੀਨਤਮ ਅਪਡੇਟ ਵਿੱਚ ਕਾਲ ਬਟਨ (ਆਡੀਓ ਅਤੇ ਵੀਡੀਓ) ਉਪਲਬਧ ਹੈ ਅਤੇ ਯੂਜ਼ਰਸ ਹੁਣ ਇੱਕ WhatsApp ਗਰੁੱਪ ਕਾਲ ਸ਼ੁਰੂ ਕਰ ਸਕਦੇ ਹਨ।

ਵੱਧ ਤੋਂ ਵੱਧ 32 ਲੋਕ ਗਰੁੱਪ ਆਡੀਓ ਕਾਲ ਵਿੱਚ ਸ਼ਾਮਲ ਹੋ ਸਕਦੇ: ਇਸ ਤੋਂ ਇਲਾਵਾ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਨਵਾਂ ਫੀਚਰ ਯੂਜ਼ਰਸ ਨੂੰ ਉਨ੍ਹਾਂ ਲੋਕਾਂ ਨਾਲ ਗਰੁੱਪ ਕਾਲ ਕਰਨ ਦੀ ਵੀ ਇਜਾਜ਼ਤ ਦੇਵੇਗਾ ਜੋ ਇਕ ਹੀ ਗਰੁੱਪ 'ਚ ਨਹੀਂ ਹਨ। ਬਸ ਕਾਲ ਟੈਬ ਖੋਲ੍ਹੋ ਅਤੇ ਕ੍ਰਿਏਟ ਕਾਲ ਬਟਨ 'ਤੇ ਟੈਪ ਕਰੋ। ਐਪ ਦੇ ਇਸ ਭਾਗ ਵਿੱਚ ਯੂਜ਼ਰਸ ਉਹਨਾਂ ਲੋਕਾਂ ਨੂੰ ਚੁਣ ਕੇ ਇੱਕ ਨਵਾਂ ਗਰੁੱਪ ਕਾਲ ਬਣਾ ਸਕਦੇ ਹਨ ਜਿਨ੍ਹਾਂ ਨੂੰ ਉਹ ਕਾਲ ਵਿੱਚ ਸ਼ਾਮਲ ਕਰਨਾ ਚਾਹੁੰਦੇ ਹਨ। ਰਿਪੋਰਟ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਯੂਜ਼ਰਸ ਇਸ ਸੈਕਸ਼ਨ ਵਿੱਚ ਵੱਧ ਤੋਂ ਵੱਧ 7 ਲੋਕਾਂ ਨੂੰ ਚੁਣ ਸਕਣਗੇ, ਪਰ ਬਾਅਦ ਵਿੱਚ ਵੱਧ ਤੋਂ ਵੱਧ 32 ਲੋਕ ਗਰੁੱਪ ਆਡੀਓ ਕਾਲ ਵਿੱਚ ਸ਼ਾਮਲ ਹੋ ਸਕਦੇ ਹਨ।

WhatsApp ਬ੍ਰਾਂਡਕਾਸਟ ਚੈਨਲ ਕੰਨਵਰਸੇਸ਼ਨ 'ਤੇ ਕੰਮ ਕਰ ਰਿਹਾ: ਰਿਪੋਰਟ ਦੇ ਅਨੁਸਾਰ, ਹੋਰ ਸਾਰੇ ਸੁਧਾਰਾਂ ਦੇ ਨਾਲ ਗਰੁੱਪ ਕਾਲਿੰਗ ਫੀਚਰ ਕੁਝ ਬੀਟਾ ਟੈਸਟਰਾਂ ਲਈ ਉਪਲਬਧ ਹੈ। ਇਸ ਦੌਰਾਨ, WhatsApp ਕਥਿਤ ਤੌਰ 'ਤੇ ਐਂਡਰਾਇਡ 'ਤੇ ਇੱਕ ਬ੍ਰਾਂਡਕਾਸਟ ਚੈਨਲ ਕੰਨਵਰਸੇਸ਼ਨ 'ਤੇ ਕੰਮ ਕਰ ਰਿਹਾ ਹੈ, ਜਿਸ ਵਿੱਚ 12 ਨਵੇਂ ਫੀਚਰ ਸ਼ਾਮਲ ਹਨ। ਫੀਚਰ ਵਿੱਚ ਕੰਨਵਰਸੇਸ਼ਨ ਵਿੱਚ ਇੱਕ ਮੈਸੇਜਿੰਗ ਇੰਟਰਫੇਸ, ਵੈਰੀਫ਼ਿਕੇਸ਼ਨ ਸਟੇਟਸ, ਫਾਲੋਅਰ ਦੀ ਗਿਣਤੀ, ਮਿਊਟ ਨੋਟੀਫਿਕੇਸ਼ਨ ਬਟਨ, ਹੈਂਡਲ, ਅਸਲ ਫਾਲੋਅਰ ਦੀ ਗਿਣਤੀ, ਸ਼ਾਰਟਕੱਟ, ਚੈਨਲ ਵੇਰਵਾ, ਮਿਊਟ ਨੋਟੀਫਿਕੇਸ਼ਨ ਟੌਗਲ, ਪ੍ਰਾਈਵੇਸੀ ਅਤੇ ਰਿਪੋਰਟਿੰਗ ਸ਼ਾਮਲ ਹਨ।