WhatsApp ਕਰ ਰਿਹਾ ਨਵੇਂ ਫੀਚਰ 'ਤੇ ਕੰਮ, ਸਟੇਟਸ ਦਾ ਇਸ ਤਰ੍ਹਾਂ ਦੇ ਸਕੋਗੇ ਰਿਪਲਾਈ, ਲਿਖਣ ਦੀ ਵੀ ਨਹੀਂ ਪਵੇਗੀ ਲੋੜ

ਵਟਸਐਪ ਇੱਕ ਨਵੇਂ ਫੀਚਰ ਦੀ ਟੈਸਟਿੰਗ ਕਰ ਰਿਹਾ ਹੈ। ਇਹ ਫੀਚਰ ਕੁਝ ਬੀਟਾ ਟੈਸਟਰਾਂ ਕੋਲ ਉਪਲਬਧ ਹੈ।

ਹੈਦਰਾਬਾਦ: ਭਾਰਤ 'ਚ 550 ਮਿਲੀਅਨ ਤੋਂ ਜ਼ਿਆਦਾ ਲੋਕ ਵਟਸਐਪ ਦਾ ਇਸਤੇਮਾਲ ਕਰਦੇ ਹਨ। ਯੂਜ਼ਰਸ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਕੰਪਨੀ ਲਗਾਤਾਰ ਨਵੇਂ ਫੀਚਰਸ 'ਤੇ ਕੰਮ ਕਰ ਰਹੀ ਹੈ। ਇਸ ਦੌਰਾਨ ਹੁਣ ਕੰਪਨੀ ਇੱਕ ਹੋਰ ਨਵੇਂ ਫੀਚਰ 'ਤੇ ਟੈਸਟਿੰਗ ਕਰ ਰਹੀ ਹੈ। ਇਹ ਫੀਚਰ ਕੁਝ ਬੀਟਾ ਟੈਸਟਰਾਂ ਕੋਲ ਉਪਲਬਧ ਹੈ। ਇਸ ਫੀਚਰ ਦੀ ਮਦਦ ਨਾਲ ਤੁਸੀਂ ਵਟਸਐਪ ਸਟੇਟਸ ਦਾ ਰਿਪਲਾਈ ਅਵਤਾਰ ਦੇ ਰਾਹੀ ਵੀ ਕਰ ਸਕੋਗੇ। ਫਿਲਹਾਲ ਵਟਸਐਪ ਯੂਜ਼ਰਸ ਇਮੋਜੀ ਅਤੇ ਮੈਸੇਜ ਰਾਹੀ ਸਟੇਟਸ ਦਾ ਰਿਪਲਾਈ ਕਰਦੇ ਹਨ। ਜਲਦ ਇਸ 'ਚ ਇੱਕ ਆਪਸ਼ਨ ਅਵਤਾਰ ਦਾ ਜੁੜਨ ਵਾਲਾ ਹੈ। ਇਸ ਅਪਡੇਟ ਦੀ ਜਾਣਕਾਰੀ Wabetainfo ਨੇ ਸ਼ੇਅਰ ਕੀਤੀ ਹੈ।

Wabetainfo ਨੇ ਵਟਸਐਪ ਦੇ ਨਵੇਂ ਫੀਚਰ ਦੀ ਦਿੱਤੀ ਜਾਣਕਾਰੀ: ਵੈੱਬਸਾਈਟ ਅਨੁਸਾਰ, ਕੰਪਨੀ ਇਮੋਜੀ ਦੀ ਤਰ੍ਹਾਂ ਲੋਕਾਂ ਨੂੰ ਅਵਤਾਰ ਦਾ ਆਪਸ਼ਨ ਦੇਵੇਗੀ। ਅਵਤਾਰ ਰਾਹੀ ਲੋਕ ਆਪਣੀਆਂ ਭਾਵਨਾਵਾਂ ਨੂੰ ਬਿਹਤਰ ਤਰੀਕੇ ਨਾਲ ਪ੍ਰਗਟ ਕਰ ਸਕਣਗੇ ਅਤੇ ਯੂਜ਼ਰਸ ਦਾ ਅਨੁਭਵ ਹੋਰ ਬਿਹਤਰ ਹੋਵੇਗਾ।

ਵਟਸਐਪ 'ਤੇ ਕਰ ਸਕੋਗੇ HD ਫੋਟੋ ਅਤੇ ਵੀਡੀਓ ਸ਼ੇਅਰ: ਮੇਟਾ ਨੇ ਹਾਲ ਹੀ ਵਿੱਚ ਵਟਸਐਪ 'ਤੇ ਲੋਕਾਂ ਨੂੰ HD ਫੋਟੋ ਅਤੇ ਵੀਡੀਓ ਸ਼ੇਅਰ ਕਰਨ ਦਾ ਫੀਚਰ ਦਿੱਤਾ ਹੈ। HD ਫੋਟੋ ਸ਼ੇਅਰ ਕਰਨ ਲਈ ਤੁਹਾਨੂੰ ਫੋਟੋ ਨੂੰ ਸ਼ੇਅਰ ਕਰਦੇ ਸਮੇਂ HD ਆਪਸ਼ਨ 'ਤੇ ਕਲਿੱਕ ਕਰਨਾ ਹੋਵੇਗਾ। ਇਸੇ ਤਰ੍ਹਾਂ HD ਵੀਡੀਓ ਸ਼ੇਅਰ ਕਰਨ ਲਈ ਤੁਹਾਨੂੰ ਵੀਡੀਓ ਨੂੰ ਸ਼ੇਅਰ ਕਰਦੇ ਸਮੇਂ HD ਦਾ ਆਪਸ਼ਨ ਚੁਣਨਾ ਹੋਵੇਗਾ। HD ਦਾ ਆਪਸ਼ਨ ਚੁਣਦੇ ਸਮੇਂ ਇਸ ਗੱਲ ਦਾ ਧਿਆਨ ਰੱਖੋ ਕਿ HD 'ਚ ਫੋਟੋ ਅਤੇ ਵੀਡੀਓ ਭੇਜਣ ਨਾਲ ਨੈੱਟ ਜ਼ਿਆਦਾ ਖਰਚ ਹੁੰਦਾ ਹੈ।

ਵਟਸਐਪ ਇਨ੍ਹਾਂ ਫੀਚਰਸ 'ਤੇ ਵੀ ਕਰ ਰਿਹਾ ਕੰਮ: ਵਟਸਐਪ ਹੋਰ ਵੀ ਕਈ ਨਵੇਂ ਫੀਚਰਸ 'ਤੇ ਕੰਮ ਕਰ ਰਿਹਾ ਹੈ। ਜਿਸ ਵਿੱਚ ਯੂਜ਼ਰਨੇਮ, Reset ਹਿਸਟਰੀ ਸ਼ੇਅਰ, ਮਲਟੀਪਲ ਅਕਾਊਟ ਲੌਗਿਨ ਆਦਿ ਫੀਚਰ ਸ਼ਾਮਲ ਹੈ। ਤੁਸੀਂ ਬਹੁਤ ਜਲਦ ਇੰਸਟਾਗ੍ਰਾਮ ਵਾਂਗ ਹੀ ਵਟਸਐਪ 'ਤੇ ਵੀ ਜ਼ਿਆਦਾ ਅਕਾਊਟ ਚਲਾ ਸਕੋਗੇ।