ਹੈਦਰਾਬਾਦ:ਪੈਨ ਕਾਰਡ ਭਾਰਤ ਵਿੱਚ ਰਹਿੰਦੇ ਹਰ ਇੱਕ ਇੱਕ ਲਈ ਮਹੱਤਵਪੂਰਨ ਸਰਕਾਰੀ ਆਈਡੀ ਹੈ। ਇਸ ਦੀ ਵਰਤੋਂ ਕਈ ਉਦੇਸ਼ਾਂ ਲਈ ਕੀਤੀ ਜਾ ਸਕਦਾ ਹੈ। ਚਾਹੇ ਵਿਆਜ ਉਤੇ ਕਰਜ਼ਾ ਲੈਣਾ ਹੋਵੇ ਜਾਂ ਟੈਕਸ ਭਰਨਾ ਹੋਵੇ, ਪੈਨ ਕਾਰਡ ਹਰ ਕੰਮ ਲਈ ਬਹੁਤ ਜ਼ਰੂਰੀ ਹੈ। ਵੈਸੇ ਤਾਂ ਇਹ ਤੁਹਾਡੇ ਕੋਲ ਹੀ ਰਹਿੰਦਾ ਹੈ, ਕਿਸੇ ਕੋਲੋ ਜਾਣ ਦੀ ਗੁੰਜਾਇਸ਼ ਨਹੀਂ। ਪਰ ਫਿਰ ਵੀ ਪੈਨ ਕਾਰਡ ਨਾਲ ਧੋਖਾਧੜੀ ਨੂੰ ਲੈ ਕੇ ਕਈ ਖ਼ਬਰਾਂ ਆਏ ਦਿਨ ਸਾਹਮਣੇ ਆ ਰਹੀਆਂ ਹਨ। ਅਜਿਹੇ 'ਚ ਇਹ ਜਾਣਨਾ ਜ਼ਰੂਰੀ ਹੈ ਕਿ ਤੁਹਾਡੇ ਪੈਨ ਕਾਰਡ ਦੀ ਵਰਤੋਂ ਗਲਤ ਜਗ੍ਹਾ 'ਤੇ ਹੋ ਰਹੀ ਹੈ ਜਾਂ ਨਹੀਂ।
ਧੋਖਾਧੜੀ ਕਰਨ ਵਾਲੇ ਤੁਹਾਡੇ ਪੈਨ ਕਾਰਡ ਦੀ ਵਰਤੋਂ ਕਰਜ਼ਾ ਲੈਣ, ਕ੍ਰੈਡਿਟ ਕਾਰਡ ਲਈ ਅਰਜ਼ੀ ਦੇਣ, ਝੂਠੇ ਗਹਿਣੇ ਖਰੀਦਣ ਜਾਂ ਹੋਟਲ/ਵਾਹਨ ਬੁੱਕ ਕਰਨ ਲਈ ਕਰ ਸਕਦੇ ਹਨ। ਜੇਕਰ ਤੁਹਾਡਾ ਪੈਨ ਕਾਰਡ ਗੈਰ-ਕਾਨੂੰਨੀ ਗਤੀਵਿਧੀਆਂ ਵਿੱਚ ਸ਼ਾਮਲ ਪਾਇਆ ਜਾਂਦਾ ਹੈ ਤਾਂ ਤੁਹਾਨੂੰ ਜੇਲ੍ਹ ਹੋ ਸਕਦੀ ਹੈ। ਅਜਿਹੀ ਸਥਿਤੀ ਵਿੱਚ ਇਸ ਤੋਂ ਪਹਿਲਾਂ ਤੁਹਾਨੂੰ ਇਹ ਪਤਾ ਲਗਾਉਣਾ ਹੋਵੇਗਾ ਕਿ ਤੁਹਾਡੇ ਤੋਂ ਇਲਾਵਾ ਹੋਰ ਦੂਸਰਾ ਕੌਣ ਤੁਹਾਡੇ ਕਾਰਡ ਦਾ ਪ੍ਰਯੋਗ ਕਰ ਰਿਹਾ ਹੈ।
ਤੁਹਾਡਾ ਪੈਨ ਕਾਰਡ ਕੌਣ ਪ੍ਰਯੋਗ ਕਰ ਰਿਹਾ ਹੈ ਆਓ ਫਿਰ ਇਸਦੀ ਜਾਂਚ ਕਿਵੇਂ ਕਰੀਏ:
- ਇਸ ਗੱਲ ਦਾ ਪਤਾ ਜਾਂ ਕਹਿ ਲੋ ਜਾਂਚ ਕਰਨ ਦਾ ਸਭ ਤੋਂ ਸਹੀ ਅਤੇ ਆਸਾਨ ਤਰੀਕਾ ਹੈ ਕ੍ਰੈਡਿਟ ਸਕੋਰ ਦੀ ਜਾਂਚ ਕਰਨਾ ਹੈ। ਆਓ ਇਸ ਨਾਲ ਸੰਬੰਧਿਤ ਕੁੱਝ ਸਟੈੱਪਸ ਦੀ ਪਾਲਣਾ ਕਰੀਏ...।
- ਤੁਸੀਂ ਇਸਦੀ ਨੂੰ ਕਈ ਤਰ੍ਹਾਂ ਦੀਆਂ ਵੈੱਬਸਾਈਟਾਂ ਰਾਹੀਂ ਜਾਂਚ ਕਰ ਸਕਦੇ ਹੋ ਜਿਸ ਵਿੱਚ Experian, Paytm, TransUnion CIBIL, Equifax, Bank Bazaar ਜਾਂ CRIF ਹਾਈ ਮਾਰਕ ਹਨ।
- ਸਭ ਤੋਂ ਪਹਿਲਾਂ ਵੈੱਬਸਾਈਟ ਖੋਲ੍ਹੋ। ਫਿਰ ਚੈੱਕ ਕ੍ਰੈਡਿਟ ਸਕੋਰ ਦੀ ਖੋਜ ਕਰੋ। ਇਹ ਆਮ ਤੌਰ 'ਤੇ ਮੁਫ਼ਤ ਹੈ, ਪਰ ਕੁਝ ਵੈੱਬਸਾਈਟਾਂ ਵਿਸਤ੍ਰਿਤ ਕ੍ਰੈਡਿਟ ਸਕੋਰ ਲਈ ਪੈਸੇ ਵਸੂਲਦੀਆਂ ਹਨ।
- ਤੁਹਾਨੂੰ ਕੁਝ ਵੇਰਵੇ ਵੀ ਦੇਣੇ ਪੈ ਸਕਦੇ ਹਨ, ਜਿਸ ਵਿੱਚ ਤੁਹਾਡੀ ਜਨਮ ਮਿਤੀ, ਤੁਹਾਡੀ ਈਮੇਲ ਆਈਡੀ, ਰਜਿਸਟਰਡ ਕੀਤਾ ਹੋਇਆ ਮੋਬਾਈਲ ਨੰਬਰ ਅਤੇ ਪੈਨ ਕਾਰਡ ਨੰਬਰ ਆਦਿ ਹਨ।
- ਇਸ ਤੋਂ ਬਾਅਦ ਤੁਹਾਡੇ ਦਿੱਤੇ ਹੋਏ ਮੋਬਾਈਲ ਨੰਬਰ 'ਤੇ ਇੱਕ OTP ਆਵੇਗਾ ਜੋ ਤੁਹਾਨੂੰ ਉਸ ਵਿੱਚ ਭਰਨਾ ਪਏਗਾ।
- ਤਾਂ ਬਸ ਇਸ ਤੋਂ ਬਾਅਦ ਤੁਸੀਂ ਆਪਣਾ ਕ੍ਰੈਡਿਟ ਸਕੋਰ ਉਸ ਵਿੱਚ ਦੇਖ ਸਕਦੇ ਹੋ। ਇੱਥੇ ਤੁਹਾਨੂੰ ਪਤਾ ਲੱਗ ਜਾਵੇਗਾ ਕਿ ਤੁਹਾਡੇ ਨਾਮ 'ਤੇ ਕੀ ਚੱਲ ਰਿਹਾ ਹੈ। ਕੋਈ ਵਰਤੋਂ ਕਰ ਰਿਹਾ ਹੈ ਜਾਂ ਨਹੀਂ।
ਪੈਨ ਕਾਰਡ ਦੀ ਦੁਰਵਰਤੋਂ ਦੀ ਰਿਪੋਰਟ ਇਸ ਤਰ੍ਹਾਂ ਕਰੋ:
- ਹੁਣ ਜਦੋਂ ਤੁਹਾਨੂੰ ਪਤਾ ਚੱਲਦਾ ਹੈ ਕਿ ਕੋਈ ਤੁਹਾਡੇ ਪੈਨ ਦੀ ਦੁਰਵਰਤੋਂ ਕਰ ਰਿਹਾ ਹੈ, ਤਾਂ ਤੁਹਾਨੂੰ ਇਸ ਬਾਰੇ ਸ਼ਿਕਾਇਤ ਦਰਜ ਕਰਨੀ ਪਵੇਗੀ। ਭਾਰਤ ਸਰਕਾਰ ਦੇ ਅਧੀਨ ਇਨਕਮ ਟੈਕਸ ਵਿਭਾਗ ਨੇ ਅਯਾਕਰ ਸੰਪਰਕ ਕੇਂਦਰ (ASK) ਰਾਹੀਂ ਪੈਨ ਸ਼ਿਕਾਇਤਾਂ ਦਾਇਰ ਕਰਨ ਲਈ ਇੱਕ ਇਲੈਕਟ੍ਰਾਨਿਕ ਵੈੱਬਸਾਈਟ ਤਿਆਰ ਕੀਤੀ ਹੈ। ਹੇਠਾਂ ਦਿੱਤੇ ਕਦਮਾਂ ਦੀ ਪਾਲਣਾ ਕਰ ਸਕਦੇ ਹੋ...।
- ਸਭ ਤੋਂ ਪਹਿਲਾਂ ਤੁਹਾਨੂੰ TIN NSDL 'ਤੇ ਜਾਣਾ ਹੋਵੇਗਾ। ਫਿਰ ਗਾਹਕ ਦੇਖਭਾਲ ਸੈਕਸ਼ਨ 'ਤੇ ਜਾਓ।
- ਇਸ ਤੋਂ ਬਾਅਦ ਕਿਸੇ ਨੂੰ ਡਰਾਪ-ਡਾਊਨ ਮੀਨੂ 'ਤੇ ਜਾਣਾ ਹੋਵੇਗਾ ਅਤੇ ਸ਼ਿਕਾਇਤਾਂ/ਸਵਾਲਾਂ 'ਤੇ ਕਲਿੱਕ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਇੱਕ ਸ਼ਿਕਾਇਤ ਫਾਰਮ ਖੁੱਲ੍ਹੇਗਾ।
- ਇਸ ਫਾਰਮ ਨੂੰ ਭਰੋ। ਫਿਰ ਕੈਪਚਾ ਕੋਡ ਦਰਜ ਕਰੋ ਅਤੇ ਸਬਮਿਟ ਕਰੋ।
ਇਹ ਵੀ ਪੜ੍ਹੋ: WhatsApp account: ਕੋਈ ਹੋਰ ਕਰ ਸਕਦਾ ਤੁਹਾਡੇ WhatsApp ਅਕਾਉਂਟ ਦੀ ਵਰਤੋਂ , ਦੇਖੋ ਕਿਵੇਂ ਰਹਿ ਸਕਦਾ ਤੁਹਾਡਾ ਅਕਾਉਂਟ ਸੁਰੱਖਿਅਤ
