ਹੈਦਰਾਬਾਦ: Realme ਜਲਦ ਹੀ ਭਾਰਤੀ ਗ੍ਰਾਹਕਾਂ ਲਈ Realme 12 Pro+ ਸਮਾਰਟਫੋਨ ਨੂੰ ਲਾਂਚ ਕਰੇਗੀ। ਇਸ ਡਿਵਾਈਸ ਬਾਰੇ ਜ਼ਿਆਦਾ ਜਾਣਕਾਰੀ ਅਜੇ ਸਾਹਮਣੇ ਨਹੀਂ ਆਈ ਹੈ, ਪਰ ਹੁਣ ਕੰਪਨੀ ਨੇ Realme 12 Pro+ ਸਮਾਰਟਫੋਨ ਦੇ ਕੈਮਰੇ ਨੂੰ ਟੀਜ਼ ਕੀਤਾ ਹੈ। ਇਸ ਸਮਾਰਟਫੋਨ 'ਚ ਪਾਵਰਫੁੱਲ ਕੈਮਰਾ ਮਿਲ ਸਕਦਾ ਹੈ। Realme ਨੇ X 'ਤੇ ਪੋਸਟ ਸ਼ੇਅਰ ਕਰਕੇ ਭਾਰਤ 'ਚ ਨਵੇਂ ਸਮਾਰਟਫੋਨ ਦੇ ਲਾਂਚ ਨੂੰ ਲੈ ਕੇ ਐਲਾਨ ਕੀਤਾ ਹੈ। ਇਸ ਪੋਸਟ 'ਚ ਪੈਰੀਸਕੋਪ ਜ਼ੂਮ ਲੈਂਸ ਦੀ ਫੋਟੋ ਦੇ ਨਾਲ 'No Periscope. No Flagship' ਲਿਖਿਆ ਹੋਇਆ ਨਜ਼ਰ ਆ ਰਿਹਾ ਹੈ। ਹਾਲਾਂਕਿ, ਇਸ ਸਮਾਰਟਫੋਨ ਦਾ ਨਾਮ ਅਤੇ ਲਾਂਚ ਡੇਟ ਬਾਰੇ ਅਜੇ ਕੋਈ ਖੁਲਾਸਾ ਨਹੀਂ ਹੋਇਆ ਹੈ, ਪਰ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਹ ਸਮਾਰਟਫੋਨ Realme 12 Pro+ ਹੋ ਸਕਦਾ ਹੈ।
ਅਗਲੇ ਸਾਲ ਲਾਂਚ ਹੋ ਸਕਦੈ Realme 12 Pro+ ਸਮਾਰਟਫੋਨ: ਕੰਪਨੀ ਵੱਲੋ ਅਜੇ ਇਸ ਸਮਾਰਟਫੋਨ ਦੀ ਲਾਂਚ ਡੇਟ ਬਾਰੇ ਕੋਈ ਖੁਲਾਸਾ ਨਹੀਂ ਕੀਤਾ ਗਿਆ ਹੈ, ਪਰ ਟਿਪਸਟਰ ਅਭਿਸ਼ੇਕ ਯਾਦਵ ਨੇ ਆਪਣੇ X ਅਕਾਊਂਟ 'ਤੇ ਇਸ ਟੀਜ਼ਰ ਨੂੰ ਰਿਪੋਸਟ ਕਰਦੇ ਹੋਏ ਦੱਸਿਆ ਹੈ ਕਿ ਇਹ ਪੋਸਟ Realme 12 Pro+ ਸਮਾਰਟਫੋਨ ਦੀ ਹੈ। ਟਿਪਸਟਰ ਦੀ ਮੰਨੀਏ, ਤਾਂ ਇਸ ਸਮਾਰਟਫੋਨ ਨੂੰ ਕੰਪਨੀ ਅਗਲੇ ਸਾਲ ਜਾਂ ਫਰਵਰੀ 'ਚ ਲਾਂਚ ਕਰ ਸਕਦੀ ਹੈ।