ਹੈਦਰਾਬਾਦ:ਟਵਿਟਰ ਜਲਦ ਹੀ ਨਾਨ-ਵੈਰੀਫਾਇਡ ਯੂਜ਼ਰਸ ਲਈ ਇੱਕ ਹੋਰ ਸੇਵਾ ਬੰਦ ਕਰਨ ਜਾ ਰਿਹਾ ਹੈ ਅਤੇ ਯੂਜ਼ਰਸ ਨੂੰ ਇਸਦੀ ਵਰਤੋਂ ਕਰਨ ਲਈ ਪਹਿਲਾਂ ਆਪਣਾ ਅਕਾਊਟ ਵੈਰੀਫਾਇਡ ਕਰਨਾ ਪਵੇਗਾ। ਦਰਅਸਲ, ਟਵਿੱਟਰ ਨੇ ਗਲੋਬਲੀ 'ਟਵੀਟਡੇਕ' ਦਾ ਨਵਾਂ ਅਤੇ ਬਿਹਤਰ ਵਰਜ਼ਨ ਲਾਂਚ ਕੀਤਾ ਹੈ। ਟਵਿਟਰ ਨੇ ਸੋਮਵਾਰ ਨੂੰ ਇੱਕ ਟਵੀਟ ਵਿੱਚ ਕਿਹਾ ਕਿ TweetDeck ਦੇ ਨਵੇਂ ਵਰਜ਼ਨ ਦੀ ਵਰਤੋਂ ਕਰਨ ਲਈ ਯੂਜ਼ਰਸ ਨੂੰ ਪਹਿਲਾਂ ਆਪਣਾ ਅਕਾਊਟ ਵੈਰੀਫਾਇਡ ਕਰਨਾ ਹੋਵੇਗਾ। ਕੰਪਨੀ ਨੇ ਅੱਗੇ ਕਿਹਾ ਕਿ ਇਹ ਬਦਲਾਅ 30 ਦਿਨਾਂ 'ਚ ਲਾਗੂ ਹੋ ਜਾਵੇਗਾ। ਹਾਲਾਂਕਿ, ਕੰਪਨੀ ਨੇ ਅਜੇ ਇਸ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਹੈ ਕੀ ਟਵਿੱਟਰ TweetDeck ਦੇ ਨਵੇਂ ਅਤੇ ਪੁਰਾਣੇ ਦੋਵਾਂ ਵਰਜ਼ਨਾਂ ਲਈ ਯੂਜ਼ਰਸ ਨੂੰ ਚਾਰਜ ਕਰਨਾ ਹੋਵੇਗਾ ਜਾਂ ਨਹੀਂ। ਤੁਹਾਨੂੰ ਦੱਸ ਦੇਈਏ ਕਿ Tweetdeck ਦੀ ਵਰਤੋਂ ਵਪਾਰ ਅਤੇ ਕਈ ਨਿਊਜ਼ ਏਜੰਸੀਆਂ ਵਿੱਚ ਕੰਟੇਟ ਦੀ ਨਿਗਰਾਨੀ ਕਰਨ ਲਈ ਵੱਡੇ ਪੱਧਰ 'ਤੇ ਕੀਤੀ ਜਾਂਦੀ ਹੈ।
ਕੰਪਨੀ ਨੇ ਟਵੀਟ ਕਰ ਦਿੱਤੀ ਜਾਣਕਾਰੀ:ਕੰਪਨੀ ਨੇ ਟਵਿੱਟਰ ਸਪੋਰਟ ਅਕਾਊਂਟ ਤੋਂ ਟਵੀਟ ਕੀਤਾ ਕਿ "ਸਾਰੇ ਯੂਜ਼ਰਸ bottom left menu ਵਿੱਚ 'New TweetDeck ਅਜ਼ਮਾਓ' ਨੂੰ ਚੁਣ ਕੇ https://tweetdeck.twitter.com ਰਾਹੀ ਸੇਵ ਕੀਤੇ ਗਏ ਸਰਚ ਤੱਕ ਪਹੁੰਚ ਜਾਰੀ ਰੱਖ ਸਕਦੇ ਹਨ। ਯੂਜ਼ਰਸ ਦੁਆਰਾ ਸੁਰੱਖਿਅਤ ਕੀਤੀਆਂ ਸਾਰੀਆਂ ਸਰਚਾਂ, ਸੂਚੀਆਂ ਅਤੇ ਕਾਲਮਾਂ ਨੂੰ ਨਵੇਂ TweetDeck ਵਿੱਚ ਸ਼ਿਫਟ ਕੀਤਾ ਜਾਵੇਗਾ। ਇਸਦੇ ਨਾਲ ਹੀ ਯੂਜ਼ਰਸ ਨੂੰ ਉਹਨਾਂ ਦੇ ਕਾਲਮਾਂ ਨੂੰ ਆਯਾਤ ਕਰਨ ਲਈ ਕਿਹਾ ਜਾਵੇਗਾ ਜਦੋਂ ਉਹ ਪਹਿਲੀ ਵਾਰ ਐਪਲੀਕੇਸ਼ਨ ਲੋਡ ਕਰਨਗੇ। TweetDeck ਹੁਣ ਪੂਰੀ ਕੰਪੋਜ਼ਰ ਕਾਰਜਕੁਸ਼ਲਤਾ, ਸਪੇਸ, ਵੀਡੀਓ ਡੌਕਿੰਗ, ਪੋਲ ਅਤੇ ਹੋਰ ਦਾ ਸਮਰਥਨ ਕਰਦਾ ਹੈ।