ਬੰਗਲੌਰ: ਭਾਰਤੀ ਪੁਲਾੜ ਖੋਜ ਸੰਗਠਨ ਨੇ ਐਤਵਾਰ ਨੂੰ ਕਿਹਾ ਕਿ ਉਸਨੇ ਚੰਦਰਯਾਨ-3 ਮਿਸ਼ਨ ਦੇ ਲੈਂਡਰ ਮੋਡੀਊਲ ਨੂੰ ਚੱਕਰ ਵਿੱਚ ਥੋੜਾ ਹੋਰ ਥੱਲੇ ਸਫ਼ਲਤਾਪੂਰਵਕ ਪਹੁੰਚਾ ਦਿੱਤਾ ਹੈ। ਜਿਸ ਨਾਲ ਇਹ ਚੰਦਰਮਾਂ ਦੇ ਹੋਰ ਕਰੀਬ ਆ ਗਿਆ ਹੈ। ਇਸਰੋ ਨੇ ਕਿਹਾ ਕਿ ਲੈਂਡਰ ਅਤੇ ਰੋਵਰ ਦੇ ਨਾਲ ਲੈਂਡਰ ਮੋਡੀਊਲ ਦੇ 23 ਅਗਸਤ ਦੀ ਸ਼ਾਮ ਨੂੰ ਚੰਦਰਮਾਂ ਦੇ ਪੱਧਰ 'ਤੇ ਪਹੁੰਚਣ ਦੀ ਉਮੀਦ ਹੈ।
ਇਸਰੋ ਨੇ ਕੀਤਾ ਟਵੀਟ: ਇਸਰੋ ਨੇ ਸੋਸ਼ਲ ਮੀਡੀਆ ਐਪ X 'ਤੇ ਲਿਖਿਆ," ਦੂਜੇ ਅਤੇ ਆਖਰੀ ਡੀਬੂਸਟਿੰਗ ਮੂਹਿੰਮ 'ਚ ਲੈਂਡਰ ਮੋਡੀਊਲ ਸਫ਼ਲਤਾਪੂਰਵਕ ਚੱਕਰ 'ਚ ਹੋਰ ਥੱਲੇ ਆ ਗਿਆ ਹੈ। ਮੋਡੀਊਲ ਹੁਣ ਅੰਦਰੂਨੀ ਜਾਂਚ ਪ੍ਰਕਿਰਿਆ ਤੋਂ ਗੁਜ਼ਰੇਗਾ। ਚੰਦਰਮਾਂ ਦੇ ਦੱਖਣੀ ਖੇਤਰ 'ਤੇ ਸੌਫ਼ਟ ਲੈਂਡਿੰਗ 23 ਅਗਸਤ 2023 ਸ਼ਾਮ 5:45 ਮਿੰਟ 'ਤੇ ਹੋਣ ਦੀ ਉਮੀਦ ਹੈ।"
ਚੰਦਰਯਾਨ-3 ਦੇ ਲੈਂਡਰ ਮੋਡੀਊਲ ਅਤੇ ਪ੍ਰੋਪਲਸ਼ਨ ਮੋਡੀਊਲ ਅਲੱਗ: ਚੰਦਰਯਾਨ-3 ਦੇ ਲੈਂਡਰ ਮੋਡੀਊਲ ਅਤੇ ਪ੍ਰੋਪਲਸ਼ਨ ਮੋਡੀਊਲ 14 ਜੁਲਾਈ ਨੂੰ ਮਿਸ਼ਨ ਦੀ ਸ਼ੁਰੂਆਤ ਹੋਣ ਦੇ 35 ਦਿਨ ਬਾਅਦ ਵੀਰਵਾਰ ਨੂੰ ਸਫਲਤਾਪੂਰਵਕ ਵੱਖ ਹੋ ਗਏ ਸੀ। ਇਸਰੋ ਦੇ ਸੂਤਰਾ ਨੇ ਪੂਰਵ 'ਚ ਕਿਹਾ ਸੀ ਕਿ ਪ੍ਰੋਪਲਸ਼ਨ ਮੋਡੀਊਲ ਤੋਂ ਅਲੱਗ ਹੋਏ ਲੈਂਡਰ ਨੂੰ ਇੱਕ ਅਜਿਹੇ ਚੱਕਰ 'ਚ ਲਿਆਉਣ ਲਈ ਡੀਬੂਸਟ ਤੋਂ ਗੁਜ਼ਰਨਾ ਹੋਵੇਗਾ।
23 ਅਗਸਤ ਨੂੰ ਚੰਦ 'ਤੇ ਸੌਫਟ ਲੈਂਡਿੰਗ ਦੀ ਕੀਤੀ ਜਾਵੇਗੀ ਕੋਸ਼ਿਸ਼: ਚੰਦਰਯਾਨ-3 ਨੇ 14 ਜੁਲਾਈ ਨੂੰ ਲਾਂਚ ਤੋਂ ਬਾਅਦ ਪੰਜ ਅਗਸਤ ਨੂੰ ਚੰਦਰਮਾਂ ਦੇ ਚੱਕਰ ਵਿੱਚ ਪ੍ਰਵੇਸ਼ ਕੀਤਾ ਸੀ। ਲੈਂਡਰ ਮੋਡੀਊਲ ਅਤੇ ਪ੍ਰੋਪਲਸ਼ਨ ਮੋਡੀਊਲ ਨੂੰ ਅਲੱਗ ਕਰਨ ਤੋਂ ਪਹਿਲਾ ਇਸਨੂੰ ਛੇ, 14 ਅਤੇ 16 ਅਗਸਤ ਨੂੰ ਚੰਦਰਮਾਂ ਦੇ ਚੱਕਰ ਵਿੱਚ ਥੱਲੇ ਲਿਆਉਣ ਦੀ ਕੋਸ਼ਿਸ਼ ਕੀਤੀ ਗਈ, ਤਾਂਕਿ ਇਹ ਪੱਧਰ ਦੇ ਕਰੀਬ ਆ ਸਕੇ। ਹੁਣ 23 ਅਗਸਤ ਨੂੰ ਚੰਦ 'ਤੇ ਇਸਦੀ ਸੌਫਟ ਲੈਂਡਿੰਗ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਇਸ ਤੋਂ ਪਹਿਲਾ 14 ਅਗਸਤ ਦੇ ਲਾਂਚ ਤੋਂ ਬਾਅਦ ਪਿਛਲੇ ਤਿੰਨ ਹਫ਼ਤਿਆਂ ਤੋਂ ਜ਼ਿਆਦਾ ਪ੍ਰਕਿਰਿਆਵਾਂ ਵਿੱਚ ਇਸਰੋ ਨੇ ਚੰਦਰਯਾਨ-3 ਨੂੰ ਧਰਤੀ ਤੋਂ ਦੂਰ ਅੱਗੇ ਦੇ ਚੱਕਰਾ 'ਚ ਵਧਾਇਆ ਸੀ।
