ਹੈਦਰਾਬਾਦ: ਐਪਲ ਆਪਣੇ ਏਅਰਪੌਡ 'ਚ ਬਦਲਾਅ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਕੰਪਨੀ ਇਨ੍ਹਾਂ ਏਅਰਪੌਡ 'ਚ ਡਿਜ਼ਾਈਨ, ਆਡੀਓ ਅਤੇ ਕੀਮਤ ਨੂੰ ਅਪਡੇਟ ਕਰੇਗੀ। ਇਹ ਜਾਣਕਾਰੀ ਬਲੂਮਬਰਗ ਦੀ ਰਿਪੋਰਟ 'ਚ ਸਾਹਮਣੇ ਆਈ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ, ਐਪਲ ਦੇ ਨਵੇਂ ਏਅਰਪੌਡ ਨੂੰ ਸਾਲ 2024 'ਚ ਲਾਂਚ ਕੀਤਾ ਜਾਵੇਗਾ। ਕੰਪਨੀ ਇਨ੍ਹਾਂ ਏਅਰਪੌਡ ਦੇ ਡਿਜ਼ਾਈਨ, ਆਡੀਓ ਅਤੇ ਕੀਮਤ 'ਚ ਬਦਲਾਅ ਕਰ ਰਹੀ ਹੈ।
ਐਪਲ ਦੇ ਨਵੇਂ ਏਅਰਪੌਡ 'ਚ ਹੋਵੇਗਾ ਇਹ ਬਦਲਾਅ: ਐਪਲ ਦੇ ਨਵੇਂ ਏਅਰਪੌਡ ਆਉਣ ਤੋਂ ਬਾਅਦ ਕੰਪਨੀ ਆਉਣ ਵਾਲੇ ਸਮੇਂ 'ਚ ਦੂਜੀ ਅਤੇ ਤੀਜੀ ਪੀੜ੍ਹੀ ਦੇ ਏਅਰਪੌਡ ਨੂੰ ਬੰਦ ਕਰ ਦੇਵੇਗੀ ਅਤੇ ਚੌਥੀ ਪੀੜੀ ਦੇ ਏਅਰਪੌਡ ਲਾਂਚ ਕੀਤੇ ਜਾਣਗੇ। ਇਨ੍ਹਾਂ ਏਅਰਪੌਡ ਦੀ ਕੀਮਤ ਮੌਜ਼ੂਦਾਂ ਮਾਡਲਾਂ ਦੇ ਨਾਲੋ ਵਧ ਹੋ ਸਕਦੀ ਹੈ। ਮਿਲੀ ਜਾਣਕਾਰੀ ਅਨੁਸਾਰ, ਏਅਰਪੌਡ ਅਤੇ ਏਅਰਪੌਡ ਮੈਕਸ ਅਗਲੇ ਸਾਲ ਤੱਕ USB-C ਪੋਰਟ 'ਤੇ ਸਵਿੱਚ ਕਰ ਸਕਦੇ ਹਨ। ਏਅਰਪੌਡ ਅਤੇ ਏਅਰਪੌਡ ਮੈਕਸ 'ਚ ਪੂਰੀ ਤਰ੍ਹਾਂ ਬਦਲਾਅ ਕੀਤਾ ਜਾਵੇਗਾ। ਇਸਦੇ ਨਾਲ ਹੀ ਇਨ੍ਹਾਂ ਏਅਰਪੌਡ ਨੂੰ ਨਵੇਂ ਰੰਗਾਂ ਦੇ ਨਾਲ ਪੇਸ਼ ਕੀਤਾ ਜਾਵੇਗਾ। ਇਨ੍ਹਾਂ ਏਅਰਪੌਡ ਦੇ ਡਿਜ਼ਾਈਨ ਅਤੇ ਚਿਪ 'ਚ ਵੀ ਨਵੇਂ ਬਦਲਾਅ ਕੀਤੇ ਜਾਣ ਦੀ ਉਮੀਦ ਹੈ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ 2025 'ਚ ਏਅਰਪੌਡ ਪ੍ਰੋ ਨੂੰ ਵੀ ਨਵੇਂ ਡਿਜ਼ਾਈਨ ਅਤੇ ਤੇਜ਼ ਚਿਪ ਨਾਲ ਅਪਡੇਟ ਕੀਤਾ ਜਾਵੇਗਾ। ਇਸਦੇ ਨਾਲ ਹੀ ਕੁਝ ਹੋਰ ਨਵੇਂ ਫੀਚਰਸ ਵੀ ਦਿੱਤੇ ਜਾ ਸਕਦੇ ਹਨ।