Apple Scary fast Event: ਐਪਲ ਗ੍ਰਾਹਕਾਂ ਦਾ ਖਤਮ ਹੋਣ ਜਾ ਰਿਹਾ ਇੰਤਜ਼ਾਰ, ਜਲਦ ਸ਼ੁਰੂ ਹੋਵੇਗਾ ਇਵੈਂਟ, ਕਈ ਪ੍ਰੋਡਕਟਸ ਦਾ ਕੀਤਾ ਜਾ ਸਕਦੈ ਐਲਾਨ

Apple Scary fast Event 2023: ਅੱਜ ਐਪਲ ਦਾ Scary fast Event ਸ਼ੁਰੂ ਹੋਣ ਜਾ ਰਿਹਾ ਹੈ। ਐਪਲ ਗ੍ਰਾਹਕ ਇਸ ਇਵੈਂਟ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸੀ। ਹੁਣ ਗ੍ਰਾਹਕਾਂ ਦਾ ਜਲਦ ਹੀ ਇੰਤਜ਼ਾਰ ਖਤਮ ਹੋਣ ਜਾ ਰਿਹਾ ਹੈ। ਇਸ ਇਵੈਂਟ 'ਚ ਕਈ ਸਾਰੇ ਪ੍ਰੋਡਕਟਸ ਲਾਂਚ ਕੀਤੇ ਜਾਣਗੇ।

ਹੈਦਰਾਬਾਦ: ਕੰਪਨੀ ਨੇ ਹਾਲ ਹੀ ਵਿੱਚ ਆਪਣੇ Apple Scary fast Event ਦਾ ਐਲਾਨ ਕੀਤਾ ਸੀ। ਇਹ ਇਵੈਂਟ ਅੱਜ ਸ਼ਾਮ ਨੂੰ 5:00 ਵਜੇ ਸ਼ੁਰੂ ਹੋਵੇਗਾ ਅਤੇ ਭਾਰਤੀ ਸਮੇਂ ਅਨੁਸਾਰ, ਇਹ ਇਵੈਂਟ 31 ਅਕਤੂਬਰ ਸਵੇਰੇ 5:30 ਵਜੇ ਹੋਵੇਗਾ। ਐਪਲ ਆਪਣੇ ਇਸ ਇਵੈਂਟ 'ਚ ਕਈ ਪ੍ਰੋਡਕਟਸ ਲਾਂਚ ਕਰ ਸਕਦਾ ਹੈ।

ਇਸ ਤਰ੍ਹਾਂ ਦੇਖੋ Apple Scary fast Event: ਐਪਲ ਦੇ ਇਸ ਇਵੈਂਟ ਨੂੰ ਤੁਸੀਂ ਘਰ ਬੈਠੇ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ ਅਤੇ Youtube ਚੈਨਲ 'ਤੇ ਲਾਈਵ ਦੇਖ ਸਕਦੇ ਹੋ। ਇਸ ਇਵੈਂਟ ਨੂੰ ਲਾਈਵ ਸਟ੍ਰੀਮ ਕੀਤਾ ਜਾਵੇਗਾ।

Apple Scary fast Event 'ਚ ਇਹ ਪ੍ਰੋਡਕਟਸ ਹੋ ਸਕਦੈ ਲਾਂਚ:ਐਪਲ ਨੇ ਇਸ ਇਵੈਂਟ ਲਈ ਮੀਡੀਆ ਨੂੰ ਵੀ ਸੱਦਾ ਭੇਜਿਆ ਹੈ। ਸੱਦੇ ਰਾਹੀ ਭੇਜੇ ਗਏ ਐਪਲ ਲੋਗੋ 'ਚ MacOS ਦੇ ਆਈਕਨ ਨੂੰ ਦੇਖਿਆ ਜਾ ਸਕਦਾ ਹੈ। ਜਿਸ ਕਰਕੇ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਹ ਇਵੈਂਟ Mac ਇਵੈਂਟ ਹੋ ਸਕਦਾ ਹੈ।

M3 ਚਿਪ ਨੂੰ ਲੈ ਕੇ ਕੀਤਾ ਜਾ ਸਕਦੈ ਐਲਾਨ: ਇਸ ਇਵੈਂਟ 'ਚ ਕੰਪਨੀ M3 ਚਿਪਸੈੱਟ ਨੂੰ ਲੈ ਕੇ ਐਲਾਨ ਕਰ ਸਕਦੀ ਹੈ। ਕੁਝ ਮੀਡੀਆ ਰਿਪੋਰਟਸ ਅਨੁਸਾਰ, ਇਸ ਇਵੈਂਟ 'ਚ M3 ਸੀਰੀਜ਼ ਦੇ ਮੈਕਬੁੱਕ ਪ੍ਰੋ 'ਤੇ ਮੇਨ ਫੋਕਸ ਹੋਵੇਗਾ। ਇਸ ਤੋਂ ਇਲਾਵਾ ਕੰਪਨੀ ਇਸ ਇਵੈਂਟ 'ਚ M2 ਸੀਰੀਜ਼ Macbook Pro ਦੇ ਸ਼ਿਪਮੈਂਟ ਨੂੰ ਬੰਦ ਕਰਨ ਦਾ ਫੈਸਲਾ ਵੀ ਲੈ ਸਕਦੀ ਹੈ।

ਨਵੇਂ ਉਪਕਰਣਾਂ ਦਾ ਕੀਤਾ ਜਾ ਸਕਦੈ ਐਲਾਨ: iMac ਤੋਂ ਇਲਾਵਾ ਐਪਲ ਆਪਣੇ ਇਸ ਇਵੈਂਟ 'ਚ USB-c ਕਨੈਕਸ਼ਨ ਦੇ ਨਾਲ ਐਪਲ ਟ੍ਰੈਕਪੈਡ, ਮਾਊਸ ਅਤੇ ਕੀਬੋਰਡ ਦੇ ਨਵੇਂ ਮਾਡਲਸ ਨੂੰ ਵੀ ਲਾਂਚ ਕਰ ਸਕਦਾ ਹੈ।

M3 ਸੀਰੀਜ਼ ਹੋ ਸਕਦੀ ਲਾਂਚ:ਮਿਲੀ ਰਿਪੋਰਟ ਅਨੁਸਾਰ, ਐਪਲ ਦੇ ਇਸ ਇਵੈਂਟ 'ਚ M3 ਚਿਪਸੈੱਟ ਨੂੰ ਲੈ ਕੇ ਵੱਡਾ ਐਲਾਨ ਕੀਤਾ ਜਾ ਸਕਦਾ ਹੈ। M3 ਸੀਰੀਜ਼ ਦੇ ਤਹਿਤ ਕੰਪਨੀ M3, M3 Pro, M3 Max ਅਤੇ M3 Ultra ਨੂੰ ਲੈ ਕੈ ਐਲਾਨ ਕਰ ਸਕਦੀ ਹੈ।