ਹੈਦਰਾਬਾਦ:ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਨੇ ਸੋਮਵਾਰ ਨੂੰ ਚਾਰ ਪੁਲਾੜ ਯਾਤਰੀਆਂ ਦੇ ਨਾਵਾਂ ਦਾ ਐਲਾਨ ਕੀਤਾ ਹੈ ਜੋ ਅਗਲੇ ਸਾਲ ਦੇ ਅੰਤ ਤੱਕ ਚੰਦਰਮਾ ਦਾ ਚੱਕਰ ਲਗਾ ਕੇ ਧਰਤੀ 'ਤੇ ਵਾਪਸ ਆਉਣਗੇ। ਇਨ੍ਹਾਂ ਪੁਲਾੜ ਯਾਤਰੀਆਂ ਵਿੱਚ ਇੱਕ ਔਰਤ ਅਤੇ ਤਿੰਨ ਪੁਰਸ਼ ਸ਼ਾਮਲ ਹਨ। ਇਨ੍ਹਾਂ ਪੁਲਾੜ ਯਾਤਰੀਆਂ ਵਿੱਚੋਂ ਤਿੰਨ ਅਮਰੀਕੀ ਅਤੇ ਇੱਕ ਕੈਨੇਡੀਅਨ ਹੈ। ਇਨ੍ਹਾਂ ਭਵਿੱਖੀ ਪੁਲਾੜ ਯਾਤਰੀਆਂ ਦੇ ਨਾਵਾਂ ਦਾ ਐਲਾਨ ਹਿਊਸਟਨ ਵਿੱਚ ਇੱਕ ਸਮਾਗਮ ਦੌਰਾਨ ਕੀਤਾ ਗਿਆ। 'ਅਪੋਲੋ ਮਿਸ਼ਨ' ਤੋਂ 50 ਸਾਲ ਬਾਅਦ ਮਨੁੱਖ ਚੰਦਰਮਾ 'ਤੇ ਜਾਵੇਗਾ। ਅਪੋਲੋ ਮਿਸ਼ਨਾਂ ਦੌਰਾਨ ਨਾਸਾ ਨੇ 1968 ਤੋਂ 1972 ਤੱਕ ਚੰਦਰਮਾ 'ਤੇ 24 ਪੁਲਾੜ ਯਾਤਰੀਆਂ ਨੂੰ ਭੇਜਿਆ। ਨਾਸਾ ਦੇ ਪ੍ਰਸ਼ਾਸਕ ਬਿਲ ਨੇਲਸਨ ਨੇ ਕਿਹਾ, "ਇਹ ਮਨੁੱਖਤਾ ਦਾ ਅਮਲਾ ਹੈ।"
ਇਨ੍ਹਾਂ ਚਾਰ ਪੁਲਾੜ ਯਾਤਰੀਆਂ ਦੇ ਨਾਮ ਕੀਤੇ ਗਏ ਤੈਅ: ਚਾਰ ਪੁਲਾੜ ਯਾਤਰੀ ਨਾਸਾ ਦੇ ਓਰੀਅਨ ਕੈਪਸੂਲ 'ਤੇ ਸਵਾਰ ਹੋਣ ਵਾਲੇ ਪਹਿਲੇ ਵਿਅਕਤੀ ਹੋਣਗੇ, ਜੋ ਕਿ 2024 ਦੇ ਅੰਤ ਤੋਂ ਪਹਿਲਾਂ ਕੈਨੇਡੀ ਸਪੇਸ ਸੈਂਟਰ ਤੋਂ ਸਪੇਸ ਲਾਂਚ ਸਿਸਟਮ ਰਾਕੇਟ ਲਾਂਚ ਕਰਨਗੇ। ਨਾਸਾ ਨੇ ਕਿਹਾ ਕਿ ਇਨ੍ਹਾਂ ਚਾਰ ਪੁਲਾੜ ਯਾਤਰੀਆਂ ਵਿਚ ਅਮਰੀਕਾ ਦੀ ਕ੍ਰਿਸਟੀਨਾ ਕੋਚ, ਕੈਨੇਡਾ ਦੇ ਜੇਰੇਮੀ ਹੈਨਸਨ, ਅਮਰੀਕੀ ਨਾਗਰਿਕ ਵਿਕਟਰ ਗਲੋਵਰ ਅਤੇ ਰਿਡ ਵਿਜ਼ਮੈਨ ਸ਼ਾਮਲ ਹਨ। ਇਨ੍ਹਾਂ ਵਿੱਚੋਂ ਹੈਨਸਨ ਨੂੰ ਛੱਡ ਕੇ ਬਾਕੀ ਪਹਿਲਾਂ ਪੁਲਾੜ ਵਿੱਚ ਜਾ ਚੁੱਕੇ ਹਨ। ਇਹ ਪੁਲਾੜ ਯਾਤਰੀ ਚੰਦਰਮਾ ਦੇ ਪੰਧ ਵਿੱਚ ਨਹੀਂ ਜਾਣਗੇ ਸਗੋਂ ਚੰਦਰਮਾ ਦੇ ਦੁਆਲੇ ਘੁੰਮਣਗੇ ਅਤੇ ਫਿਰ ਧਰਤੀ 'ਤੇ ਵਾਪਸ ਆਉਣਗੇ। ਗਲੋਵਰ ਨੇ ਕਿਹਾ, “ਇਹ ਬਹੁਤ ਵੱਡਾ ਦਿਨ ਹੈ। ਸਾਡੇ ਕੋਲ ਮਨਾਉਣ ਦੇ ਲਈ ਬਹੁਤ ਕਾਰਨ ਹੈ।"