ਨਵੀਂ ਦਿੱਲੀ: JioPhone Next ਦੀਵਾਲੀ ਤੋਂ 6499 ਰੁਪਏ ਵਿੱਚ ਉਪਲਬਧ ਹੋਵੇਗਾ। ਹਾਲਾਂਕਿ, ਇਹ ਕੀਮਤ ਉਨ੍ਹਾਂ ਗਾਹਕਾਂ ਲਈ ਹੋਵੇਗੀ ਜੋ ਕਿਸ਼ਤਾਂ ਤੋਂ ਬਿਨਾਂ ਫੋਨ ਖਰੀਦਦੇ ਹਨ। ਜੀਓ ਅਤੇ ਗੂਗਲ ਨੇ ਸ਼ੁੱਕਰਵਾਰ ਨੂੰ ਸਾਂਝੇ ਬਿਆਨ 'ਚ ਇਹ ਜਾਣਕਾਰੀ ਦਿੱਤੀ ਹੈ।
Jio ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਗਾਹਕ JioPhone Next ਸਮਾਰਟਫੋਨ ਨੂੰ ਕਿਸ਼ਤਾਂ ਵਿੱਚ ਵੀ ਖਰੀਦ ਸਕਦੇ ਹਨ। ਇਸ ਦੇ ਲਈ ਗਾਹਕਾਂ ਨੂੰ ਸ਼ੁਰੂਆਤੀ ਤੌਰ 'ਤੇ 1999 ਰੁਪਏ ਦੇਣੇ ਹੋਣਗੇ ਅਤੇ ਬਾਕੀ ਰਕਮ 18 ਤੋਂ 24 ਮਹੀਨਿਆਂ ਦੀਆਂ ਕਿਸ਼ਤਾਂ 'ਚ ਦਿੱਤੀ ਜਾ ਸਕਦੀ ਹੈ। ਦੋਵਾਂ ਕੰਪਨੀਆਂ ਨੇ ਸਾਂਝੇ ਬਿਆਨ 'ਚ ਕਿਹਾ ਕਿ ਇਹ ਪਹਿਲੀ ਵਾਰ ਹੈ ਜਦੋਂ ਕਿਸ਼ਤਾਂ ਰਾਹੀਂ ਘੱਟ ਕੀਮਤ ਵਾਲਾ ਫੋਨ ਖਰੀਦਣ ਦਾ ਵਿਕਲਪ ਦਿੱਤਾ ਜਾ ਰਿਹਾ ਹੈ।
ਇਹ ਵਿਕਲਪ ਫੋਨ ਦੀ ਖਰੀਦ ਕੀਮਤ ਨੂੰ ਕਿਫਾਇਤੀ ਬਣਾਉਂਦਾ ਹੈ ਅਤੇ ਲਗਭਗ ਇੱਕ ਆਮ ਫੋਨ ਦੀ ਕੀਮਤ ਦੇ ਬਰਾਬਰ ਹੈ। ਕੰਪਨੀ ਮੁਤਾਬਕ ਇਸ ਸਮਾਰਟਫੋਨ ਨੂੰ ਕੁਆਲਕਾਮ ਚਿੱਪਸੈੱਟ 'ਤੇ ਤਿਆਰ ਕੀਤਾ ਗਿਆ ਹੈ ਅਤੇ ਇਹ ਦੇਸ਼ ਭਰ ਦੇ ਸਾਰੇ Jiomart ਡਿਜੀਟਲ ਰਿਟੇਲ ਸਟੋਰਾਂ 'ਤੇ ਉਪਲਬਧ ਹੋਵੇਗਾ।
ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਮੁਕੇਸ਼ ਅੰਬਾਨੀ ਨੇ ਕਿਹਾ ਕਿ ਮੈਨੂੰ ਖੁਸ਼ੀ ਹੈ ਕਿ ਗੂਗਲ ਅਤੇ ਜੀਓ ਦੀਆਂ ਟੀਮਾਂ ਭਾਰਤੀਆਂ ਲਈ ਤਿਉਹਾਰੀ ਸੀਜ਼ਨ ਦੌਰਾਨ ਸਮੇਂ 'ਤੇ ਇਸ ਫੋਨ ਨੂੰ ਲਿਆਉਣ ਵਿੱਚ ਕਾਮਯਾਬ ਰਹੀਆਂ ਹਨ। ਅਸੀਂ ਕੋਵਿਡ-19 ਮਹਾਂਮਾਰੀ ਕਾਰਨ ਗਲੋਬਲ ਸਪਲਾਈ ਚੇਨ ਦੀਆਂ ਚੁਣੌਤੀਆਂ ਦੇ ਬਾਵਜੂਦ ਸਫਲ ਰਹੇ ਹਾਂ।
ਉਨ੍ਹਾਂ ਕਿਹਾ ਕਿ ਮੈਂ 135 ਕਰੋੜ ਭਾਰਤੀਆਂ ਦੇ ਜੀਵਨ ਨੂੰ ਅਮੀਰ, ਸਮਰੱਥ ਅਤੇ ਸਸ਼ਕਤ ਬਣਾਉਣ ਲਈ ਡਿਜੀਟਲ ਕ੍ਰਾਂਤੀ ਦੀ ਸ਼ਕਤੀ ਵਿੱਚ ਹਮੇਸ਼ਾ ਡੂੰਘਾ ਵਿਸ਼ਵਾਸ ਕੀਤਾ ਹੈ। ਪਹਿਲਾਂ ਅਸੀਂ ਇੰਟਰਨੈੱਟ ਰਾਹੀਂ ਅਜਿਹਾ ਕੀਤਾ ਸੀ ਅਤੇ ਇਸ ਵਾਰ ਅਸੀਂ ਸਮਾਰਟਫੋਨ ਰਾਹੀਂ ਅਜਿਹਾ ਕਰਾਂਗੇ।
ਇੱਥੇ ਖਰੀਦਦਾਰੀ ਕਰੋ
JioPhone Next ਸਮਾਰਟਫੋਨ ਨੂੰ ਨਜ਼ਦੀਕੀ ਜਿਓ ਮਾਰਟ ਡਿਜੀਟਲ ਰਿਟੇਲਰ ਸਟੋਰ ਜਾਂ ਜੀਓ ਦੀ ਅਧਿਕਾਰਤ ਵੈੱਬਸਾਈਟ www.jio.com/Next ਤੋਂ ਰਜਿਸਟਰ ਕਰਕੇ ਖਰੀਦਿਆ ਜਾ ਸਕਦਾ ਹੈ। ਇਸ ਫੋਨ ਨੂੰ ਕੰਪਨੀ ਵੱਲੋਂ ਜਾਰੀ ਵਟਸਐਪ ਨੰਬਰ ਰਾਹੀਂ ਵੀ ਖਰੀਦਿਆ ਜਾ ਸਕਦਾ ਹੈ।