ਢੇਰ ਸਾਰੀਆਂ ਵਿਸ਼ੇਸ਼ਤਾਵਾਂ ਨਾਲ ਜਾਰੀ ਹੋਏ ਐਪਲ ਆਈਫੋਨ 12 ਪ੍ਰੋ ਅਤੇ 12 ਪ੍ਰੋ ਮੈਕਸ

ਐਪਲ ਨੇ ਆਈਫੋਨ ਦਾ ਹੁਣ ਤੱਕ ਦਾ ਸਭ ਤੋਂ ਵੱਡਾ ਸੁਪਰ ਰੇਟਿਨਾ ਐਕਸਡੀਆਰ ਡਿਸਪਲੇਅ ਨਾਲ ਆਈਫੋਨ 12 ਪ੍ਰੋ ਅਤੇ ਆਈਫੋਨ 12 ਪ੍ਰੋ ਮੈਕਸ ਜਾਰੀ ਕੀਤਾ ਹੈ। ਇਸਦਾ ਅਤਿ-ਆਧੁਨਿਕ ਕੈਮਰਾ ਫੋਟੋ ਅਤੇ ਵੀਡੀਓ ਦੇ ਸ਼ੌਕੀਨਾਂ ਲਈ ਇੱਕ ਬਹੁਤ ਵਧੀਆ ਟੂਲ ਦੀ ਤਰ੍ਹਾਂ ਹੈ।

ਕਿਊਪਟ੍ਰਿਨੋ (ਕੈਲੀਫੋਰਨੀਆ): ਐਪਲ ਨੇ ਸ਼ਕਤੀਸ਼ਾਲੀ ਏ14 ਬਾਓਨਿਕ ਚਿਪ, ਨਵੇਂ ਡਿਜ਼ਾਈਨ ਵਾਲੀ ਸਿਰੇਮਿਕ ਸ਼ੀਲਡ, ਪ੍ਰੋ ਕੈਮਰਾ ਪ੍ਰਣਾਲੀ, ਲਿਡਾਰ ਸਕੈਨਰ ਅਤੇ ਆਈਫੋਨ ਦਾ ਹੁਣ ਤੱਕ ਦਾ ਸਭ ਤੋਂ ਵੱਡਾ ਸੁਪਰ ਰੇਟਿਨਾ ਐਕਸਡੀਆਰ ਡਿਸਪਲੇਅ ਨਾਲ ਆਈਫੋਨ 12 ਪ੍ਰੋ ਅਤੇ ਆਈਫੋਨ 12 ਪ੍ਰੋ ਮੈਕਸ ਜਾਰੀ ਕੀਤਾ ਹੈ। ਮੰਗਲਵਾਰ ਰਾਤ ਕੰਪਨੀ ਨੇ ਆਪਣੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਸਦਾ ਪ੍ਰੋ ਕੈਮਰਾ ਏ14 ਬਾਓਨਿਕ ਚਿਪ ਰਾਹੀਂ ਸੰਚਾਲਿਤ ਇਸ ਦਾ ਅਤਿ-ਆਧੁਨਿਕ ਕੈਮਰਾ ਫੋਟੋ ਅਤੇ ਵੀਡੀਓ ਦੇ ਸ਼ੌਕੀਨਾਂ ਲਈ ਇੱਕ ਬਹੁਤ ਵਧੀਆ ਟੂਲ ਦੀ ਤਰ੍ਹਾਂ ਹੈ। ਨਵੇਂ ਈਮੇਜ਼ ਸਿਗਨਲ ਪ੍ਰੋਸੈਸਰ (ਆਈਐੇਸਪੀ) ਦੇ ਨਾਲ ਏ14 ਬਾਓਨਿਕ ਡ੍ਰਾਈਵ ਫੋਟੋ ਦੀ ਕੁਆਲਿਟੀ ਨੂੰ ਵਧੀਆ ਕਰਦਾ ਹੈ।

ਆਈਫੋਨ 12 ਪ੍ਰੋ ਮਾਡਲ ਵਿੱਚ ਐਪਲ ਦੀ ਨਵਾਂ ਪ੍ਰੇਰਾ ਵਿਸ਼ੇਸ਼ਤਾ ਹੈ। ਇਸ ਆਈਫੋਨ ਦੇ ਖਪਤਕਾਰ ਆਈਫੋਨ 'ਤੇ ਜਾਂ ਹੋਰ ਕਿਸੇ ਪ੍ਰੋਫੈਸ਼ਨਲ ਫੋਟੋ ਐਡੀਟਿੰਗ ਐਪ ਨਾਲ ਫੋਟੋ ਦੇ ਰੰਗ, ਵੇਰਵਾ ਅਤੇ ਡਾਇਨਾਮਿਕ ਰੇਂਜ ਨੂੰ ਪੂਰਾ ਕੰਟਰੋਲ ਵਿੱਚ ਰੱਖ ਸਕਦੇ ਹਨ।

ਐਪਲ ਨੇ ਕਿਹਾ, ''ਆਈਫੋਨ 12 ਪ੍ਰੋ ਮਾਡਲ ਦੇ ਪ੍ਰੋ ਕੈਮਰਾ ਪ੍ਰਣਾਲੀ ਵਿੱਚ ਵਧੀਆ ਘੱਟ ਰੌਸ਼ਨੀ 'ਚ ਵਧੀਆ ਕਾਰਗੁਜਾਰੀ ਲਈ ਨਵੇਂ ਵਾਈਡ ਕੈਮਰੇ, ਇੱਕ ਮਹਿੰਗਾ ਅਲਟ੍ਰਾ ਵਾਈਡ ਕੈਮਰਾ ਅਤੇ ਵਧੀਆ ਈਮੇਜ਼ ਅਤੇ ਵੀਡੀਓ ਬਣਾਉਣ ਲਈ ਟੈਲੀਫੋਟੋ ਕੈਮਰਾ ਵੀ ਹੈ।''

ਆਈਫੋਨ 12 ਪ੍ਰੋ ਅਤੇ ਆਈਫੋਨ ਪ੍ਰੋ ਮੈਕਸ, 128ਜੀਬੀ, 256ਜੀਬੀ ਅਤੇ 512 ਜੀਬੀ ਮਾਡਲ ਵਿੱਚ ਗ੍ਰੇਫ਼ਾਈਟ, ਸਿਲਵਰ, ਗੋਲਡ ਅਤੇ ਪੈਸੀਫ਼ਿਕ ਬਲੂ ਵਿੱਚ ਮੁਹੱਈਆ ਹੋਣਗੇ। ਇਨ੍ਹਾਂ ਦੀਆਂ ਕੀਮਤਾਂ ਕ੍ਰਮਵਾਰ 1,19,900 ਲੱਖ ਰੁਪਏ ਅਤੇ 1,29,900 ਲੱਖ ਰੁਪਏ ਤੋਂ ਸ਼ੁਰੂ ਹੋਵੇਗੀ।

ਆਈਫੋਨ 12 ਪ੍ਰੋ ਭਾਰਤ ਵਿੱਚ 30 ਅਕਤੂਬਰ ਤੋਂ ਹੋਵੇਗਾ ਮੁਹੱਈਆ

ਐਪਲ ਦੇ ਕੌਮਾਂਤਰੀ ਮਾਰਕੀਟਿੰਗ ਦੇ ਸੀਨੀਅਰ ਵਾਈਸ ਪ੍ਰਧਾਨ ਗ੍ਰੇਗ ਜੋਸਵਿਕ ਨੇ ਕਿਹਾ, ''ਇੱਕ ਅਤਿ-ਆਧੁਨਿਕ ਲਿਡਾਰ ਸਕੈਨਰ ਦਾ ਭਾਵ ਹੈ ਕਿ ਖਪਤਕਾਰ ਅਜਿਹੇ ਏਆਰ ਨੂੰ ਮਹਿਸੂਸ ਕਰਨਗੇ, ਜਿਹੜਾ ਉਨ੍ਹਾਂ ਨੇ ਪਹਿਲਾਂ ਕਦੇ ਨਹੀਂ ਕੀਤਾ। ਨਾਲ ਹੀ ਇਹ ਘੱਟ ਰੌਸ਼ਨੀ ਵਿੱਚ ਤੇਜ਼ ਆਟੋਫੋਕਸ ਕਰੇਗਾ ਅਤੇ ਇਸ ਵਿੱਚ ਨਾਈਟ ਮੋਡ ਪ੍ਰੋਟੈਟਸ ਵੀ ਹੋਵੇਗਾ। ਅਜਿਹੀਆਂ ਵਿਸ਼ੇਸ਼ਤਾਵਾਂ ਸਮੇਤ ਹੋਰ ਵੀ ਕਈ ਚੀਜ਼ਾਂ ਇਨ੍ਹਾਂ ਆਈਫੋਨਾਂ ਵਿੱਚ ਮਿਲਣਗੀਆਂ।''

6.1 ਇੰਚ ਦੇ ਆਈਫੋਨ 12 ਪ੍ਰੋ ਅਤੇ 6.7 ਇੰਚ ਦੇ ਆਈਫੋਨ 12 ਪ੍ਰੋ ਮੈਕਸ ਵਿੱਚ ਆਈਫੋਨ ਦਾ ਹੁਣ ਤੱਕ ਦਾ ਸਭ ਤੋਂ ਵੱਡਾ ਸੁਪਰ ਰੇਟਿਨਾ ਐਕਸਡੀਆਰ ਸਕਰੀਨ ਹੈ, ਉਥੇ 5ਜੀ 'ਤੇ ਆਈਫੋਨ ਵਿੱਚ ਤੇਜ਼ੀ ਨਾਲ ਡਾਊਨਲੋਡ ਅਤੇ ਅਪਲੋਡ ਕਰਨ ਲਈ ਵਧੀਆ ਗਤੀ, ਉਚ ਕੁਆਲਿਟੀ ਵਾਲੀ ਵੀਡੀਓ ਸਟਰੀਮਿੰਗ, ਐਪਸ ਵਿੱਚ ਰੀਅਲ-ਟਾਈਮ ਇੰਟਰਐਕਟੀਵਿਟੀ ਤੋਂ ਇਲਾਵਾ ਹੋਰ ਵੀ ਬਹੁਤ ਕੁੱਝ ਹੈ।