ਜਾਣੋ ਆਪਣੇ ਵਾਲਾਂ ਨੂੰ ਸਹੀ ਰੱਖਣ ਦੇ ਤਰੀਕੇ ਜਾਵੇਦ ਹਬੀਬ ਦੀ ਜ਼ੁਬਾਨੀ

ਮਸ਼ਹੂਰ ਹੇਅਰ ਐਕਸਪਰਟ ਜਾਵੇਦ ਹਬੀਬ ਨੇ ਈਟੀਵੀ ਭਾਰਤ ਨਾਲ ਖ਼ਾਸ ਗੱਲਬਾਤ ਕੀਤੀ। ਇਸ ਖ਼ਾਸ ਗੱਲਬਾਤ 'ਚ ਉਨ੍ਹਾਂ ਵਾਲਾਂ ਦੀ ਸਾਂਭ ਸੰਭਾਲ ਲਈ ਆਪਣੇ ਵਿਚਾਰ ਦੱਸੇ। ਹੇਅਰ ਕਲਰ ਬਾਰੇ ਗੱਲਬਾਤ ਕਰਦਿਆਂ ਉਨ੍ਹਾਂ ਦੱਸਿਆ ਕਿ ਗਲਤ ਕਲਰ ਕਈ ਵਾਰ ਇਨਸਾਨ ਨੂੰ ਗੰਜਾ ਵੀ ਕਰ ਸਕਦਾ ਹੈ।

ਪਟਿਆਲਾ: ਹੇਅਰ ਇੰਡਸਟਰੀ ਦੇ ਵਿੱਚ ਮਸ਼ਹੂਰ ਹੇਅਰ ਐਕਸਪਰਟ ਜਾਵੇਦ ਹਬੀਬ ਕਿਸੇ ਪਹਿਚਾਣ ਦਾ ਮੌਹਤਾਜ਼ ਨਹੀਂ ਹੈ। ਉਨ੍ਹਾਂ ਨੇ ਇਸ ਇੰਡਸਟਰੀ ਦੇ ਵਿੱਚ ਚੰਗਾ ਨਾਂਅ ਕਮਾਇਆ ਹੈ। ਪਟਿਆਲਾ ਦੇ ਵਿੱਚ ਇੱਕ ਸੈਮੀਨਾਰ ਦੌਰਾਨ ਜਾਵੇਦ ਹਬੀਬ ਪੁੱਜੇ। ਇਸ ਮੌਕੇ ਈਟੀਵੀ ਭਾਰਤ ਨਾਲ ਉਨ੍ਹਾਂ ਨੇ ਖ਼ਾਸ ਗੱਲਬਾਤ ਕੀਤੀ। ਇਸ ਖ਼ਾਸ ਗੱਲਬਾਤ 'ਚ ਪੱਤਰਕਾਰ ਵੱਲੋਂ ਹੇਅਰ ਕਲਰ ਕਰਵਾਉਣ ਬਾਰੇ ਜਦੋਂ ਸਵਾਲ ਕੀਤਾ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਵਾਲ ਕਲਰ ਕਰਵਾਉਣ ਨਾਲ ਹੇਅਰ ਡ੍ਰਾਈ ਹੋ ਜਾਂਦੇ ਨ, ਪਰ ਉਸ ਸਮੱਸਿਆ ਦੇ ਕਈ ਹੱਲ ਵੀ ਹਨ। ਉਨ੍ਹਾਂ ਕਿਹਾ ਕਿ ਕਈ ਵਾਰ ਗਲਤ ਕਲਰ ਕਰਵਾਉਣ ਨਾਲ ਇਨਸਾਨ ਗੰਜਾ ਵੀ ਹੋ ਸਕਦਾ ਹੈ।

ਹੋਰ ਪੜ੍ਹੋ: ਐਲੀ ਮਾਂਗਟ ਤੇ ਰੰਮੀ ਰੰਧਾਵਾ ਨੂੰ ਉਨ੍ਹਾਂ ਦੇ ਸਰੋਤਿਆਂ ਦੀ ਸਲਾਹ
ਜਾਵੇਦ ਹਬੀਬ ਨੇ ਕਿਹਾ,"ਅੱਜ ਹੇਅਰ ਡ੍ਰੈਸਰਸ ਹੀਰੋ ਬਣਨ ਦੀ ਕੋਸ਼ਿਸ਼ ਕਰਦੇ ਹਨ, ਉਨ੍ਹਾਂ ਨੂੰ ਹੀਰੋ ਨਹੀਂ ਬਣਨਾ ਚਾਹੀਦਾ ਬਸ ਆਪਣਾ ਕੰਮ ਇਮਾਨਦਾਰੀ ਨਾਲ ਕਰਨਾ ਚਾਹੀਦਾ ਹੈ। ਜੇਕਰ ਉਹ ਨਤੀਜਾ ਵਧੀਆ ਦੇਣਗੇ ਤਾਂ ਗ੍ਰਾਹਕ ਆਪਣੇ ਆਪ ਖੁਸ਼ ਹੋ ਜਾਵੇਗਾ।"

ਜਾਵੇਦ ਹਬੀਬ ਨੇ ਵਾਲਾਂ ਨੂੰ ਕਿਵੇਂ ਸਹੀ ਰੱਖਣਾ ਹੈ ਉਸ ਬਾਰੇ ਟਿੱਪਸ ਵੀ ਦਿੱਤੇ। ਉਨ੍ਹਾਂ ਨੇ ਕਿਹਾ ਕਿ ਵਾਲਾਂ ਨੂੰ ਸਹੀ ਰੱਖਣ ਦਾ ਸਭ ਤੋਂ ਸਹੀ ਤਰੀਕਾ ਹੈ ਸਰੋਂ ਦਾ ਤੇਲ ਇਸਤੇਮਾਲ ਕਰਨਾ। ਇਸ ਤੋਂ ਇਲਾਵਾ ਉਨ੍ਹਾਂ ਕਿਹਾ ਕਿ ਉਹ 77 ਐਕਡਮੀਆਂ ਵਿੱਚ ਹੇਅਰ ਐਕਸਪਰਟ ਤਿਆਰ ਕਰ ਰਹੇ ਹਨ। ਹੇਅਰ ਡਰੈਸਰਾਂ ਨੂੰ ਉਨ੍ਹਾਂ ਇਹ ਵੀ ਕਿਹਾ ਕਿ ਉਹ ਜ਼ਿਆਦਾ ਕੈਮੀਕਲਾਂ ਦਾ ਇਸਤੇਮਾਲ ਨਾ ਕਰਨ ਅਤੇ ਜਿੰਨਾ ਹੋ ਸਕੇ ਉਨ੍ਹਾਂ ਸਿੰਪਲ ਤਰੀਕੇ ਨੂੰ ਅਪਣਾਉਣ, ਇਸ ਨਾਲ ਵਾਲ ਜ਼ਿਆਦਾ ਵਧੀਆ ਬਣ ਪਾਉਣਗੇ।