ਸੂਰਤਗੜ੍ਹ (ਸ੍ਰੀ ਗੰਗਾਨਗਰ): ਜ਼ਿਲ੍ਹੇ ਦੇ ਰਾਜਿਆਸਾਰ ਖ਼ੇਤਰ 'ਚ ਪੈਂਦੇ ਇੱਕ ਪਿੰਡ 'ਚ ਪ੍ਰੇਮ ਸਬੰਧਾਂ ਦੇ ਚਲਦੇ ਨੌਜਵਾਨ ਨੂੰ ਡਾਂਗ ਨਾਲ ਬੂਰੀ ਤਰ੍ਹਾਂ ਕੁੱਟਮਾਰ ਕਰਕੇ ਕਤਲ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਕੀ ਹੈ ਮਾਮਲਾ
ਇਹ ਘਟਨਾ 2 ਅਗਸਤ ਦੇਰ ਰਾਤ ਦੀ ਦੱਸੀ ਜਾ ਰਹੀ ਹੈ। ਜਾਣਕਾਰੀ ਮੁਤਾਬਕ ਇਲਾਕੇ ਤੋਂ ਦੇਰ ਰਾਤ ਇੱਕ ਕੁੜੀ ਘਰੋਂ ਗਾਇਬ ਹੋ ਗਈ। ਕੁੜੀ ਦੇ ਪਰਿਵਾਰਕ ਮੈਂਬਰ ਉਸ ਦੀ ਭਾਲ ਕਰਨ ਲੱਗੇ। ਇਸ ਦੌਰਾਨ ਜਦ ਕੁੜੀ ਦੇ ਪਰਿਵਾਰਕ ਮੈਂਬਰ ਪਿੰਡ ਦੇ ਨੇੜੇ ਪੁੱਜੇ, ਤਾਂ ਉਨ੍ਹਾਂ ਉਥੇ ਇੱਕ ਜੀਪ ਵੇਖੀ। ਗੱਡੀ ਵਿੱਚ ਤੇਲ ਖ਼ਤਮ ਹੋਣ ਦੇ ਚਲਦੇ ਮੁਲਜ਼ਮ ਕੁੜੀ ਨੂੰ ਨਾਲ ਲੈ ਕੇ ਉਥੇ ਖੜ੍ਹੇ ਸਨ। ਜਦ ਲੜਕੀ ਦਾ ਪਰਿਵਾਰ ਉਥੇ ਟ੍ਰੈਕਟਰ ਲੈ ਕੇ ਪੁਜਾ ਤਾਂ ਮੁਲਜ਼ਮਾਂ ਨੇ ਉਨ੍ਹਾਂ ਉੱਤੇ ਡੰਡਿਆਂ ਨਾਲ ਹਮਲਾ ਕਰ ਦਿੱਤਾ। ਇਸ ਲੜ੍ਹਾਈ 'ਚ ਇੱਕ ਨੌਜਵਾਨ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਤੇ ਕੁੱਝ ਹੋਰ ਲੋਕ ਗੰਭੀਰ ਜ਼ਖਮੀ ਹੋ ਗਏ।
ਪ੍ਰੇਮ ਸਬੰਧਾਂ ਕਾਰਨ ਨੌਜਵਾਨ ਨਾਲ ਕੁੱਟਮਾਰ