3 ਲੱਖ ਦੀ ਲੁੱਟ ਕਰ ਕੇ ਆਰੋਪੀ ਰਫ਼ੂ ਚੱਕਰ

ਅਬੋਹਰ ਤੋਂ ਫ਼ਿਰੋਜ਼ਪੁਰ ਰੁਪਇਆਂ ਦੀ ਉਗਰਾਹੀ ਕਰਨ ਆਏ ਗੁਰਪ੍ਰੀਤ ਸਿੰਘ 'ਤੇ ਮੋਟਰਸਾਈਕਲ ਸਵਾਰ ਤਿੰਨ ਅਣਪਛਾਤੇ ਵਿਅਕਤੀਆਂ ਨੇ ਤੇਜ਼ ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਕੇ  ਤਿੰਨ ਲੱਖ ਦੀ ਲੁੱਟ ਕਰ ਕੇ ਫ਼ਰਾਰ ਹੋ ਗਏ।

ਫ਼ਿਰੋਜ਼ਪੁਰ: ਸ਼ਹਿਰ 'ਚ ਦਿਨ ਦਿਹਾੜੇ ਇੱਕ ਵਪਾਰੀ ਦੇ ਕਰਿੰਦੇ ਤੋਂ ਹਥਿਆਰਾਂ ਦੀ ਨੋਕ 'ਤੇ ਤਿੰਨ ਲੱਖ ਲੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਸਾਰੀ ਘਟਨਾ ਸੀਸੀਟੀਵੀ ਵਿੱਚ ਕੈਦ ਹੋ ਗਈ। ਇਸ ਘਟਨਾ ਨੂੰ ਤਿੰਨ ਮੋਟਰਸਾਇਕਲ ਸਵਾਰ ਲੁਟੇਰਿਆਂ ਨੇ ਅੰਜਾਮ ਦਿੱਤਾ।

ਭਾਂਡਿਆਂ ਦੇ ਵਪਾਰੀ ਸਾਗਰ ਛਾਬੜਾ ਨੇ ਦੱਸਿਆ ਕਿ ਗੁਰਪ੍ਰੀਤ ਸਿੰਘ ਜੋ ਉਨ੍ਹਾਂ ਲਈ ਉਗਰਾਈ ਦਾ ਕੰਮ ਕਰਦਾ ਹੈ, ਅਬੋਹਰ ਤੋਂ ਫਿਰੋਜਪੁਰ ਰੁਪਇਆਂ ਦੀ ਉਗਰਾਹੀ ਕਰਨ ਆਇਆ ਸੀ ਜਿਸ ਨੂੰ ਪਿੱਛੋਂ ਆ ਕੇ ਮੋਟਰਸਾਈਕਲ ਸਵਾਰ ਤਿੰਨ ਲੋਕਾਂ ਨੇ ਤੇਜ਼ ਧਾਰ ਹਥਿਆਰਾਂ ਦੀ ਮਦਦ ਨਾਲ ਉਸ ਤੋਂ ਰੁਪਇਆਂ ਵਾਲਾ ਬੈਗ ਖੋਹ ਲਿਆ ਅਤੇ ਉਸ ਨੂੰ ਜ਼ਖ਼ਮੀ ਕਰ ਕੇ ਫ਼ਰਾਰ ਹੋ ਗਏ।ਇਸ ਮਾਮਲੇ 'ਤੇ ਪੁਲਿਸ ਪ੍ਰਸ਼ਾਸਨ ਮੀਡੀਆ ਤੋਂ ਸਵਾਲਾਂ ਤੋਂ ਪਾਸਾ ਵੱਟਦੀ ਨਜ਼ਰ ਆਈ। ਪ੍ਰਸ਼ਾਸ਼ਨ ਨੇ ਇਸ ਮਾਮਲੇ 'ਤੇ ਕੁੱਝ ਵੀ ਕਹਿਣ ਤੋਂ ਇਨਕਾਰ ਕਰ ਦਿੱਤਾ ਹੈ।