ਲਾਹੌਰ: ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੇ ਦਾਅਵਾ ਕੀਤਾ ਹੈ ਕਿ ਦੇਸ਼ ਦੇ ਤਾਕਤਵਰ ਫ਼ੌਜੀ ਅਦਾਰੇ ਉਨ੍ਹਾਂ ਨੂੰ ਦੇਸ਼ਧ੍ਰੋਹ ਦੇ ਦੋਸ਼ ਵਿੱਚ ਅਗਲੇ 10 ਸਾਲਾਂ ਤੱਕ ਜੇਲ੍ਹ ਵਿੱਚ ਰੱਖਣ ਦੀ ਯੋਜਨਾ ਬਣਾ ਰਹੇ ਹਨ। ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ਼ (ਪੀ.ਟੀ.ਆਈ.) ਦੇ ਮੁਖੀ ਨੇ ਸੋਮਵਾਰ ਤੜਕੇ ਟਵੀਟਾਂ ਦੀ ਇੱਕ ਲੜੀ ਵਿੱਚ ਕਿਹਾ, "ਇਸ ਲਈ ਹੁਣ ਲੰਡਨ ਦੀ ਪੂਰੀ ਯੋਜਨਾ ਸਾਹਮਣੇ ਆ ਗਈ ਹੈ। ਜਦੋਂ ਮੈਂ ਜੇਲ੍ਹ ਵਿੱਚ ਸੀ, ਹਿੰਸਾ ਦੀ ਆੜ ਵਿੱਚ ਉਨ੍ਹਾਂ ਨੇ ਜੱਜ, ਜਿਊਰੀ ਅਤੇ ਜਲਾਦ ਦੀ ਭੂਮਿਕਾ ਨਿਭਾਈ । ।" ਹੁਣ ਬੁਸ਼ਰਾ ਬੇਗਮ (ਖਾਨ ਦੀ ਪਤਨੀ) ਨੂੰ ਜੇਲ੍ਹ ਵਿੱਚ ਪਾ ਕੇ ਅਤੇ ਦੇਸ਼ ਧ੍ਰੋਹ ਦੇ ਕਾਨੂੰਨ ਦੀ ਵਰਤੋਂ ਕਰਕੇ ਅਗਲੇ 10 ਸਾਲਾਂ ਲਈ ਜੇਲ੍ਹ ਵਿੱਚ ਰੱਖ ਕੇ ਮੈਨੂੰ ਜ਼ਲੀਲ ਕਰਨ ਦੀ ਯੋਜਨਾ ਹੈ।" ਇਹ ਟਵੀਟ ਖਾਨ ਦੀ ਲਾਹੌਰ ਸਥਿਤ ਰਿਹਾਇਸ਼ 'ਤੇ ਪੀਟੀਆਈ ਨੇਤਾਵਾਂ ਦੀ ਬੈਠਕ ਤੋਂ ਬਾਅਦ ਆਇਆ ਹੈ।
‘ਪਾਕਿ ਸੈਨਾ ਮੈਨੂੰ 10 ਸਾਲ ਜੇਲ੍ਹ 'ਚ ਰੱਖਣ ਦੀ ਰਚ ਰਹੀ ਹੈ ਸਾਜ਼ਿਸ਼’
ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਦਾਅਵਾ ਕੀਤਾ ਹੈ ਕਿ ਪਾਕਿਸਤਾਨੀ ਫੌਜ ਦੇਸ਼ਧ੍ਰੋਹ ਦੇ ਦੋਸ਼ 'ਚ ਉਨ੍ਹਾਂ ਨੂੰ ਜੇਲ੍ਹ 'ਚ ਸੁੱਟਣ ਦੀ ਸਾਜ਼ਿਸ਼ ਰਚ ਰਹੀ ਹੈ। ਪੀਟੀਆਈ ਨੇਤਾਵਾਂ ਦੀ ਬੈਠਕ ਤੋਂ ਬਾਅਦ ਉਨ੍ਹਾਂ ਨੇ ਸੋਮਵਾਰ ਨੂੰ ਕਈ ਟਵੀਟਸ 'ਚ ਇਹ ਦਾਅਵਾ ਕੀਤਾ।
IMRAN KHAN: ਪਾਕਿ ਸੈਨਾ ਮੈਨੂੰ 10 ਸਾਲ ਜੇਲ੍ਹ 'ਚ ਰੱਖਣ ਦੀ ਸਾਜ਼ਿਸ਼ ਰਚ ਰਹੀ ਹੈ: ਇਮਰਾਨ ਖਾਨ
ਆਮ ਨਾਗਰਿਕਾਂ ਨੂੰ ਡਰਾਉਣਾ:70 ਸਾਲਾ ਨੇਤਾ 100 ਤੋਂ ਜ਼ਿਆਦਾ ਮਾਮਲਿਆਂ 'ਚ ਜ਼ਮਾਨਤ 'ਤੇ ਬਾਹਰ ਹਨ। "ਇਹ ਯਕੀਨੀ ਬਣਾਉਣ ਲਈ ਕਿ ਲੋਕ ਪ੍ਰਤੀਕਿਰਿਆ ਨਾ ਕਰਨ, ਉਨ੍ਹਾਂ ਨੇ ਦੋ ਕੰਮ ਕੀਤੇ ਹਨ - ਪਹਿਲਾ ਜਾਣਬੁੱਝ ਕੇ ਨਾ ਸਿਰਫ਼ ਪੀਟੀਆਈ ਵਰਕਰਾਂ ਨੂੰ, ਸਗੋਂ ਆਮ ਨਾਗਰਿਕਾਂ ਨੂੰ ਵੀ ਡਰਾਉਣਾ। ਦੂਜਾ, ਮੀਡੀਆ ਨੂੰ ਪੂਰੀ ਤਰ੍ਹਾਂ ਕੰਟਰੋਲ ਅਤੇ ਦਬਾਇਆ ਗਿਆ ਹੈ,"। ਉਨ੍ਹਾਂ ਕਿਹਾ ਕਿ ਜਿਸ ਤਰ੍ਹਾਂ ਇਹ ‘ਅਪਰਾਧੀ’ ‘ਚਾਦਰ ਤੇ ਚਾਰ ਦੀਵਾਰੀ’ ਦੀ ਪਵਿੱਤਰਤਾ ਦੀ ਉਲੰਘਣਾ ਕਰ ਰਹੇ ਹਨ, ਅਜਿਹਾ ਕਦੇ ਨਹੀਂ ਹੋਇਆ।
ਲੋਕਾਂ ਲਈ ਇਮਰਾਨ ਖ਼ਾਨ ਦਾ ਸੰਦੇਸ਼:ਪਾਕਿਸਤਾਨ ਦੇ ਲੋਕਾਂ ਨੂੰ ਆਪਣਾ ਸੰਦੇਸ਼ ਦਿੰਦੇ ਹੋਏ ਖਾਨ ਨੇ ਕਿਹਾ, "ਪਾਕਿਸਤਾਨ ਦੇ ਲੋਕਾਂ ਨੂੰ ਮੇਰਾ ਸੰਦੇਸ਼ ਹੈ ਕਿ ਮੈਂ ਆਪਣੇ ਖੂਨ ਦੀ ਆਖਰੀ ਬੂੰਦ ਤੱਕ ਅਸਲੀ ਆਜ਼ਾਦੀ ਲਈ ਲੜਾਂਗਾ ਕਿਉਂਕਿ ਮੇਰੇ ਲਈ ਇਨ੍ਹਾਂ ਅਪਰਾਧੀਆਂ ਦੇ ਗੁਲਾਮ ਹੋਣ ਨਾਲੋਂ ਮੌਤ ਬਿਹਤਰ ਹੈ।" ਸ਼ੁੱਕਰਵਾਰ ਨੂੰ ਜ਼ਮਾਨਤ ਮਿਲਣ ਦੇ ਬਾਵਜੂਦ, ਖਾਨ ਨੇ ਦੁਬਾਰਾ ਗ੍ਰਿਫਤਾਰੀ ਦੇ ਡਰੋਂ ਆਪਣੇ ਆਪ ਨੂੰ ਕਈ ਘੰਟਿਆਂ ਤੱਕ ਇਸਲਾਮਾਬਾਦ ਹਾਈ ਕੋਰਟ (IHC) ਦੇ ਅੰਦਰ ਬੰਦ ਕਰ ਲਿਆ ਸੀ, ਹਾਲਾਂਕਿ ਉਹ ਸ਼ਨੀਵਾਰ ਨੂੰ ਲਾਹੌਰ ਵਿੱਚ ਆਪਣੇ ਘਰ ਪਰਤੇ ਸਨ। (ਪੀਟੀਆਈ-ਭਾਸ਼ਾ)