ਵਾਸ਼ਿੰਗਟਨ : ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡਨ ਦੇ ਘਰ ਵਿਚ ਗੁਪਤ ਦਸਤਾਵੇਜ਼ਾਂ ਨੂੰ ਲੈ ਕੇ ਵਿਵਾਦ ਤੇਜ਼ ਹੁੰਦਾ ਜਾ ਰਿਹਾ ਹੈ। ਬਾਈਡਨ ਦੇ ਵਕੀਲ ਨੇ ਕਿਹਾ ਕਿ ਡੇਲਾਵੇਅਰ ਦੇ ਰੇਹੋਬੋਥ ਵਿਚ ਰਾਸ਼ਟਰਪਤੀ ਜੋਅ ਬਾਈਡਨ ਦੇ ਘਰ ਦੀ ਐਫਬਾਆਈ ਵੱਲੋਂ ਤਲਾਸ਼ੀ ਲਈ ਹਈ। ਇਸ ਦੌਰਾਨ ਘਰ ਵਿਚੋਂ ਕੋਈ ਵੀ ਗੁਪਤ ਦਸਤਾਵੇਜ਼ ਬਰਾਮਦ ਨਹੀਂ ਹੋਇਆ ਹੈ। ਇਕ ਬਿਆਨ ਵਿਚ ਬਾਈਡਨ ਦੇ ਵਕੀਲ ਨੇ ਕਿਹਾ ਕਿ ਬੁੱਧਵਾਰ ਦੇ ਛਾਪਾ ਰਾਸ਼ਟਪਤੀ ਦੇ ਪੂਰਨ ਸਮਰਥਨ ਦੇ ਨਾਲ ਯੋਜਨਾਬੱਧ ਸੀ। ਸੰਪਤੀ ਦੀ ਲਗਪਗ ਚਾਰ ਘੰਟੇ ਤਲਾਸ਼ੀ ਗੁਪਤ ਦਸਤਾਵੇਜ਼ਾਂ ਦੀ ਜਾਂਚ ਨਾਲ ਸਬੰਧਿਤ ਸੀ। ਐਫਬੀਆਈ ਨੇ ਛਾਪੇ ਸਬੰਧੀ ਟਿੱਪਣੀ ਨਹੀਂ ਕੀਤੀ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ, ਕਿ ਛਾਪੇ ਸਬੰਧੀ ਰਾਸ਼ਟਰਪਤੀ ਦੀ ਸਹਿਮਤੀ ਸੀ ਇਸ ਲਈ ਕੋਈ ਵੀ ਵਰੰਟ ਜਾਰੀ ਨਹੀਂ ਕੀਤਾ ਗਿਆ ਸੀ।
ਬਾਈਡਨ ਦੇ ਵਕੀਲ, ਬੌਬ ਬਾਉਰ ਨੇ ਕਿਹਾ ਕਿ ਛਾਪਾ ਸੰਚਾਲਨ ਸੁਰੱਖਿਆ ਤੇ ਅਖੰਡਤਾ ਦੇ ਹਿੱਤਾਂ ਵਿਚ ਆਗਾਮੀ ਸਮਾਜਿਕ ਸੂਚਨਾ ਤੋਂ ਬਿਨਾਂ ਮਾਰਿਆ ਗਿਆ ਸੀ। ਛਾਪੇ ਤੋਂ ਬਾਅਦ ਬਾਉਰ ਨੇ ਕਿਹਾ ਕਿ ਕੋਈ ਦਸਤਾਵੇਜ਼ ਨਹੀਂ ਮਿਲਿਆ। ਕੁਝ ਸਮੱਗਰੀ ਹਥੀਂ, ਜਿਵੇਂ ਲਿਖੇ ਨੋਟਿਸ, ਜੋ 2009 ਤੇ 2017 ਵਿਚਕਾਰ ਬਾਈਡਨ ਦੇ ਸਮੇਂ ਜਦੋਂ ਉਹ ਉਪ ਰਾਸ਼ਟਰਪਤੀ ਸੀ, ਦੇ ਸਮੇਂ ਦੇ ਮਿਲੇ ਹਨ, ਜਿਨ੍ਹਾਂ ਨੂੰ ਅੱਗੇ ਜਾਂਚ ਲਈ ਐਫਬੀਆਈ ਨੇ ਜ਼ਬਤ ਕਰ ਲਿਆ ਹੈ। ਨਵੰਬਰ ਵਿਚ ਵਾਸ਼ਿੰਗਟਨ ਡੀਸੀ ਵਿਚ ਪੈਨ ਬਾਈਡਨ ਸੈਂਟਰ ਵਿਚ ਗੁਪਤ ਦਸਤਾਵੇਜ਼ ਪਾਏ ਜਾਣ ਤੋਂ ਬਾਅਦ, ਵੱਖੋ-ਵੱਖ ਟਿਕਾਣਿਆਂ ਉਤੇ ਛਾਪੇ ਮਾਰੇ ਗਏ ਸਨ, ਪਰ ਇਨ੍ਹਾਂ ਨੂੰ ਜਨਤਕ ਨਹੀਂ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ :Florida Mass Shooting: ਅਮਰੀਕਾ ਦੇ ਸ਼ਹਿਰ ਫਲੋਰੀਡਾ ਵਿੱਚ ਚੱਲੀਆਂ ਤਾਬੜਤੋੜ ਗੋਲ਼ੀਆਂ, 10 ਲੋਕ ਗੰਭੀਰ ਜ਼ਖਮੀ