ਵਾਸ਼ਿੰਗਟਨ:ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਈਡਨ (BIDEN Warning to Vladimir Putin) ਨੇ ਰੂਸ ਨੂੰ ਸਖਤ ਸ਼ਬਦਾਂ ਵਿੱਚ ਚਿਤਾਵਨੀ ਦਿੱਤੀ ਹੈ। ਬਾਈਡਨ ਨੇ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੂੰ ਚਿਤਾਵਨੀ ਦਿੱਤੀ ਕਿ ਹੈ ਕਿ ਨਾਟੋ ਦੇਸ਼ਾਂ ਦੀ ਇੱਕ ਇੰਚ ਜ਼ਮੀਨ ਉੱਤੇ ਵੀ ਰੂਸ ਨੂੰ ਕਬਜ਼ਾ ਨਹੀਂ ਕਰਨ ਦਿੱਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਪੁਤਿਨ ਨੂੰ ਗਲਤ ਨਾ ਸਮਝੋ, ਅਸੀਂ ਨਾਟੋ ਦੇ ਨਾਲ (Stand with NATO ) ਖੜ੍ਹੇ ਹਾਂ। ਅਸੀਂ ਅੱਜ ਵੀ ਨਵੀਆਂ ਪਾਬੰਦੀਆਂ ਦਾ ਐਲਾਨ ਕਰ ਰਹੇ ਹਾਂ।
ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ (President Vladimir Putin ) ਨੇ ਸ਼ੁੱਕਰਵਾਰ ਸ਼ਾਮ (ਭਾਰਤੀ ਸਮੇਂ) ਨੂੰ ਯੂਕਰੇਨ ਦੇ ਚਾਰ ਕਬਜ਼ੇ ਵਾਲੇ ਖੇਤਰਾਂ ਨੂੰ ਰੂਸ ਦਾ ਰਸਮੀ ਹਿੱਸਾ ਘੋਸ਼ਿਤ ਕੀਤਾ। ਕ੍ਰੇਮਲਿਨ ਵਿੱਚ ਆਯੋਜਿਤ ਇਕ ਸਮਾਗਮ 'ਚ ਉਨ੍ਹਾਂ ਨੇ ਡੋਨੇਟਸਕ, ਲੁਹਾਨਸਕ, ਜ਼ਪੋਰਿਝੀਆ, ਖੇਰਸਨ ਨੂੰ ਆਪਣੇ ਦੇਸ਼ ਵਿੱਚ ਸ਼ਾਮਲ ਕਰਨ ਲਈ ਅਧਿਕਾਰਤ ਦਸਤਾਵੇਜ਼ ਉੱਤੇ ਦਸਤਖਤ ਕੀਤੇ।
ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਈਡਨ (american president joe biden) ਨੇ ਕਿਹਾ ਕਿ ਅਮਰੀਕਾ ਅਤੇ ਉਸ ਦੇ ਸਹਿਯੋਗੀ ਕਦੇ ਵੀ ਪੁਤਿਨ ਅਤੇ ਉਸ ਦੀਆਂ ਲਾਪਰਵਾਹੀ ਵਾਲੀਆਂ ਗੱਲਾਂ ਅਤੇ ਧਮਕੀਆਂ ਤੋਂ ਡਰਨ ਵਾਲੇ ਨਹੀਂ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਪੁਤਿਨ ਦੀਆਂ ਕਾਰਵਾਈਆਂ ਇਸ ਗੱਲ ਦਾ ਸੰਕੇਤ ਹਨ ਕਿ ਉਹ ਸੰਘਰਸ਼ ਕਰ ਰਿਹਾ ਹੈ। ਬਾਈਡਨ ਮੁਤਾਬਿਕ ਪੁਤਿਨ ਆਪਣੇ ਗੁਆਂਢੀ ਦੇ ਇਲਾਕੇ ਉੱਤੇ ਕਬਜ਼ਾ ਨਹੀਂ ਕਰ ਸਕਦਾ ਅਤੇ ਨਾ ਹੀ ਬਚ ਸਕਦਾ ਹੈ। ਅਸੀਂ ਯੂਕਰੇਨ (Ukraine) ਨੂੰ ਫੌਜੀ ਸਾਜ਼ੋ-ਸਾਮਾਨ ਪ੍ਰਦਾਨ ਕਰਨਾ ਜਾਰੀ ਰੱਖਾਂਗੇ।
ਯੂਕਰੇਨ ਦੇ ਖੇਤਰ ਨੂੰ ਮਿਲਾਉਣ ਲਈ ਰੂਸ ਦੀਆਂ ਕੋਸ਼ਿਸ਼ਾਂ ਉੱਤੇ ਰਾਸ਼ਟਰਪਤੀ ਬਾਈਡਨ ਨੇ ਕਿਹਾ ਕਿ ਸੰਯੁਕਤ ਰਾਜ ਰੂਸ ਦੁਆਰਾ ਪ੍ਰਭੂਸੱਤਾ ਯੂਕਰੇਨ ਦੇ ਖੇਤਰ ਨੂੰ ਸ਼ਾਮਲ ਕਰਨ ਦੀਆਂ ਕੋਸ਼ਿਸ਼ਾਂ ਦੀ ਨਿੰਦਾ ਕਰਦਾ ਹੈ।" ਰੂਸ ਅੰਤਰਰਾਸ਼ਟਰੀ ਕਾਨੂੰਨਾਂ ਦੀ ਉਲੰਘਣਾ (Violation of international laws) ਕਰ ਰਿਹਾ ਹੈ, ਸੰਯੁਕਤ ਰਾਸ਼ਟਰ ਦੇ ਚਾਰਟਰ ਨੂੰ ਲਤਾੜ ਰਿਹਾ ਹੈ ਅਤੇ ਹਰ ਥਾਂ ਸ਼ਾਂਤਮਈ ਦੇਸ਼ਾਂ ਲਈ ਆਪਣੀ ਨਿਰਾਦਰੀ ਦਿਖਾ ਰਿਹਾ ਹੈ। ਮੈਂ ਅੰਤਰਰਾਸ਼ਟਰੀ ਭਾਈਚਾਰੇ (The international community ) ਦੇ ਸਾਰੇ ਮੈਂਬਰਾਂ ਨੂੰ ਬੇਨਤੀ ਕਰਦਾ ਹਾਂ ਕਿ ਉਹ ਰੂਸ ਨੂੰ ਜੋੜਨ ਦੀਆਂ ਗੈਰ-ਕਾਨੂੰਨੀ ਕੋਸ਼ਿਸ਼ਾਂ ਨੂੰ ਰੱਦ ਕਰਨ ਅਤੇ ਜਦੋਂ ਤੱਕ ਇਹ ਜ਼ਰੂਰੀ ਹੈ ਯੂਕਰੇਨ ਦੇ ਲੋਕਾਂ ਨਾਲ ਖੜ੍ਹੇ ਰਹਿਣ।
ਇਹ ਵੀ ਪੜ੍ਹੋ:ਸੰਯੁਕਤ ਰਾਸ਼ਟਰ 'ਚ ਰੂਸ ਖ਼ਿਲਾਫ਼ ਹੋਈ ਵੋਟਿੰਗ, ਭਾਰਤ ਨੇ ਵੋਟਿੰਗ ਤੋਂ ਖੁੱਦ ਨੂੰ ਰੱਖਿਆ ਬਾਹਰ
