ਤ੍ਰਿਪੋਲੀ: ਲੀਬੀਆ ਦੇ ਤ੍ਰਿਪੋਲੀ ਦੇ ਸੈਨਿਕ ਸਰਕਾਰੀ ਸਕੂਲ 'ਤੇ ਹੋਏ ਹਵਾਈ ਹਮਲੇ ਵਿੱਚ ਘੱਟੋ ਘੱਟ 28 ਕੈਡਿਟ ਦੀ ਮੌਤ ਹੋ ਗਈ। ਇਸ ਦੇ ਨਾਲ ਹੀ ਇਸ ਹਮਲੇ ਵਿੱਚ ਤਕਰੀਬਨ ਇੱਕ ਦਰਜਨ ਕੈਡਿਟ ਜ਼ਖਮੀ ਹੋ ਗਏ ਹਨ। ਮੰਤਰਾਲੇ ਦੇ ਮੈਂਬਰ ਨੇ ਇਸ ਦੀ ਜਾਣਕਾਰੀ ਸਾਂਝੀ ਕੀਤੀ ਹੈ।
ਦੱਸਣਯੋਗ ਹੈ ਕਿ ਇਹ ਹਮਲਾ ਉਸ ਸਮੇਂ ਹੋਇਆ ਜਦੋਂ ਕੈਡਿਟ ਸੋਣ ਤੋਂ ਪਹਿਲਾਂ ਗਰਾਉਂਡ ਵਿੱਚ ਇਕੱਠੇ ਹੁੰਦੇ ਸਨ। ਦੱਸ ਦੇਈਏ ਕਿ ਇਹ ਮਿਲਟਰੀ ਸਕੂਲ ਲੀਬੀਆ ਦੇ ਰਿਹਾਇਸ਼ੀ ਖੇਤਰ ਅਲ-ਹਦਬਾ-ਅਲ-ਖਦਰਾ 'ਚ ਸਥਿਤ ਹੈ।
ਸਰਕਾਰੀ ਰਾਸ਼ਟਰੀ ਸਮਝੌਤੇ (ਜੀ.ਐਨ.ਏ.) ਦੇ ਸਿਹਤ ਮੰਤਰਾਲੇ ਦੇ ਬੁਲਾਰੇ ਅਮੀਨ ਅਲ-ਹਾਸ਼ਮੀ ਨੇ ਕਿਹਾ, 'ਤ੍ਰਿਪੋਲੀ ਦੇ ਮਿਲਟਰੀ ਸਕੂਲ 'ਤੇ ਹੋਏ ਹਵਾਈ ਹਮਲੇ ਵਿੱਚ 28 ਕੈਡਿਟ ਮਾਰੇ ਗਏ ਅਤੇ ਦਰਜਨਾਂ ਜ਼ਖਮੀ ਹੋ ਗਏ ਹਨ।