ਕੋਲੰਬੋ: ਸ਼੍ਰੀਲੰਕਾ ਵਿੱਚ ਰਾਸ਼ਟਰਪਤੀ ਦੀ ਚੋਣ ਲਈ ਦੇਸ਼ ਵਾਸੀਆਂ ਨੇ ਵੋਟਾਂ ਪਾਈਆਂ।
ਉੱਥੇ ਹੀ ਇਸ ਦੌਰਾਨ ਉੱਤਰ ਪੱਛਮ ਸ਼੍ਰੀਲੰਕਾ ਵਿੱਚ ਘੱਟ ਗਿਣਤੀ ਮੁਸਲਿਮ ਵੋਟਰਾਂ ਨੂੰ ਲੈ ਕੇ ਜਾ ਰਹੇ ਬੱਸਾਂ ਦੇ ਕਾਫਲੇ 'ਤੇ ਗੋਲੀਆਂ ਚਲਾਈਆਂ ਗਈਆਂ।
ਈਸਟਰ ਬੰਬ ਧਮਾਕਿਆਂ ਅਤੇ ਰਾਜਨੀਤਿਕ ਚੁਣੌਤੀਆਂ ਨਾਲ ਜੂਝ ਰਹੇ ਦੇਸ਼ ਦਾ ਭਵਿੱਖ ਤੈਅ ਕਰਨ ਵਾਲੀ ਚੋਣ ਵਿੱਚ ਇੱਕ ਨਵਾਂ ਰਾਸ਼ਟਰਪਤੀ ਚੁਣਨ ਲਈ ਲੋਕਾਂ ਨੇ ਸ਼ਨੀਵਾਰ ਨੂੰ ਵੋਟ ਦਿੱਤੀ। ਇਸ ਦੇ ਨਤੀਜੇ 17 ਨਵੰਬਰ ਨੂੰ ਆਉਣਗੇ।
ਦੇਸ਼ ਭਰ ਵਿਚ 15.9 ਮਿਲੀਅਨ ਵੋਟਰਾਂ ਲਈ ਲਗਭਗ 12,845 ਪੋਲਿੰਗ ਸਟੇਸ਼ਨ ਸਥਾਪਤ ਕੀਤੇ ਗਏ ਹਨ।
ਇਸ ਵਿੱਚ ਰਿਕਾਰਡ 35 ਉਮੀਦਵਾਰ ਆਪਣੀ ਕਿਸਮਤ ਅਜ਼ਮਾ ਰਹੇ ਹਨ। ਸ਼੍ਰੀਲੰਕਾ ਦੇ ਚੋਣ ਕਮਿਸ਼ਨ ਨੇ ਸ਼ਾਂਤਮਈ ਚੋਣਾਂ ਕਰਵਾਉਣ ਲਈ 60,000 ਤੋਂ ਵੱਧ ਪੁਲਿਸ ਮੁਲਾਜ਼ਮ ਤਾਇਨਾਤ ਕੀਤੇ ਹਨ।
ਸ਼੍ਰੀਲੰਕਾ ਵਿੱਚ 50 ਪ੍ਰਤੀਸ਼ਤ ਤੋਂ ਇੱਕ ਵੋਟ ਜ਼ਿਆਦਾ ਮਿਲਣ ਵਾਲੇ ਉਮੀਦਵਾਰ ਦੇਸ਼ ਦੇ ਅੱਠਵੇਂ ਰਾਸ਼ਟਰਪਤੀ ਬਣ ਜਾਣਗੇ।
ਰਾਸ਼ਟਰਪਤੀ ਚੋਣ ਦੇ ਦੋ ਮੁੱਖ ਉਮੀਦਵਾਰ ਪ੍ਰੇਮਦਾਸਾ ਅਤੇ ਗੋਟਾਬਾਯਾ ਮੰਨੇ ਜਾ ਰਹੇ ਹਨ। ਇਸ ਵਾਰ ਮੁੱਖ ਮੁਕਾਬਲਾ ਯੂਨਾਈਟਿਡ ਨੈਸ਼ਨਲ ਪਾਰਟੀ ਦੀ ਸਜਿਤ ਪ੍ਰੇਮਦਾਸਾ ਅਤੇ ਸ਼੍ਰੀਲੰਕਾ ਪੋਡੂਜਾਨਾ ਪਰਾਮੁਣਾ ਪਾਰਟੀ (ਐਸਐਲਪੀਪੀ) ਦੇ ਗੋਟਾਬਾਯਾ ਰਾਜਪਕਸ਼ੇ ਵਿਚਕਾਰ ਹੈ।