ਯੂਰਪੀਅਨ ਯੂਨੀਅਨ ਦੀ ਮੁਖੀ ਨੇ ਖੁਦ ਨੂੰ ਕੀਤਾ ਇਕਾਂਤਵਾਸ

ਉਰਸੁਲਾ ਵਾਨ ਡੇਰ ਲੇਅਨ ਨੇ ਪਿਛਲੇ ਹਫ਼ਤੇ ਆਪਣੀ ਪੁਰਤਗਾਲ ਦੇ ਦੌਰੋ ਦੌਰਾਨ ਇੱਕ ਕੋਵਿਡ -19 ਸੰਕਰਮਿਤ ਵਿਅਕਤੀ ਦੇ ਸੰਪਰਕ ਵਿੱਚ ਆਉਣ ਤੋਂ ਬਾਅਦ ਖ਼ੁਦ ਨੂੰ ਇਕਾਂਤਵਾਸ ਕਰ ਲਿਆ ਹੈ।

ਬ੍ਰਸੇਲਜ਼: ਯੂਰਪੀਅਨ ਯੁਨੀਅਨ ਦੀ ਪਹਿਲੀ ਮਹਿਲਾ ਪ੍ਰਧਾਨ ਉਰਸੁਲਾ ਵਾਨ ਡੇਰ ਲੇਅਨ ਅਤੇ ਉਨ੍ਹਾਂ ਦੇ ਇੱਕ ਈਯੂ ਕਮਿਸ਼ਨਰ ਨੇ ਕੋਰੋਨ ਵਾਇਰਸ ਤੋਂ ਪ੍ਰਭਾਵਿਤ ਲੋਕਾਂ ਦੇ ਸੰਪਰਕ ਵਿੱਚ ਆਉਣ ਤੋਂ ਬਾਅਦ ਆਪਣੇ ਆਪ ਨੂੰ ਇਕਾਂਤਵਾਸ ਕੀਤਾ ਹੈ।

ਸੋਮਵਾਰ ਨੂੰ ਟਵਿੱਟਰ 'ਤੇ ਪਾਏ ਗਏ ਇੱਕ ਸੰਦੇਸ਼ ਵਿੱਚ ਯੂਰਪੀਅਨ ਸੰਘ ਦੇ ਐਗਜ਼ੀਕਿਊਟਿਵ ਮੁਖੀ ਨੇ ਕਿਹਾ ਕਿ ਉਨ੍ਹਾਂ ਨੇ ਪਿਛਲੇ ਮੰਗਲਵਾਰ ਨੂੰ ਇੱਕ ਮੀਟਿੰਗ ਵਿੱਚ ਹਿੱਸਾ ਲਿਆ ਜਿਸ ਵਿੱਚ "ਇੱਕ ਵਿਅਕਤੀ ਸ਼ਾਮਿਲ ਸੀ ਜਿਸ ਦੀ ਕੱਲ੍ਹ ਕੋਰੋਨਾ ਰਿਪੋਰਟ ਪੌਜ਼ੀਟਿਵ ਆਈ ਹੈ।" ਵਾਨ ਡੇਰ ਲੇਅਨ ਪਿਛਲੇ ਸੋਮਵਾਰ ਅਤੇ ਮੰਗਲਵਾਰ ਨੂੰ ਪੁਰਤਗਾਲ ਦੇ ਦੋ ਦਿਨਾਂ ਦੌਰੇ 'ਤੇ ਸਨ

ਚੋਟੀ ਦੇ ਅਧਿਕਾਰੀ ਵੱਲੋਂ ਇੱਕ ਟੈਸਟ ਕੀਤਾ ਗਿਆ ਜੋ ਨਕਾਰਾਤਮਕ ਪਾਇਆ ਗਿਆ ਅਤੇ ਸੋਮਵਾਰ ਨੂੰ ਇੱਕ ਹੋਰ ਟੈਸਟ ਹੋਵੇਗਾ। ਰਿਸਰਚ ਕਮਿਸ਼ਨਰ ਮਾਰੀਆ ਗੈਬਰੀਅਲ ਨੇ ਵੀ ਦੱਸਿਆ ਹੈ ਕਿ ਉਸ ਦੀ ਟੀਮ ਦੇ ਮੈਂਬਰ ਦੇ ਟੈਸਟ ਸਕਾਰਾਤਮਕ ਆਉਣ ਤੋਂ ਬਾਅਦ ਉਹ ਖ਼ੁਦ ਨੂੰ ਇਕਾਂਤਵਾਸ ਕਰ ਰਹੀ ਹੈ।

ਗੈਬਰੀਅਲ ਟਵੀਟ ਕਰਦਿਆਂ ਕਿਹਾ "ਟੈਸਟ ਦੇ ਨਤੀਜੇ ਅਜੇ ਬਾਕੀ ਹਨ, ਮੈਂ ਅਤੇ ਪੂਰੀ ਟੀਮ ਜਨਤਕ ਸਿਹਤ ਪ੍ਰੋਟੋਕੋਲ ਦੇ ਅਨੁਸਾਰ ਖੁਦ ਇਕਾਂਤਵਾਸ ਹੋ ਰਹੀ ਹੈ ਅਤੇ ਮੈਂ ਘਰ ਤੋਂ ਕੰਮ ਕਰ ਰਹੀ ਹਾਂ। ਮੈਂ ਤੰਦਰੁਸਤੀ ਮਹਿਸੂਸ ਕਰ ਰਿਹਾ ਹਾਂ ਅਤੇ ਮੈਂਨੂੰ ਇਸ ਦੇ ਕੋਈ ਲੱਛਣ ਮਹਿਸੂਸ ਨਹੀਂ ਹੋ ਰਹੇ ਹਨ।"