ਟੋਕਿਓ : ਜਾਪਾਨ ਵਿੱਚ ਆਏ ਤੂਫ਼ਾਨ ਕਾਰਨ ਘੱਟ ਤੋਂ ਘੱਟ 30 ਲੋਕਾਂ ਦੇ ਜਖ਼ਮੀ ਹੋਣ ਦੀ ਖ਼ਬਰ ਹੈ, ਉੱਥੇ ਹੀ ਕਈ ਘਰ ਤਬਾਹ ਹੋ ਗਏ ਹਨ। ਸੋਮਵਾਰ ਨੂੰ ਇਹ ਜਾਣਕਾਰੀ ਸਥਾਨਿਕ ਮੀਡਿਆ ਨੇ ਦਿੱਤੀ।
ਜਾਪਾਨ ਦੀ ਮੌਸਮ ਵਿਗਿਆਨ ਏਜੰਸੀ ਨੇ ਜਾਣਕਾਰੀ ਦਿੱਤੀ, ਇਹ ਤੇਜ਼ ਤੂਫ਼ਾਨ ਘੱਟ ਦਬਾਅ ਵਾਲੀ ਪ੍ਰਣਾਲੀ ਵਿੱਚ ਬਦਲ ਗਿਆ ਹੈ, ਲਿਹਾਜ਼ਾ ਦੇਸ਼ ਭਰ ਵਿੱਚ ਤੇਜ਼ ਹਵਾਵਾਂ ਚੱਲ ਰਹੀਆਂ ਹਨ ਅਤੇ ਭਾਰੀ ਮੀਂਹ ਵੀ ਪੈ ਰਿਹਾ ਹੈ।
ਜਾਪਾਨ ਦੀ ਅੱਗ ਅਤੇ ਆਫ਼ਤ ਪ੍ਰਬੰਧਨ ਏਜੰਸੀ ਨੇ ਜਾਣਕਾਰੀ ਦਿੱਤੀ ਕਿ ਤੂਫ਼ਾਨ ਨੇ ਓਕਿਨਾਵਾ, ਨਾਗਾਸਾਕੀ ਅਤੇ ਮਿਆਜਾਕੀ ਸੂਬੇ ਵਿੱਚ 6 ਘਰਾਂ ਨੂੰ ਥੋੜਾ ਜਿਹਾ ਹੀ ਨੁਕਸਾਨ ਪਹੁੰਚਾਇਆ ਹੈ।
ਇਹ ਇਸ ਮੌਸਮ ਦਾ 17ਵਾਂ ਤੂਫ਼ਾਨ ਹੈ ਜੋ ਸੋਮਵਾਰ ਨੂੰ ਸ਼ਾਂਤ ਹੋਣ ਲੱਗਿਆ ਹੈ।