ਬੀਜਿੰਗ : ਲੱਦਾਖ ਦੀ ਗਲਵਾਨ ਘਾਟੀ 'ਚ ਸਰਹੱਦ ਕੰਟਰੋਲ ਰੇਖਾ (ਐਲਓਸੀ) ਨੇੜੇ ਭਾਰਤੀ ਫੌਜ ਨਾਲ ਸੰਘਰਸ਼ 'ਚ ਮਾਰੇ ਗਏ ਚੀਨੀ ਫੌਜਿਆਂ ਦੇ ਪੀੜਤ ਪਰਿਵਾਰਾਂ ਨੂੰ ਚੀਨ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਹਾਲਾਂਕਿ ਚੀਨ ਨੇ ਅਧਿਕਾਰਕ ਤੌਰ 'ਤੇ ਇਹ ਗੱਲ ਕਬੂਲ ਨਹੀਂ ਕੀਤੀ ਕਿ ਹਿੰਸਕ ਝੜਪ ਦੌਰਾਨ ਉਨ੍ਹਾਂ ਦੇ ਫੌਜੀ ਮਾਰੇ ਗਏ ਸਨ।
ਸੈਟੇਲਾਈਟ ਤਸਵੀਰਾਂ ਰਾਹੀਂ ਚੀਨ ਦੀ ਸੱਚਾਈ ਆਈ ਸਾਹਮਣੇ ਚੀਨ ਦੀ ਕਮਿਊਨਿਸਟ ਪਾਰਟੀ (ਸੀਸੀਪੀ) ਦੇ ਮੁੱਖ ਬੁਲਾਰੇ, "ਗਲੋਬਲ ਟਾਈਮਜ਼" ਦੇ ਸੰਪਾਦਕ ਹੂ ਜਿਨ ਨੇ ਲਿਖਿਆ ਹੈ ਕਿ ਮ੍ਰਿਤਕਾਂ ਨੂੰ ਸਭ ਤੋਂ ਵੱਡਾ ਸਨਮਾਨ ਦਿੱਤਾ ਗਿਆ ਹੈ ਤੇ ਜਲਦ ਇਹ ਜਾਣਕਾਰੀ ਸਭ ਨੂੰ ਦਿੱਤੀ ਜਾਵੇਗੀ ਤਾਂ ਜੋ ਨਾਇਕਾਂ ਨੂੰ ਯਾਦ ਕੀਤਾ ਜਾ ਸਕੇ।
ਗੌਰਤਲਬ ਹੈ ਕਿ ਦੋ ਦਿਨ ਪਹਿਲਾਂ ਇੱਕ ਵੀਡੀਓ ਵਾਇਰਲ ਹੋਈ ਸੀ, ਜਿਸ 'ਚ ਪੀਪਲਜ਼ ਲਿਬਰੇਸ਼ਨ ਆਰਮੀ (ਪੀਐਲਏ) ਦੇ ਜਵਾਨਾਂ ਦੇ ਪਰਿਵਾਰ ਗੁੱਸੇ 'ਚ ਸਨ ਕਿ ਉਨ੍ਹਾਂ ਦੇ ਸ਼ਹੀਦਾਂ ਨੂੰ ਭਾਰਤੀ ਫੌਜੀਆਂ ਵਾਂਗ ਕੋਈ ਸਨਮਾਨ ਨਹੀਂ ਮਿਲਿਆ। ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ, ਜਿਸ ਤੋਂ ਬਾਅਦ ਸੰਪਾਦਕ' ਵੱਲੋਂ ਚੀਨ ਦੇ ਫੌਜੀਆਂ ਨੂੰ ਵੱਡਾ ਸਨਮਾਨ ਦਿੱਤੇ ਜਾਣ ਦੀ ਗੱਲ ਕਹੀ ਗਈ ਹੈ।
ਹਾਲਾਂਕਿ ਗਲੋਬਲ ਟਾਈਮਜ਼ ਨੇ ਮੰਨਿਆ ਹੈ ਕਿ ਲੱਦਾਖ ਵਿੱਚ ਇੱਕ ਹਿੰਸਕ ਝੜਪ ਦੌਰਾਨ 20 ਤੋਂ ਘੱਟ ਚੀਨੀ ਫੌਜੀ ਮਾਰੇ ਗਏ ਹਨ ਪਰ ਸ਼ੀ ਜਿਨਪਿੰਗ ਸਰਕਾਰ ਨੇ ਇਸ ਬਾਰੇ ਅਜੇ ਤੱਕ ਆਪਣੀ ਚੁੱਪੀ ਨਹੀਂ ਤੋੜੀ ਹੈ। 'ਚੀਨ ਦੀ ਸੁਰੱਖਿਆ ਤੇ ਚੀਨ ਦੀ ਸ਼ਾਂਤੀ ਉਨ੍ਹਾਂ 'ਤੇ ਨਿਰਭਰ ਕਰਦੀ ਹੈ। ਅਜੇ ਤੱਕ ਚੀਨੀ ਫੌਜ ਨੇ ਮ੍ਰਿਤਕਾਂ ਬਾਰੇ ਕੋਈ ਜਾਣਕਾਰੀ ਜਾਰੀ ਨਹੀਂ ਕੀਤੀ ਹੈ। ਇਸ ਸਮੇਂ ਇੱਕ ਸਾਬਕਾ ਫੌਜੀ ਅਤੇ ਮੀਡੀਆ ਪੇਸ਼ੇਵਰ ਹੋਣ ਦੇ ਨਾਤੇ, ਮੈਂ ਸੋਚਦਾ ਹਾਂ ਕਿ ਜਨਤਕ ਰਾਏ ਨੂੰ ਭੜਕਾਉਣ ਦੇ ਉਦੇਸ਼ ਨਾਲ, ਦੋਹਾਂ ਦੇਸ਼ਾਂ 'ਚ, ਖ਼ਾਸਕਰ ਭਾਰਤ ਵਿੱਚ, ਇਹ ਇੱਕ ਲੋੜੀਂਦਾ ਕਦਮ ਹੈ। ਇਹ ਬੀਜਿੰਗ ਦੀ ਸਦਭਾਵਨਾ ਹੈ।
ਭਾਰਤੀ ਮੀਡੀਆ ਨੇ ਦਾਅਵਾ ਕੀਤਾ ਹੈ ਕਿ ਘੱਟੋ ਘੱਟ 40 ਚੀਨੀ ਫੌਜੀ ਮਾਰੇ ਗਏ ਹਨ ਤੇ ਭਾਰਤ ਨੇ 16 ਚੀਨੀ ਫੌਜੀਆਂ ਦੀਆਂ ਲਾਸ਼ਾਂ ਸੌਂਪੀਆਂ ਹਨ। ਗਲੋਬਲ ਟਾਈਮਜ਼ ਦੇ ਸੰਪਾਦਕ ਨੇ ਆਪਣੇ ਲੇਖ ਵਿੱਚ ਇਨ੍ਹਾਂ ਨੂੰ ‘ਅਣਚਾਹੀ ਅਫਵਾਹਾਂ’ ਕਿਹਾ ਹੈ। ਲੱਦਾਖ ਮੁੱਦੇ 'ਤੇ ਹਿੰਸਕ ਟਕਰਾਅ' ਤੇ ਹੂ ਨੇ ਆਪਣਾ ਗੁੱਸਾ ਪ੍ਰਗਟਾਉਂਦੇ ਹੋਏ ਲਿਖਿਆ, "ਪੀਐਲਏ ਨੇ ਭਾਰਤੀ ਪੱਖ ਨੂੰ ਸਬਕ ਸਿਖਾਇਆ ਹੈ, ਜਿਸ ਨੇ ਹਮੇਸ਼ਾ ਚੀਨੀ ਲੋਕਾਂ ਦੇ ਦ੍ਰਿੜ ਇਰਾਦੇ 'ਤੇ ਆਪਣੀ ਗ਼ਲਤ ਰਾਏ ਬਣਾਈ ਹੈ।"
ਪੀ.ਐਲ.ਏ ਨੇ ਲੋੜ ਪੈਣ 'ਤੇ ਆਪਣੀ ਤਾਕਤ ਅਤੇ ਦ੍ਰਿੜਤਾ ਦਾ ਪ੍ਰਦਰਸ਼ਨ ਕੀਤਾ ਹੈ, ਜੋ ਕਿ ਭਾਰਤੀ ਪੱਖ, ਖ਼ਾਸ ਕਰਕੇ ਉਨ੍ਹਾਂ ਦੀਆਂ ਫਰੰਟ-ਲਾਈਨ ਫੌਜਾਂ ਲਈ ਇਕ ਮਜ਼ਬੂਤ ਰੁਕਾਵਟ ਹੈ। ਪੀਐਲਏ ਨੇ ਨਾ ਸਿਰਫ ਸਥਿਤੀ ਨੂੰ ਨਿਯੰਤਰਣ 'ਚ ਲਿਆਉਣ ਦੀ ਆਪਣੀ ਯੋਗਤਾ ਦਰਸਾਈ ਹੈ, ਬਲਕਿ ਜ਼ਮੀਨੀ ਤੌਰ 'ਤੇ ਭਾਰਤੀ ਫੌਜ' ਤੇ ਮਨੋਵਿਗਿਆਨਕ ਲਾਭ ਵੀ ਹਾਸਲ ਕੀਤਾ ਹੈ।
ਗਲੋਬਲ ਟਾਈਮਜ਼ ਦੇ ਸੰਪਾਦਕ ਨੇ ਭਾਰਤ ਨੂੰ ਧਮਕੀ ਦਿੰਦੇ ਹੋਏ ਕਿਹਾ, "ਪੀਐਲਏ ਨਾਲ ਖਿਲਵਾੜ ਨਾ ਕਰੋ।" ਇਹ ਉਨ੍ਹਾਂ ਲੋਕਾਂ ਲਈ ਸਾਡੀ ਸਖ਼ਤ ਚੇਤਾਵਨੀ ਹੈ ਜੋ ਚੀਨ ਦੇ ਮੂਲ ਹਿੱਤਾਂ ਨੂੰ ਚੁਣੌਤੀ ਦੇਣ ਲਈ ਅੰਤਰਰਾਸ਼ਟਰੀ ਸਥਿਤੀ ਵਿੱਚ ਤਬਦੀਲੀ ਦਾ ਲਾਭ ਲੈਣਾ ਚਾਹੁੰਦੇ ਹਨ। ਹੂ ਨੇ ਇਹ ਵੀ ਆਖਿਆ ਕਿ ਚੀਨ ਨੇ ਸਰਹੱਦ ਦੇ ਘੁਸਪੈਠੀਆਂ ਨੂੰ ਕੜੀ ਟੱਕਰ ਦੇਣ ਲਈ ਮਜਬੂਤ ਤਾਇਨਾਤੀ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਤਾਇਨਾਤੀ ਦਾ ਉਦੇਸ਼ ਵਧੇਰੇ ਟਕਰਾਅ ਦੀ ਘਟਨਾ ਤੋਂ ਬਚਣਾ ਹੈ।
