ਕਿਉਂ ਐਮਰਜੈਂਸੀ ਲਗਾਉਣ ਜਾ ਰਹੇ ਹਨ ਟਰੰਪ ?

ਵਾਸ਼ਿੰਗਟਨ : ਮੈਕਸੀਕੋ ਨਾਲ ਲੱਗੀ ਸਰਹੱਦ 'ਤੇ ਦੀਵਾਰ ਬਣਾਉਣ ਲਈ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਰਾਸ਼ਟਰੀ ਐਮਰਜੈਂਸੀ ਦਾ ਐਲਾਨ ਕਰਨ ਦੀ ਤਿਆਰੀ 'ਚ ਹਨ। ਇਸ ਸਿਲਸਿਲੇ 'ਚ ਉਹ ਇਕ ਸ਼ਾਸਕੀ ਆਦੇਸ਼ 'ਤੇ ਹਸਤਾਖ਼ਰ ਕਰਨਗੇ। ਇਸ ਨਾਲ ਉਨ੍ਹਾਂ ਨੂੰ ਅਮਰੀਕਾ-ਮੈਕਸੀਕੋ ਸਰਹੱਦ 'ਤੇ ਦੀਵਾਰ ਨਿਰਮਾਣ ਲਈ ਜ਼ਰੂਰੀ 5.6 ਅਰਬ ਡਾਲਰ ਦੀ ਧਨਰਾਸ਼ੀ ਪ੍ਰਾਪਤ ਕਰਨ 'ਚ ਮਦਦ ਮਿਲੇਗੀ।

ਟਰੰਪ ਦੀ ਦਲੀਲ ਹੈ ਕਿ ਅਮਰੀਕਾ 'ਚ ਸ਼ਰਨਾਰਥੀਆਂ ਦੇ ਗ਼ੈਰ ਕਾਨੂੰਨੀ ਦਾਖ਼ਲੇ ਤੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਰੋਕਣ ਲਈ ਮੈਕਸੀਕੋ ਦੀ ਸਰਹੱਦ 'ਤੇ ਦੀਵਾਰ ਬਣਾਉਣੀ ਜ਼ਰੂਰੀ ਹੈ। ਵ੍ਹਾਈਟ ਹਾਊਸ ਦੀ ਪ੍ਰੈੱਸ ਸਕੱਤਰ ਸਾਰਾ ਸੈਂਡਰਸ ਮੁਤਾਬਕ, 'ਰਾਸ਼ਟਰਪਤੀ ਟਰੰਪ ਸਰਕਾਰੀ ਕੰਮਕਾਜ ਦੇ ਖ਼ਰਚ ਸਬੰਧੀ ਬਿਲ 'ਤੇ ਹਸਤਾਖ਼ਰ ਕਰਨਗੇ ਤੇ ਜਿਵੇਂ ਕਿ ਉਨ੍ਹਾਂ ਕਿਹਾ ਹੈ ਕਿ ਉਹ ਰਾਸ਼ਟਰੀ ਐਮਰਜੈਂਸੀ ਸਮੇਤ ਹੋਰ ਸ਼ਾਸਕੀ ਕਾਰਵਾਈ ਕਰਨਗੇ। ਇਸ ਰਾਹੀਂ ਅਸੀਂ ਇਹ ਯਕੀਨੀ ਕਰਾਂਗੇ ਕਿ ਸਰਹੱਦ 'ਤੇ ਰਾਸ਼ਟਰੀ ਸੁਰੱਖਿਆ ਨੂੰ ਖ਼ਤਰਾ ਤੇ ਮਨੁੱਖੀ ਸੰਕਟ ਨਾ ਪੈਦਾ ਹੋਵੇ।