ਨਵੇਂ ਰਾਸ਼ਟਰੀ ਸੁਰੱਖਿਆ ਦਲ ਦਾ ਜੋਅ ਬਾਇਡਨ ਨੇ ਕੀਤਾ ਐਲਾਨ

ਅਮਰੀਕਾ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਸੋਮਵਾਰ ਨੂੰ ਆਪਣੇ ਰਾਸ਼ਟਰ ਸੁਰੱਖਿਆ ਦਲ ਦਾ ਐਲਾਨ ਕੀਤਾ ਹੈ। ਜਿਸ ਵਿੱਚ ਔਰਤਾਂ ਸ਼ਾਮਲ ਹਨ।

ਵਾਸ਼ਿੰਗਟਨ: ਅਮਰੀਕਾ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਸੋਮਵਾਰ ਨੂੰ ਆਪਣੇ ਰਾਸ਼ਟਰ ਸੁਰੱਖਿਆ ਦਲ ਦਾ ਐਲਾਨ ਕੀਤਾ ਹੈ। ਜਿਸ ਵਿੱਚ ਔਰਤਾਂ ਸ਼ਾਮਲ ਹਨ। ਇਹ ਪਹਿਲੀ ਵਾਰ ਹੈ ਜਦੋਂ ਜਲਵਾਯੂ ਲਈ ਵਿਸ਼ੇਸ਼ ਦੂਤ ਨੂੰ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਦਾ ਹਿੱਸਾ ਬਣਾਇਆ ਜਾਵੇਗਾ।

ਬਾਇਡਨ ਚਾਹੁੰਦੇ ਹਨ ਕਿ ਐਂਟਨੀ ਬਿਲੰਕੇਨ ਨੂੰ ਵਿਦੇਸ਼ ਮੰਤਰੀ, ਇਲੇਜਾਂਦਰੋ ਮਾਇਰੋਕਮ ਨੂੰ ਗ੍ਰਹਿ ਮੰਤਰੀ, ਲਿੰਡਾ ਥਾਮਸ-ਗ੍ਰੀਨਫੀਲਡ ਨੂੰ ਸੰਯੁਕਤ ਰਾਸ਼ਟਰ 'ਚ ਅਮਰੀਕਾ ਦੀ ਰਾਜਦੂਤ ਅਤੇ ਅਰਵਿਲ ਹੈਨਸ ਨੂੰ ਰਾਸ਼ਟਰੀ ਖੁਫੀਆ ਨਿਰਦੇਸ਼ਕ ਨਿਯੁਕਤ ਕੀਤਾ ਜਾਵੇ। ਹੈਨਸ ਇਸ ਅਹੁਦੇ ਦੇ ਲਈ ਨੌਮੀਨੇਟ ਹੋਣ ਵਾਲੀ ਪਹਿਲੀ ਮਹਿਲਾ ਹੋਵੇਗੀ।

ਬਾਇਡਨ ਨੇ ਸਾਬਕਾ ਵਿਦੇਸ਼ ਮੰਤਰੀ ਜੌਨ ਕੇਰੀ ਨੂੰ ਜਲਵਾਯੂ ਲਈ ਰਾਸ਼ਟਰਪਤੀ ਦੇ ਵਿਦੇਸ਼ ਦੂਤ ਦੇ ਅਹੁਦੇ ਲਈ ਨੌਮੀਨੇਟ ਕਰਨ ਦਾ ਐਲਾਨ ਕੀਤਾ। ਕੇਰੀ ਰਾਸ਼ਟਰੀ ਸੁਰੱਖਿਆ ਪ੍ਰੀਸ਼ਦ ਵਿੱਚ ਇਸ ਅਹੁਦੇ ਉੱਤੇ ਬੈਠਣ ਵਾਲੇ ਪਹਿਲੇ ਅਧਿਕਾਰੀ ਹੋਣਗੇ। ਜੇਕ ਸੁਲਿਵਨ ਨੂੰ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਨੌਮੀਨੇਟ ਕੀਤਾ ਗਿਆ।

ਭਾਰਤੀ ਮੂਲ ਦੀ ਅਧਿਕਾਰੀ ਮਾਲਾ ਅਡਿਗਾ ਨੂੰ ਜ਼ਿਲ੍ਹਾ ਬਾਇਡਨ ਦੀ ਨੀਤੀ ਨਿਰਦੇਸ਼ਕ ਨਿਯੁਕਤ ਕੀਤਾ ਗਿਆ ਹੈ।