ਅਮਰੀਕਾ 'ਚ ਭਾਰਤੀ ਕਰਮਚਾਰੀ ਜਹਾਜ਼ ਹੇਠਾਂ ਆਇਆ, ਹੋਈ ਮੌਤ

ਅਮਰੀਕਾ ਵਿੱਚ ਸ਼ਿਕਾਗੋ ਹਵਾਈ ਅੱਡੇ 'ਤੇ ਕੰਮ ਕਰ ਰਹੇ ਕੇਰਲ ਦੇ ਵਸਨੀਕ ਜੌਰਜ ਦੀ ਜਹਾਜ਼ ਹੇਠਾਂ ਆਉਣ ਕਾਰਨ ਮੌਤ ਹੋ ਗਈ। ਜੌਰਜ ਦੇ ਪਰਿਵਾਰ ਦੀ ਮਦਦ ਲਈ ਆਨਲਾਈਨ ਡੋਨੇਸ਼ਨ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਗਈ ਹੈ।

ਨਿਊਯਾਰਕ: ਸੰਯੁਕਤ ਰਾਜ ਅਮਰੀਕਾ ਦੇ ਸ਼ਿਕਾਗੋ ਓ'ਹਾਰੇ ਕੌਮਾਂਤਰੀ ਹਵਾਈ ਅੱਡੇ 'ਤੇ ਇੱਕ ਵਿਅਕਤੀ ਦੀ ਮੌਤ ਹੋਣ ਦੀ ਜਾਣਕਾਰੀ ਹਾਸਿਲ ਹੋਈ ਹੈ। ਜਾਣਕਾਰੀ ਮੁਤਾਬਕ 36 ਸਾਲਾ ਇੱਕ ਭਾਰਤੀ ਵਿਅਕਤੀ ਜਹਾਜ਼ ਦੇ ਉਪਕਰਣਾਂ ਦੀ ਚਪੇਟ ਵਿੱਚ ਆ ਗਿਆ, ਜਿਸ ਮਗਰੋਂ ਉਸ ਦੀ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਭਾਰਤ ਦੇ ਕੇਰਲ ਦੇ ਜਿਜੋ ਦੇ ਰਹਿਣ ਵਾਲੇ ਜੌਰਜ ਵਜੋਂ ਹੋਈ ਹੈ, ਜੋ ਹਵਾਈ ਅੱਡੇ 'ਤੇ ਹੀ ਕੰਮ ਕਰਦਾ ਸੀ।

ਮੈਡੀਕਲ ਪ੍ਰੀਖਿਅਕ ਦੇ ਦਫ਼ਤਰ ਵੱਲੋਂ ਜਾਰੀ ਪੋਸਟ ਮਾਰਟਮ ਰਿਪੋਰਟ ਦੇ ਮੁਤਾਬਕ, ਜਿਜੋ ਜੌਰਜ ਦੀ ਮੌਤ ਹਵਾਈ ਅੱਡੇ 'ਤੇ ਇਕ ਹੈਂਗਰ 'ਚ ਜਹਾਜ਼ ਪੁਸ਼ਬੈਕ ਮਸ਼ੀਨ ਹੇਠਾਂ ਆਉਂਣ ਕਾਰਨ ਹੋਈ ਹੈ। ਜੌਰਜ ਜਹਾਜ਼ ਹੇਠਾਂ ਆਉਣ ਤੋਂ ਬਾਅਦ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਿਆ ਸੀ, ਜਿਸ ਤੋਂ ਬਾਅਦ ਉਸ ਦੀ ਮੌਤ ਹੋ ਗਈ।

ਆਨਲਾਈਨ ਡੋਨੇਸ਼ਨ ਮੁਹਿੰਮ ਦੀ ਸ਼ੁਰੂਆਤ

ਜੌਰਜ ਦੀ ਮੌਤ ਮਗਰੋਂ ਉਸ ਦੇ ਪਰਿਵਾਰ ਦਾ ਪਾਲਨ ਪੋਸ਼ਨ ਕਰਨ ਵਾਲਾ ਕੋਈ ਨਹੀਂ ਹੈ। ਉਸ ਦੇ ਪਰਿਵਾਰ 'ਚ ਅੱਠ ਮਹੀਨਿਆਂ ਦੀ ਗਰਭਵਤੀ ਪਤਨੀ, ਇੱਕ ਛੋਟਾ ਬੱਚਾ ਅਤੇ ਉਸ ਦੇ ਮਾਤਾ-ਪਿਤਾ ਹਨ। ਜਿਸ ਨੂੰ ਵੇਖਦੇ ਹੋਏ ਜੌਰਜ ਦੇ ਪਰਿਵਾਰ ਲਈ ਆਨਲਾਈਨ ਡੋਨੇਸ਼ਨ ਮੁਹਿੰਮ ਦੀ ਸ਼ੁਰੂ ਹੋਈ ਹੈ। ਜੌਰਜ ਕੇਰਲ ਦੇ ਪਠਾਨਪੁਰਮ ਦੇ ਰਹਿਣ ਵਾਲੇ ਹਨ। ਮੀਡੀਆ ਰਿਪੋਰਟਾਂ 'ਚ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਜੌਰਜ ਦੇ ਪਿਤਾ ਕੁੰਜਮੋਨ ਤੇ ਮਾਂ ਮੋਨੀ ਵੀ ਸ਼ਿਕਾਗੋ 'ਚ ਉਨ੍ਹਾਂ ਦੇ ਨਾਲ ਹੀ ਰਹਿ ਰਹੇ ਹਨ। ਪਰ ਇਸ ਗੱਲ ਦੀ ਕੋਈ ਅਧਿਕਾਰਕ ਪੁਸ਼ਟੀ ਨਹੀਂ ਹੋਈ ਹੈ।