ਹੈਦਰਾਬਾਦ: ਬਾਲੀਵੁੱਡ ਸੁਪਰਹੀਰੋ ਰਿਤਿਕ ਰੋਸ਼ਨ ਇੱਕ ਵਾਰ ਫਿਰ ਸਾਬਕਾ ਪਤਨੀ ਸੁਜ਼ੈਨ ਖਾਨ ਨਾਲ ਨਜ਼ਰ ਆਏ ਹਨ। ਰਿਤਿਕ ਰੋਸ਼ਨ ਗੋਆ ਵਿੱਚ ਇੱਕ ਪਾਰਟੀ ਵਿੱਚ ਆਪਣੀ ਗਰਲਫ੍ਰੈਂਡ ਸਬਾ ਆਜ਼ਾਦ ਨਾਲ ਪਹੁੰਚੇ ਸਨ। ਜਿੱਥੇ ਸੁਜ਼ੈਨ ਖਾਨ ਆਪਣੇ ਬੁਆਏਫ੍ਰੈਂਡ ਅਰਸਲਾਨ ਗੋਨੀ ਨਾਲ ਸੀ। ਹੁਣ ਇਨ੍ਹਾਂ ਸਾਰਿਆਂ ਦੀਆਂ ਇਕੱਠੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਇਨ੍ਹਾਂ ਸਾਰਿਆਂ ਨੂੰ ਗੋਆ 'ਚ ਇਕ ਪਾਰਟੀ 'ਚ ਇਕੱਠੇ ਦੇਖਿਆ ਗਿਆ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਰਿਤਿਕ ਅਤੇ ਸਬਾ ਨੂੰ ਮੁੰਬਈ ਏਅਰਪੋਰਟ 'ਤੇ ਵੀ ਦੇਖੇ ਗਏ ਸਨ। ਦਰਅਸਲ, ਇਹ ਜੋੜਾ ਗੋਆ ਤੋਂ ਵਾਪਸ ਆਇਆ ਸੀ। ਬਾਲੀਵੁੱਡ ਸਿਤਾਰਿਆਂ ਦੀ ਨਿੱਜੀ ਜ਼ਿੰਦਗੀ ਵਿੱਚ ਦਿਲਚਸਪੀ ਰੱਖਣ ਵਾਲੇ ਪ੍ਰਸ਼ੰਸਕਾਂ ਲਈ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਰਿਤਿਕ, ਸਬਾ, ਸੁਜ਼ੈਨ ਖਾਨ ਅਤੇ ਅਰਸਲਾਨ ਗੋਨੀ ਗੋਆ ਵਿੱਚ ਇੱਕ ਪਾਰਟੀ ਵਿੱਚ ਇਕੱਠੇ ਨਜ਼ਰ ਆਏ। ਇਸ ਗੱਲ ਦਾ ਸਬੂਤ ਉਹ ਤਸਵੀਰਾਂ ਦੇ ਰਹੀਆਂ ਹਨ। ਜੋ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਇਸ ਪਾਰਟੀ 'ਚ ਰਿਤਿਕ ਰੋਸ਼ਨ ਦੀ ਸਾਬਕਾ ਪਤਨੀ ਸੁਜ਼ੈਨ ਆਪਣੇ ਰੂਮਰਸ਼ ਵਾਲੀ ਬੁਆਏਫ੍ਰੈਂਡ ਅਰਸਲਾਨ ਗੋਨੀ ਨਾਲ ਸਨ। ਇਸ ਦੇ ਨਾਲ ਹੀ ਰਿਤਿਕ ਸਬਾ ਨਾਲ ਗੋਆ ਪਹੁੰਚ ਗਏ ਸਨ। ਇਸ ਤੋਂ ਪਹਿਲਾਂ ਪੂਜਾ ਬੇਦੀ ਦੁਆਰਾ ਸ਼ੇਅਰ ਕੀਤੀਆਂ ਗਈਆਂ ਤਸਵੀਰਾਂ 'ਚ ਇਕ ਤਸਵੀਰ 'ਚ ਉਹ ਰਿਤਿਕ ਅਤੇ ਸਬਾ ਨਾਲ ਨਜ਼ਰ ਆ ਰਹੀ ਹੈ ਅਤੇ ਦੂਜੇ ਫਰੇਮ 'ਚ ਉਹ ਸੁਜ਼ੈਨ ਅਤੇ ਅਰਸਲਾਨ ਨਾਲ ਨਜ਼ਰ ਆ ਰਹੀ ਹੈ ਪਰ ਹੁਣ ਪ੍ਰਸ਼ੰਸਕ ਇਨ੍ਹਾਂ ਚਾਰਾਂ ਦੀ ਤਸਵੀਰ ਨੂੰ ਇਕ ਹੀ ਫਰੇਮ 'ਚ ਦੇਖ ਰਹੇ ਹਨ।