ਚੰਡੀਗੜ੍ਹ: ਦਿਲਜੀਤ ਦੁਸਾਂਝ ਅਤੇ ਨਿਮਰਤ ਖਹਿਰਾ ਦੀ ਅਦਾਕਾਰੀ ਵਾਲੀ ਪੰਜਾਬੀ ਫਿਲਮ 'ਜੋੜੀ' ਦਾ ਟ੍ਰੇਲਰ ਆਖਰਕਾਰ ਰਿਲੀਜ਼ ਹੋ ਗਿਆ ਹੈ। ਪੁਰਾਣੇ ਸਮੇਂ ਦੀ ਪਿੱਠਭੂਮੀ ਵਿੱਚ ਸੰਗੀਤ, ਰੋਮਾਂਸ ਅਤੇ ਕਾਮੇਡੀ ਦੇ ਮਿਸ਼ਰਣ ਦੀ ਪੇਸ਼ਕਸ਼ ਕਰਦਾ ਹੋਇਆ ਟ੍ਰੇਲਰ ਬਹੁਤ ਦਿਲਚਸਪ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਦਿਲਜੀਤ ਦੁਸਾਂਝ ਅਤੇ ਨਿਮਰਤ ਖਹਿਰਾ ਇਕੱਠੇ ਕੰਮ ਕਰਦੇ ਨਜ਼ਰ ਆਉਣਗੇ। ਫਿਲਮ ਦੇ ਡਾਇਲਾਗ ਪ੍ਰਭਾਵਸ਼ਾਲੀ ਲੱਗਦੇ ਹਨ। ਕਾਫੀ ਆਕਰਸ਼ਕ ਵੀ ਹਨ ਜੋ ਤੁਹਾਨੂੰ ਹਸਾ ਸਕਦੇ ਹਨ।
ਟ੍ਰੇਲਰ ਬਾਰੇ: ਦਿਲਜੀਤ ਅਤੇ ਨਿਮਰਤ ਦੀ ਪ੍ਰੇਮ ਕਹਾਣੀ ਅਤੇ ਉਨ੍ਹਾਂ ਦੀ ਸੰਗੀਤਕ ਜੋੜੀ ਦੇ ਆਲੇ-ਦੁਆਲੇ ਘੁੰਮਦੀ ਹੈ। ਸ਼ੁਰੂਆਤ 'ਚ ਦੋਹਾਂ ਨੂੰ ਇਕੱਠੇ ਗਾਉਣ ਦਾ ਮੌਕਾ ਨਹੀਂ ਮਿਲਿਆ ਪਰ ਇਕ ਵਾਰ ਜਦੋਂ ਉਹ ਵੱਖ-ਵੱਖ ਪ੍ਰੋਗਰਾਮਾਂ 'ਚ ਇਕੱਠੇ ਪ੍ਰਦਰਸ਼ਨ ਕਰਨ ਲੱਗਦੇ ਹਨ ਤਾਂ ਉਨ੍ਹਾਂ ਦੀ ਜੋੜੀ ਸੁਪਰਹਿੱਟ ਹੋ ਜਾਂਦੀ ਹੈ ਅਤੇ ਹਰ ਕੋਈ ਉਨ੍ਹਾਂ ਨੂੰ ਪਸੰਦ ਕਰਨ ਲੱਗ ਪੈਂਦਾ ਹੈ। ਉਹਨਾਂ ਦੀ ਪੇਸ਼ੇਵਰ ਜੋੜੀ ਫਿਰ ਹੌਲੀ-ਹੌਲੀ ਪਿਆਰ ਜੋੜੀ ਵਿੱਚ ਬਦਲ ਜਾਂਦੀ ਹੈ ਕਿਉਂਕਿ ਉਹ ਇੱਕ ਦੂਜੇ ਨਾਲ ਪਿਆਰ ਕਰਨ ਲੱਗ ਪੈਂਦੇ ਹਨ। ਪਰ ਫਿਲਮ 'ਚ ਕੁਝ ਦਿਲਚਸਪ ਮੋੜ ਵੀ ਆਉਣ ਹੋਣ ਵਾਲਾ ਹੈ, ਕਿਉਂਕਿ ਟ੍ਰੇਲਰ ਦੇ ਵਿਚਕਾਰ ਬੰਦੂਕਾਂ ਵਾਲੇ ਗੁੰਡਿਆਂ ਦੀ ਕੁਝ ਝਲਕ ਦੇਖਣ ਨੂੰ ਮਿਲੀ ਹੈ। ਇਸ ਲਈ ਕਿਹਾ ਜਾ ਸਕਦਾ ਹੈ ਕਿ ਫਿਲਮ ਕਈ ਰੰਗਾਂ ਨਾਲ ਭਰੀ ਹੋਈ ਹੈ, ਜੋ ਯਕੀਨਨ ਦਿਲਜੀਤ ਅਤੇ ਨਿਮਰਤ ਦੇ ਪ੍ਰਸ਼ੰਸਕ ਮਾਣਨਗੇ।