ਮੁੰਬਈ (ਬਿਊਰੋ): ਵਿੱਕੀ ਕੌਸ਼ਲ ਅਤੇ ਸਾਰਾ ਅਲੀ ਖਾਨ ਦੀ ਫਿਲਮ 'ਜ਼ਰਾ ਹਟਕੇ ਜ਼ਰਾ ਬਚਕੇ' ਨੇ 10 ਦਿਨਾਂ 'ਚ 50 ਕਰੋੜ ਦੀ ਕਮਾਈ ਕਰਕੇ ਬਾਕਸ ਆਫਿਸ 'ਤੇ ਆਪਣੇ ਆਪ ਨੂੰ ਸ਼ਰਮਿੰਦਗੀ ਤੋਂ ਬਚਾਇਆ ਹੈ। ਫਿਲਮ ਦੇ 50 ਕਰੋੜ ਦੇ ਕਲੈਕਸ਼ਨ ਨਾਲ ਮੇਕਰਸ ਦੇ ਚਿਹਰੇ ਵੀ ਖਿੜ ਗਏ ਹਨ। ਫਿਲਮ ਹੁਣ ਰਿਲੀਜ਼ ਦੇ 13ਵੇਂ ਦਿਨ 'ਤੇ ਚੱਲ ਰਹੀ ਹੈ ਅਤੇ ਫਿਲਮ ਨੇ 55 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। ਫਿਲਮ ਨੇ 11ਵੇਂ ਦਿਨ 2.70 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਪਰ 12ਵੇਂ ਦਿਨ ਫਿਲਮ ਦੀ ਕਮਾਈ 'ਚ ਮਾਮੂਲੀ ਗਿਰਾਵਟ ਦਰਜ ਕੀਤੀ ਗਈ।
ਹਾਲਾਂਕਿ ਇਹ ਚੰਗੀ ਗੱਲ ਹੈ ਕਿ ਫਿਲਮ ਦੀ ਕਮਾਈ ਅਜੇ ਵੀ ਕਰੋੜਾਂ ਦੇ ਅੰਕੜੇ 'ਚ ਹੋ ਰਹੀ ਹੈ। ਆਓ ਜਾਣਦੇ ਹਾਂ ਜ਼ਰਾ ਹਟਕੇ ਜ਼ਰਾ ਬਚਕੇ ਨੇ 12ਵੇਂ ਦਿਨ ਬਾਕਸ ਆਫਿਸ 'ਤੇ ਕਿੰਨੀ ਕਮਾਈ ਕੀਤੀ ਹੈ।
ਜ਼ਰਾ ਹਟਕੇ ਜ਼ਰਾ ਬਚਕੇ ਦੇ 12ਵੇਂ ਦਿਨ ਬਾਕਸ ਆਫਿਸ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਫਿਲਮ ਨੇ 12ਵੇਂ ਦਿਨ (ਮੰਗਲਵਾਰ) ਨੂੰ ਦੁਨੀਆ ਭਰ ਵਿੱਚ 2.52 ਕਰੋੜ ਰੁਪਏ ਅਤੇ ਘਰੇਲੂ ਸਿਨੇਮਾਘਰਾਂ ਵਿੱਚ 1.53 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਇਸ ਨਾਲ ਫਿਲਮ ਦਾ ਕੁਲ ਕਲੈਕਸ਼ਨ 58.77 ਕਰੋੜ ਰੁਪਏ ਹੋ ਗਿਆ ਹੈ। ਫਿਲਮ ਨੇ ਆਪਣੇ ਦੂਜੇ ਵੀਕੈਂਡ 'ਚ ਚੰਗੀ ਕਮਾਈ ਕੀਤੀ ਹੈ। ਫਿਲਮ ਨੇ ਦੂਜੇ ਸ਼ੁੱਕਰਵਾਰ 2.12 ਕਰੋੜ, ਸ਼ਨੀਵਾਰ 3.77 ਕਰੋੜ, ਐਤਵਾਰ 4.30 ਕਰੋੜ ਅਤੇ ਸੋਮਵਾਰ ਨੂੰ ਘਰੇਲੂ ਸਿਨੇਮਾਘਰਾਂ 'ਚ 1.55 ਕਰੋੜ ਦੀ ਕਮਾਈ ਕੀਤੀ ਹੈ।
ਫਿਲਮ ਆਪਣੇ ਤੀਸਰੇ ਵੀਕੈਂਡ 'ਚ ਕਿੰਨਾ ਵਧੀਆ ਪ੍ਰਦਰਸ਼ਨ ਕਰਦੀ ਹੈ, ਇਹ ਦੇਖਣਾ ਬਾਕੀ ਹੈ। ਫਿਲਮ ਦਾ ਨਿਰਮਾਣ ਫਿਲਮ ਮਿਮੀ ਫੇਮ ਨਿਰਦੇਸ਼ਕ ਲਕਸ਼ਮਣ ਉਟੇਕਰ ਨੇ ਕੀਤਾ ਹੈ। ਫਿਲਮ ਦੀ ਕਹਾਣੀ ਇੱਕ ਮੱਧਵਰਗੀ ਵਿਆਹੁਤਾ ਜੋੜੇ (ਵਿੱਕੀ ਕੌਸ਼ਲ ਅਤੇ ਸਾਰਾ ਅਲੀ ਖਾਨ) ਦੀ ਹੈ, ਜੋ ਸਾਂਝੇ ਪਰਿਵਾਰ ਵਿੱਚ ਆਪਣੀ ਨਿੱਜਤਾ ਗੁਆ ਬੈਠਦੇ ਹਨ ਅਤੇ ਉਸ ਤੋਂ ਬਾਅਦ ਸੋਮਿਆ ਦੇ ਕਿਰਦਾਰ ਵਿੱਚ ਸਾਰਾ ਅਲੀ ਖਾਨ ਦਾ ਤਲਾਕ ਹੋ ਜਾਂਦਾ ਹੈ।
