ਜੰਮੂ: ਬਾਲੀਵੁੱਡ ਦੇ ਸੁਪਰਸਟਾਰ ਸ਼ਾਹਰੁਖ ਖਾਨ ਨੇ ਆਪਣੀ ਕਾਫੀ ਉਮੀਦ ਕੀਤੀ ਫਿਲਮ 'ਜਵਾਨ' ਦੇ ਰਿਲੀਜ਼ ਤੋਂ ਪਹਿਲਾਂ ਜੰਮੂ-ਕਸ਼ਮੀਰ ਦੀਆਂ ਪਹਾੜੀਆਂ ਦੇ ਉੱਪਰ ਸਥਿਤ ਮਾਤਾ ਵੈਸ਼ਨੋ ਦੇਵੀ ਦੇ ਮੰਦਰ ਵਿੱਚ ਪੂਜਾ ਕੀਤੀ। ਇਕ ਅਧਿਕਾਰੀ ਦੇ ਮੁਤਾਬਕ 58 ਸਾਲਾਂ ਕਿੰਗ ਖਾਨ ਮੱਥਾ ਟੇਕਣ ਲਈ ਮੰਗਲਵਾਰ ਦੇਰ ਰਾਤ ਮੰਦਰ ਪਹੁੰਚੇ।
'
ਅਧਿਕਾਰੀ ਨੇ ਕਿਹਾ "ਸੁਪਰਸਟਾਰ ਮੰਗਲਵਾਰ ਸ਼ਾਮ ਨੂੰ ਬੇਸ ਕੈਂਪ ਕਟੜਾ ਪਹੁੰਚਿਆ ਅਤੇ ਰਾਤ 11.40 ਵਜੇ ਦੇ ਕਰੀਬ ਮੰਦਰ ਤੱਕ ਪਹੁੰਚਣ ਲਈ ਨਵੇਂ ਤਾਰਾਕੋਟ ਮਾਰਗ ਦੀ ਵਰਤੋਂ ਕੀਤੀ। ਉਸਨੇ ਪ੍ਰਾਰਥਨਾ ਕੀਤੀ ਅਤੇ ਤੁਰੰਤ ਚਲੇ ਗਏ।" ਅਦਾਕਾਰ ਨੂੰ ਧਾਰਮਿਕ ਸਥਾਨ 'ਤੇ ਇੱਕ ਹੂਡ ਵਾਲੀ ਨੀਲੀ ਜੈਕਟ ਪਹਿਨੇ ਅਤੇ ਉਸ ਦਾ ਚਿਹਰਾ ਪੂਰੀ ਤਰ੍ਹਾਂ ਢੱਕਿਆ ਹੋਇਆ ਦਿਖਾਇਆ ਗਿਆ, ਇਸ ਦਾ ਇੱਕ ਸੰਖੇਪ ਵੀਡੀਓ ਸੋਸ਼ਲ ਮੀਡੀਆ 'ਤੇ ਘੁੰਮ ਰਿਹਾ ਹੈ।
ਵੀਡੀਓ ਵਿੱਚ ਵੈਸ਼ਨੋ ਦੇਵੀ ਤੀਰਥ ਬੋਰਡ ਦੇ ਅਧਿਕਾਰੀ ਕੁਝ ਪੁਲਿਸ ਕਰਮਚਾਰੀ ਅਤੇ ਸੁਪਰਸਟਾਰ ਦੇ ਨਿੱਜੀ ਸਟਾਫ ਨੂੰ ਦੇਖਿਆ ਜਾ ਸਕਦਾ ਹੈ। ਨੌਂ ਮਹੀਨਿਆਂ ਵਿੱਚ ਸ਼ਾਹਰੁਖ ਦੀ ਵੈਸ਼ਨੋ ਦੇਵੀ ਦੀ ਇਹ ਦੂਜੀ ਯਾਤਰਾ ਹੈ। ਅਦਾਕਾਰ ਨੇ ਇਸ ਤੋਂ ਪਹਿਲਾਂ ਦਸੰਬਰ 2022 ਵਿੱਚ ਆਪਣੀ ਬਲਾਕਬਸਟਰ ਹਿੱਟ ਪਠਾਨ ਦੀ ਰਿਲੀਜ਼ ਤੋਂ ਇੱਕ ਮਹੀਨਾ ਪਹਿਲਾਂ ਮੰਦਰ ਦਾ ਦੌਰਾ ਕੀਤਾ ਸੀ।
ਜ਼ਿਕਰਯੋਗ ਹੈ ਕਿ ਕਿੰਗ ਖਾਨ ਅੱਜ ਜਵਾਨ ਪ੍ਰੀ-ਰਿਲੀਜ਼ ਈਵੈਂਟ ਵਿੱਚ ਸ਼ਾਮਲ ਹੋਣ ਲਈ ਤਾਮਿਲਨਾਡੂ ਜਾਣਗੇ। ਚੇੱਨਈ ਦੇ ਇੱਕ ਕਾਲਜ ਵਿੱਚ ਹੋਣ ਵਾਲੇ ਸਮਾਗਮ ਵਿੱਚ ਅਦਾਕਾਰ ਜਵਾਨ ਨਿਰਦੇਸ਼ਕ ਐਟਲੀ ਵੀ ਸ਼ਾਮਲ ਹੋਣਗੇ।
ਤੁਹਾਨੂੰ ਦੱਸ ਦਈਏ ਕਿ ਜਵਾਨ ਇੱਕ ਹਾਈ-ਓਕਟੇਨ ਐਕਸ਼ਨ ਥ੍ਰਿਲਰ ਫਿਲਮ ਹੈ। ਤਾਮਿਲ ਫਿਲਮ ਨਿਰਮਾਤਾ ਐਟਲੀ ਦੁਆਰਾ ਨਿਰਦੇਸ਼ਤ ਹੈ। ਇਹ 7 ਸਤੰਬਰ ਨੂੰ ਸਿਨੇਮਾਘਰਾਂ ਵਿੱਚ ਆਉਣ ਵਾਲੀ ਹੈ। ਫਿਲਮ ਵਿੱਚ ਨਯਨਤਾਰਾ, ਵਿਜੇ ਸੇਤੂਪਤੀ, ਪ੍ਰਿਆਮਣੀ ਅਤੇ ਸਾਨਿਆ ਮਲਹੋਤਰਾ ਵੀ ਹਨ। ਫਿਲਮ ਵਿੱਚ ਦੀਪਿਕਾ ਪਾਦੂਕੋਣ ਵੀ ਖਾਸ ਤੌਰ 'ਤੇ ਨਜ਼ਰ ਆਵੇਗੀ।
