ਮੁੰਬਈ: ਬਾਲੀਵੁੱਡ ਅਦਾਕਾਰ ਵਰੁਣ ਧਵਨ ਅਤੇ ਜਾਹਨਵੀ ਕਪੂਰ ਸਟਾਰਰ ਫਿਲਮ 'ਬਵਾਲ' ਇਸ ਮਹੀਨੇ OTT ਪਲੇਟਫਾਰਮ 'ਤੇ ਡੈਬਿਊ ਕਰਨ ਲਈ ਤਿਆਰ ਹੈ। ਕੁਝ ਸਮਾਂ ਪਹਿਲਾਂ ਹੀ ਮੇਕਰਸ ਨੇ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕੀਤਾ ਸੀ। ਟ੍ਰੇਲਰ ਵਿੱਚ ਵਰੁਣ ਧਵਨ ਅਤੇ ਜਾਹਨਵੀ ਕਪੂਰ ਦੇ ਰੁਮਾਂਸ ਵਿੱਚ ਹਿਟਲਰ ਦੇ ਸਮੇਂ ਦੇ ਵਿਸ਼ਵ ਯੁੱਧ ਦੀ ਇੱਕ ਝਲਕ ਦਿਖਾਈ ਗਈ ਹੈ। ਫਿਲਮ 'ਚ 'ਅਜੈ' ਦਾ ਕਿਰਦਾਰ ਵਰੁਣ ਧਵਨ ਅਤੇ ਜਾਹਨਵੀ ਕਪੂਰ 'ਨਿਸ਼ਾ' ਦਾ ਕਿਰਦਾਰ ਨਿਭਾਅ ਰਹੀ ਹੈ।
ਪ੍ਰਾਈਮ ਵੀਡੀਓ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ 'ਤੇ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕੀਤਾ ਹੈ, ਜਿਸ ਦਾ ਕੈਪਸ਼ਨ ਲਿਖਿਆ ਹੈ, 'ਪਿਆਰ ਤੋਂ ਬਵਾਲ ਤੱਕ ਦਾ ਸਫ਼ਰ।' ਟ੍ਰੇਲਰ ਦੀ ਸ਼ੁਰੂਆਤ ਵਰੁਣ ਧਵਨ ਨਾਲ ਹੁੰਦੀ ਹੈ। ਟਰੇਲਰ 'ਚ ਵਰੁਣ ਧਵਨ, ਅੱਜੂ ਭਈਆ ਦਾ ਕਿਰਦਾਰ ਨਿਭਾਅ ਰਹੇ ਹਨ, ਜੋ ਲਖਨਊ ਦੀਆਂ ਸੜਕਾਂ 'ਤੇ ਬਾਈਕ ਨਾਲ ਘੁੰਮਦੇ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਵਰੁਣ ਧਵਨ ਨੂੰ ਡਾਇਲਾਗ ਬੋਲਦੇ ਸੁਣਿਆ ਜਾ ਸਕਦਾ ਹੈ। ਅੱਜੂ ਭਈਆ ਕਹਿੰਦਾ, 'ਪੁੱਤ, ਅਜਿਹਾ ਮਾਹੌਲ ਬਣਾਓ ਕਿ ਲੋਕਾਂ ਨੂੰ ਮਾਹੌਲ ਯਾਦ ਰਹੇ, ਨਤੀਜਾ ਨਹੀਂ।' ਇਸ ਦੇ ਨਾਲ ਹੀ ਅੱਜੂ ਭਈਆ ਕਲਾਸ 'ਚ ਬੱਚਿਆਂ ਨੂੰ ਦੂਜੇ ਵਿਸ਼ਵ ਯੁੱਧ ਦੇ ਪਾਠ ਪੜ੍ਹਾਉਂਦੇ ਨਜ਼ਰ ਆ ਰਹੇ ਹਨ।