ਮੁੰਬਈ (ਬਿਊਰੋ): ਅਪਸਰਾ ਵਰਗੀ ਖੂਬਸੂਰਤ ਅਦਾਕਾਰਾ ਉਰਵਸ਼ੀ ਰੌਤੇਲਾ ਦੀ ਖੂਬਸੂਰਤੀ ਦੀ ਪੂਰੀ ਦੁਨੀਆ ਦੀਵਾਨੀ ਹੈ। ਦੁਨੀਆ ਭਰ 'ਚ ਉਰਵਸ਼ੀ ਦੇ ਪ੍ਰਸ਼ੰਸਕਾਂ ਦੀ ਕੋਈ ਕਮੀ ਨਹੀਂ ਹੈ। ਉਰਵਸ਼ੀ ਨੇ ਦੇਸ਼ ਹੀ ਨਹੀਂ ਵਿਦੇਸ਼ਾਂ 'ਚ ਵੀ ਆਪਣੀ ਖੂਬਸੂਰਤੀ ਦਾ ਝੰਡਾ ਬੁਲੰਦ ਕੀਤਾ ਹੈ। ਉਰਵਸ਼ੀ ਇੰਟਰਨੈਸ਼ਨਲ ਫੈਸ਼ਨ ਈਵੈਂਟ ਕਾਨਸ ਫਿਲਮ ਫੈਸਟੀਵਲ ਸਮੇਤ ਕਈ ਈਵੈਂਟਸ 'ਚ ਕਈ ਵਾਰ ਆਪਣੀ ਖੂਬਸੂਰਤੀ ਦਾ ਜਾਦੂ ਚਲਾ ਚੁੱਕੀ ਹੈ। ਉਰਵਸ਼ੀ ਨੂੰ ਭਾਵੇਂ ਫਿਲਮਾਂ ਨਾ ਮਿਲੀਆਂ ਹੋਣ ਪਰ ਉਸ ਦਾ ਨਾਂ ਦੁਨੀਆਂ ਭਰ ਵਿੱਚ ਬੋਲਦਾ ਹੈ। ਦਰਅਸਲ, ਉਰਵਸ਼ੀ ਨੂੰ ਵਰਲਡਜ਼ ਮੋਸਟ ਐਲੀਜਿਬਲ ਬੈਚਲੋਰੇਟ ਦਾ ਐਵਾਰਡ ਮਿਲਿਆ ਹੈ।
ਖੁਦ ਉਰਵਸ਼ੀ ਨੇ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਰਾਹੀਂ ਆਪਣੇ ਪ੍ਰਸ਼ੰਸਕਾਂ ਨੂੰ ਇਹ ਖੁਸ਼ਖਬਰੀ ਦਿੱਤੀ ਹੈ ਅਤੇ ਇਸ ਦੇ ਨਾਲ ਹੀ ਅਦਾਕਾਰਾ ਨੇ ਇਸ ਪਿਆਰ ਲਈ ਆਪਣੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕੀਤਾ ਹੈ। ਫੋਟੋਆਂ ਸਾਂਝੀਆਂ ਕਰਦੇ ਹੋਏ ਅਦਾਕਾਰਾ ਨੇ ਲਿਖਿਆ, 'ਦੁਨੀਆ ਦੀ ਸਭ ਤੋਂ ਯੋਗ ਬੈਚਲੋਰੇਟ, ਮੈਂ ਇਸ ਪੁਰਸਕਾਰ ਲਈ IWMbuzz ਅਤੇ ਸਾਰਿਆਂ ਦਾ ਧੰਨਵਾਦ ਕਰਦੀ ਹਾਂ, ਮੈਂ ਸਾਰਿਆਂ ਦੀਆਂ ਉਮੀਦਾਂ 'ਤੇ ਖਰਾ ਉਤਰਨ ਲਈ ਕੰਮ ਕਰਾਂਗੀ'।