Tejas Vs 12th Fail Box Office Collection Day 4: ਬਾਕਸ ਆਫਿਸ 'ਤੇ ਮੂਧੇ ਮੂੰਹ ਡਿੱਗੀ ਕੰਗਨਾ ਦੀ 'ਤੇਜਸ', '12ਵੀਂ ਫੇਲ੍ਹ' ਨੇ ਕੀਤੀ ਇੰਨੀ ਕਮਾਈ

Tejas Vs 12th Fail Box Office Collection: ਕੰਗਨਾ ਦੀ 'ਤੇਜਸ' ਅਤੇ ਵਿਕਰਾਂਤ ਮੈਸੀ ਸਟਾਰਰ '12ਵੀਂ ਫੇਲ੍ਹ' 27 ਅਕਤੂਬਰ ਨੂੰ ਸਿਨੇਮਾਘਰਾਂ ਵਿੱਚ ਇੱਕੋ ਸਮੇਂ ਰਿਲੀਜ਼ ਹੋਈਆਂ ਸਨ। ਆਓ ਜਾਣਦੇ ਹਾਂ ਦੋਵਾਂ ਫਿਲਮਾਂ ਦੇ ਚੌਥੇ ਦਿਨ ਦਾ ਕਲੈਕਸ਼ਨ...।

ਮੁੰਬਈ (ਬਿਊਰੋ): ਕੰਗਨਾ ਰਣੌਤ ਦੀ ਫਿਲਮ 'ਤੇਜਸ' 27 ਅਕਤੂਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ। ਫਿਲਮ ਬਾਕਸ ਆਫਿਸ 'ਤੇ ਚੰਗੀ ਕਮਾਈ ਕਰਨ 'ਚ ਅਸਫਲ ਰਹੀ ਹੈ। 1.25 ਕਰੋੜ ਰੁਪਏ ਨਾਲ ਸ਼ੁਰੂ ਹੋਈ ਇਹ ਫਿਲਮ ਆਪਣੇ ਪਹਿਲੇ ਵੀਕੈਂਡ (Tejas Vs 12th Fail Box Office Collection Day 4) 'ਚ ਕੁਝ ਖਾਸ ਕਮਾਲ ਨਹੀਂ ਕਰ ਸਕੀ, ਜਦੋਂ ਕਿ ਤੇਜਸ ਦੇ ਨਾਲ ਰਿਲੀਜ਼ ਹੋਈ 12ਵੀਂ ਫੇਲ੍ਹ ਨੇ ਘੱਟ ਬਜਟ ਵਾਲੀ ਫਿਲਮ ਹੋਣ ਦੇ ਬਾਵਜੂਦ ਬਾਕਸ ਆਫਿਸ 'ਤੇ ਚੰਗਾ ਪ੍ਰਦਰਸ਼ਨ ਕੀਤਾ ਹੈ।

ਸਰਵੇਸ਼ ਮੇਵਾੜਾ ਨਿਰਦੇਸ਼ਿਤ ਫਿਲਮ 'ਤੇਜਸ' ਨੇ ਦੂਜੇ ਦਿਨ 1.25 ਕਰੋੜ ਰੁਪਏ ਦੀ ਕਮਾਈ ਕੀਤੀ ਅਤੇ ਤੀਜੇ ਦਿਨ ਵੀ ਸਥਿਤੀ ਇਹੀ ਰਹੀ। ਐਤਵਾਰ 29 ਅਕਤੂਬਰ ਨੂੰ 'ਤੇਜਸ' ਨੇ ਇੱਕ ਵਾਰ ਫਿਰ ਤੋਂ ਕਰੀਬ 1.25 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਖਬਰਾਂ ਮੁਤਾਬਕ ਫਿਲਮ ਦੀ ਚੌਥੇ ਦਿਨ ਦੀ ਕਮਾਈ 0.54 ਕਰੋੜ ਰੁਪਏ ਹੋ ਸਕਦੀ ਹੈ। ਇਸ ਲਈ ਭਾਰਤ 'ਚ ਫਿਲਮ ਦਾ ਹੁਣ ਤੱਕ ਦਾ ਕੁੱਲ ਬਾਕਸ ਆਫਿਸ ਕਲੈਕਸ਼ਨ ਸਿਰਫ 4.39 ਕਰੋੜ ਰੁਪਏ ਰਹਿ ਜਾਵੇਗਾ। ਇਸ ਦੌਰਾਨ 'ਤੇਜਸ' ਨੇ ਵੀਕੈਂਡ 'ਤੇ ਕੁੱਲ 8.37 ਪ੍ਰਤੀਸ਼ਤ ਦਾ ਕਬਜ਼ਾ ਕੀਤਾ। ਕੰਗਨਾ ਤੋਂ ਇਲਾਵਾ ਫਿਲਮ 'ਚ ਅੰਸ਼ੁਲ ਚੌਹਾਨ, ਵਰੁਣ ਮਿੱਤਰਾ, ਆਸ਼ੀਸ਼ ਵਿਦਿਆਰਥੀ, ਵਿਸ਼ਾਕ ਨਾਇਰ, ਕਸ਼ਯਪ ਸ਼ੰਗਾਰੀ, ਸੁਨੀਤ ਟੰਡਨ, ਰੀਓ ਕਪਾਡੀਆ, ਮੋਹਨ ਆਗਾਸ਼ੇ ਅਤੇ ਮੁਸ਼ਤਾਕ ਕਾਕ ​​ਵੀ ਹਨ।

ਵਿਕਰਾਂਤ ਮੈਸੀ ਦੀ ਫਿਲਮ (Tejas Vs 12th Fail Box Office Collection Day 4) '12ਵੀਂ ਫੇਲ੍ਹ' ਨੇ ਐਤਵਾਰ 29 ਅਕਤੂਬਰ ਨੂੰ ਬਾਕਸ ਆਫਿਸ 'ਤੇ ਕੁਝ ਵਾਧਾ ਦਿਖਾਇਆ। ਇਸ ਹਫਤੇ ਫਿਲਮ ਦੀ ਕਮਾਈ ਵਧ ਸਕਦੀ ਹੈ। 12ਵੀਂ ਫੇਲ੍ਹ ਕੰਗਨਾ ਦੀ 'ਤੇਜਸ' ਤੋਂ ਬਿਹਤਰ ਪ੍ਰਦਰਸ਼ਨ ਕਰ ਰਹੀ ਹੈ। ਫਿਲਮ ਨੇ 1.11 ਕਰੋੜ ਦੀ ਕਮਾਈ ਕੀਤੀ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਫਿਲਮ ਚੌਥੇ ਦਿਨ 0.96 ਕਰੋੜ ਰੁਪਏ ਕਮਾ ਸਕਦੀ ਹੈ। ਇਸ ਨਾਲ ਫਿਲਮ ਦਾ ਕੁੱਲ ਕਲੈਕਸ਼ਨ 7.53 ਕਰੋੜ ਰੁਪਏ ਹੋ ਜਾਵੇਗਾ। '12ਵੀਂ ਫੇਲ੍ਹ' ਅਨੁਰਾਗ ਪਾਠਕ ਦੇ ਨਾਵਲ 'ਤੇ ਆਧਾਰਿਤ ਹੈ, ਜਿਸ ਵਿੱਚ ਆਈਪੀਐਸ ਅਧਿਕਾਰੀ ਮਨੋਜ ਕੁਮਾਰ ਸ਼ਰਮਾ ਅਤੇ ਆਈਆਰਐਸ ਅਧਿਕਾਰੀ ਸ਼ਰਧਾ ਜੋਸ਼ੀ ਦੀ ਜੀਵਨ ਯਾਤਰਾ ਨੂੰ ਦਰਸਾਇਆ ਗਿਆ ਹੈ।