ਮੁੰਬਈ (ਬਿਊਰੋ): ਬਾਲੀਵੁੱਡ ਦੇ ਮਰਹੂਮ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਭਾਵੇਂ ਇਸ ਦੁਨੀਆ 'ਚ ਨਾ ਰਹੇ ਹੋਣ ਪਰ ਉਹ ਆਪਣੇ ਪ੍ਰਸ਼ੰਸਕਾਂ ਦੇ ਦਿਲਾਂ 'ਚ ਪੂਰੀ ਤਰ੍ਹਾਂ ਵੱਸ ਗਏ ਹਨ, ਚਾਹੇ ਸੁਸ਼ਾਂਤ ਦੇ ਪਰਿਵਾਰਕ ਮੈਂਬਰ ਹੋਣ ਜਾਂ ਉਨ੍ਹਾਂ ਦੇ ਲੱਖਾਂ ਪ੍ਰਸ਼ੰਸਕ। ਦਰਅਸਲ, 21 ਜਨਵਰੀ ਨੂੰ ਸੁਸ਼ਾਂਤ ਦਾ ਜਨਮਦਿਨ ਹੈ। ਇਸ ਮੌਕੇ ਸੁਸ਼ਾਂਤ ਦੀਆਂ ਭੈਣਾਂ ਨੇ ਸੁਸ਼ਾਂਤ ਦੀਆਂ ਅਣਦੇਖੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ ਨੂੰ ਦੇਖ ਕੇ ਪ੍ਰਸ਼ੰਸਕਾਂ ਦੇ ਹੰਝੂ ਨਹੀਂ ਰੁਕ ਰਹੇ ਹਨ।
ਭਰਾ ਦੀ ਯਾਦ 'ਚ ਦੋਵਾਂ ਭੈਣਾਂ ਨੇ ਕੀਤਾ ਪੋਸਟ : ਸੁਸ਼ਾਂਤ ਦੀਆਂ ਦੋਵੇਂ ਭੈਣਾਂ ਸ਼ਵੇਤਾ ਅਤੇ ਪ੍ਰਿਅੰਕਾ ਨੇ ਭਰਾ ਦੀ ਯਾਦ 'ਚ ਸੋਸ਼ਲ ਮੀਡੀਆ 'ਤੇ ਵੀਡੀਓ ਸ਼ੇਅਰ ਕੀਤੀਆਂ ਹਨ, ਜਿਸ 'ਚ ਉਹ ਸੁਸ਼ਾਂਤ ਦੀਆਂ ਅਜਿਹੀਆਂ ਤਸਵੀਰਾਂ ਦਿਖਾ ਰਹੀ ਹੈ, ਜਿਸ ਨੂੰ ਦੇਖ ਕੇ ਸੁਸ਼ਾਂਤ ਦੇ ਪ੍ਰਸ਼ੰਸਕਾਂ ਦੇ ਹੰਝੂ ਆ ਗਏ ਹਨ। ਸ਼ਵੇਤਾ ਆਪਣੇ ਸ਼ੇਅਰ ਕੀਤੇ ਵੀਡੀਓ 'ਚ ਦੱਸ ਰਹੀ ਹੈ ਕਿ ਸੁਸ਼ਾਂਤ ਨੂੰ ਬਚਪਨ ਤੋਂ ਹੀ ਐਕਟਿੰਗ ਦਾ ਸ਼ੌਕ ਸੀ।
ਸ਼ਵੇਤਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਉਮਰ 'ਚ ਸਿਰਫ 1 ਸਾਲ ਦਾ ਅੰਤਰ ਸੀ ਅਤੇ ਪੂਰਾ ਪਰਿਵਾਰ ਉਸ ਨੂੰ ਗੁੜੀਆ ਗੁਲਸ਼ਨ ਕਹਿ ਕੇ ਬੁਲਾਉਂਦੇ ਸਨ। ਤਿਉਹਾਰਾਂ ਦੇ ਮੌਕੇ 'ਤੇ ਜਦੋਂ ਵੀ ਘਰ ਵਿਚ ਕੋਈ ਖਾਸ ਚੀਜ਼ ਤਿਆਰ ਕੀਤੀ ਜਾਂਦੀ ਸੀ ਤਾਂ ਦੋਵੇਂ ਭੈਣ-ਭਰਾ ਮਿਲ ਕੇ ਖਾਂਦੇ ਸਨ। ਸ਼ਵੇਤਾ ਨੇ ਇਹ ਵੀ ਦੱਸਿਆ ਕਿ ਬਚਪਨ 'ਚ ਅਸੀਂ ਦੋਵੇਂ ਇਕੱਠੇ ਬਹੁਤ ਖੇਡਦੇ ਸੀ ਅਤੇ ਐਕਟਿੰਗ ਵੀ ਕਰਦੇ ਸੀ।