ਮੁੰਬਈ: ਬਾਲੀਵੁੱਡ ਅਦਾਕਾਰਾ-ਡਾਂਸਰ ਸੁਰਵੀਨ ਚਾਵਲਾ ਇਸ ਵਾਰ ਫਰਾਂਸ ਦੇ ਕਾਨਸ ਫਿਲਮ ਫੈਸਟੀਵਲ 'ਚ ਸ਼ਿਰਕਤ ਕਰੇਗੀ। ਸੁਰਵੀਨ ਦੂਜੀ ਵਾਰ ਇਸ ਫੈਸਟੀਵਲ ਵਿੱਚ ਹਿੱਸਾ ਲੈਣ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ ਸੁਰਵੀਨ ਆਪਣੀ ਫਿਲਮ 'ਅਗਲੀ' ਲਈ 2013 'ਚ ਕਾਨਸ 'ਚ ਆਈ ਸੀ। ਸੁਰਵੀਨ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਟੈਲੀਵਿਜ਼ਨ ਨਾਲ ਕੀਤੀ ਸੀ। ਉਨ੍ਹਾਂ ਨੂੰ ਬਾਲੀਵੁੱਡ ਫਿਲਮ 'ਹੇਟ ਸਟੋਰੀ 2' ਤੋਂ ਵੱਖਰੀ ਪਛਾਣ ਮਿਲੀ ਜੋ ਹੇਟ ਸਟੋਰੀ ਦਾ ਸੀਕਵਲ ਸੀ। ਇਸ ਤੋਂ ਇਲਾਵਾ ਉਹ 'ਅਗਲੀ' ਅਤੇ 'ਪਾਰਚਡ' ਵਰਗੀਆਂ ਫਿਲਮਾਂ 'ਚ ਵੀ ਕੰਮ ਕਰ ਚੁੱਕੀ ਹੈ।
ਰੈੱਡ ਕਾਰਪੇਟ 'ਤੇ ਚੱਲਣਾ ਇਕ ਸਨਮਾਨ ਹੈ:ਕਾਨਸ 'ਚ ਮੁੜ ਹਾਜ਼ਰੀ ਭਰਨ 'ਤੇ ਅਦਾਕਾਰਾ ਨੇ ਕਿਹਾ ਕਿ 'ਮੈਂ ਬਹੁਤ ਖੁਸ਼ਕਿਸਮਤ ਹਾਂ ਕਿ ਮੈਨੂੰ ਅਜਿਹੇ ਫਿਲਮ ਫੈਸਟੀਵਲ 'ਚ ਹਿੱਸਾ ਲੈਣ ਦਾ ਮੌਕਾ ਮਿਲਿਆ। ਮੈਂ ਇਸ ਲਈ ਬਹੁਤ ਉਤਸ਼ਾਹਿਤ ਹਾਂ। ਕਾਨਸ ਮੇਰੇ ਲਈ ਬਹੁਤ ਮਾਇਨੇ ਰੱਖਦਾ ਹੈ ਅਤੇ ਮੇਰੇ ਦਿਲ 'ਚ ਇਸ ਦਾ ਖਾਸ ਸਥਾਨ ਹੈ। ਫਿਲਮੀ ਸਿਤਾਰੇ, ਫੈਸ਼ਨ ਮਾਹਰ ਅਤੇ ਦੁਨੀਆ ਭਰ ਦੀਆਂ ਕਈ ਮਸ਼ਹੂਰ ਹਸਤੀਆਂ ਇਸ ਵਿੱਚ ਸ਼ਾਮਲ ਹਨ। ਇਸ ਰੈੱਡ ਕਾਰਪੇਟ 'ਤੇ ਚੱਲਣਾ ਮੇਰੇ ਲਈ ਸਨਮਾਨ ਦੀ ਗੱਲ ਹੈ।'
- ਪੰਜਾਬੀ ਸਿਨੇਮਾ 'ਚ ਡੈਬਿਊ ਲਈ ਤਿਆਰ ਨੇ ਗਾਇਕ ਅਮਰਿੰਦਰ ਬੌਬੀ, ਇਸ ਫਿਲਮ 'ਚ ਆਉਣਗੇ ਨਜ਼ਰ
- Film Mastaney First Look: ਤਰਸੇਮ ਜੱਸੜ-ਸਿੰਮੀ ਚਾਹਲ ਦੀ ਫਿਲਮ 'ਮਸਤਾਨੇ' ਦੀ ਪਹਿਲੀ ਝਲਕ ਰਿਲੀਜ਼, ਦੇਖੋ
- Guddiyan Patole 2: ਤੁਹਾਨੂੰ ਜਲਦ ਹੀ ਦੇਖਣ ਨੂੰ ਮਿਲ ਸਕਦੀ ਹੈ 'ਗੁੱਡੀਆਂ ਪਟੋਲੇ 2', ਜਗਦੀਪ ਸਿੱਧੂ ਨੇ ਕੀਤਾ ਇਸ਼ਾਰਾ
ਬਾਲੀਵੁੱਡ ਸਿਤਾਰੇ:ਕਾਨਸ ਫਿਲਮ ਫੈਸਟੀਵਲ 16 ਮਈ ਤੋਂ ਸ਼ੁਰੂ ਹੋ ਗਿਆ ਹੈ ਅਤੇ ਇਹ ਫੈਸਟੀਵਲ 27 ਮਈ ਤੱਕ ਚੱਲੇਗਾ। ਇਸ 'ਚ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਦਸਤਕ ਦਿੱਤੀ ਹੈ। ਵਿਜੇ ਵਰਮਾ ਦੇ ਨਾਲ ਐਸ਼ਵਰਿਆ ਰਾਏ ਬੱਚਨ, ਉਰਵਸ਼ੀ ਰੌਤੇਲਾ, ਸਾਰਾ ਅਲੀ ਖਾਨ ਅਤੇ ਮ੍ਰਿਣਾਲ ਠਾਕੁਰ ਵਰਗੇ ਸਿਤਾਰਿਆਂ ਨੇ ਰੈੱਡ ਕਾਰਪੇਟ 'ਤੇ ਆਪਣੀ ਮੌਜੂਦਗੀ ਦਾ ਅਹਿਸਾਸ ਕਰਵਾਇਆ। ਹਰ ਸਾਲ ਸਿਨੇਮਾ ਜਗਤ ਦੇ ਇਸ ਖਾਸ ਮੇਲੇ ਵਿੱਚ ਮਨੋਰੰਜਨ ਜਗਤ ਦੇ ਸਿਤਾਰੇ ਆਪਣੀ ਹਾਜ਼ਰੀ ਦਰਜ ਕਰਵਾਉਂਦੇ ਹਨ।
ਇਸ ਤੋਂ ਇਲਾਵਾ ਸੁਰਵੀਨ ਸੋਸ਼ਲ ਮੀਡੀਆ 'ਤੇ ਕਾਫੀ ਜਿਆਦਾ ਐਕਟਿਵ ਰਹਿੰਦੀ ਹੈ। ਜਿੱਥੇ ਅਦਾਕਾਰਾ ਆਪਣੀਆਂ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ। ਅਦਾਕਾਰਾ ਨੂੰ ਇੰਸਟਾਗ੍ਰਾਮ ਉਤੇ ਕਈ ਮਿਲੀਅਨ ਲੋਕ ਪਸੰਦ ਕਰਦੇ ਹਨ।
ਸੁਰਵੀਨ ਚਾਵਲਾ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹ 'ਰਾਣਾ ਨਾਇਡੂ' 'ਚ ਨਜ਼ਰ ਆਵੇਗੀ। ਕਰਨ ਅੰਸ਼ੁਮਨ ਅਤੇ ਸੁਪਰਨ ਵਰਮਾ ਦੁਆਰਾ ਨਿਰਦੇਸ਼ਤ 'ਰਾਣਾ ਨਾਇਡੂ' ਵਿੱਚ ਰਾਣਾ ਡੱਗੂਬਾਤੀ, ਵੈਂਕਟੇਸ਼ ਦੱਗੂਬਾਤੀ ਹਨ। 'ਰਾਣਾ ਨਾਇਡੂ' ਨੂੰ ਮੁੱਖ ਤੌਰ 'ਤੇ ਮੁੰਬਈ ਵਿੱਚ ਸ਼ੂਟ ਕੀਤਾ ਗਿਆ ਹੈ। ਅਭਿਸ਼ੇਕ ਬੈਨਰਜੀ, ਸੁਚਿਤਰਾ ਪਿੱਲਈ, ਗੌਰਵ ਚੋਪੜਾ, ਆਸ਼ੀਸ਼ ਵਿਦਿਆਰਥੀ ਅਤੇ ਰਾਜੇਸ਼ ਜੈਸ ਵੀ 'ਰਾਣਾ ਨਾਇਡੂ' ਦਾ ਹਿੱਸਾ ਹਨ।
