Actor Dharmendra Health: ਇਲਾਜ ਲਈ ਨਹੀਂ ਬਲਕਿ ਇਸ ਕਾਰਨ ਅਮਰੀਕਾ ਗਏ ਨੇ ਅਦਾਕਾਰ ਧਰਮਿੰਦਰ, ਸੰਨੀ ਅਤੇ ਹੇਮਾ ਨੇ ਸਿਹਤ ਵਿਗੜਣ ਦੀਆਂ ਖਬਰਾਂ ਦਾ ਕੀਤਾ ਖੰਡਨ

Sunny Deol Denies Reports of Dharmendra Health: ਦਿੱਗਜ ਅਦਾਕਾਰ ਧਰਮਿੰਦਰ ਦੀ ਸਿਹਤ ਠੀਕ ਨਾ ਹੋਣ ਅਤੇ ਇਲਾਜ ਲਈ ਅਮਰੀਕਾ ਲਿਜਾਏ ਜਾਣ ਦੀਆਂ ਖਬਰਾਂ ਸਨ। ਹਾਲਾਂਕਿ ਹੁਣ ਸੰਨੀ ਦਿਓਲ ਅਤੇ ਹੇਮਾ ਮਾਲਿਨੀ ਨੇ ਇਨ੍ਹਾਂ ਖਬਰਾਂ ਦਾ ਖੰਡਨ ਕੀਤਾ ਹੈ। ਧਰਮਿੰਦਰ ਦੇ ਅਮਰੀਕਾ ਦੌਰੇ ਦਾ ਕਾਰਨ ਜਾਣਨ ਲਈ ਪੜ੍ਹੋ।

ਹੈਦਰਾਬਾਦ: ਪਿਤਾ-ਪੁੱਤਰ ਦੀ ਜੋੜੀ ਧਰਮਿੰਦਰ ਅਤੇ ਸੰਨੀ ਦਿਓਲ (Dharmendra and Sunny Deol) ਆਪਣੀਆਂ ਤਾਜ਼ਾ ਰਿਲੀਜ਼ਾਂ ਦੀ ਸਫਲਤਾ ਦਾ ਆਨੰਦ ਮਾਣ ਰਹੇ ਹਨ। ਧਰਮਿੰਦਰ ਦੀ 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' 28 ਜੁਲਾਈ ਨੂੰ ਰਿਲੀਜ਼ ਹੋਈ ਸੀ ਅਤੇ ਇਸ ਨੇ ਵਿਸ਼ਵ ਪੱਧਰ 'ਤੇ 346 ਕਰੋੜ ਰੁਪਏ ਕਮਾਏ ਸਨ, ਜਦੋਂ ਕਿ ਸੰਨੀ ਨੇ 'ਗਦਰ 2' ਦੇ ਨਾਲ ਕਈ ਰਿਕਾਰਡ ਤੋੜ ਦਿੱਤੇ ਸਨ, ਜੋ ਕਿ 11 ਅਗਸਤ ਨੂੰ ਰਿਲੀਜ਼ ਹੋਈ ਸੀ ਅਤੇ ਫਿਲਮ ਦੁਨੀਆਂ ਭਰ ਵਿੱਚ 672 ਕਰੋੜ ਰੁਪਏ ਦੀ ਕਮਾਈ ਕਰ ਚੁੱਕੀ ਹੈ। ਹੁਣ ਇੱਕ ਤਾਜ਼ਾ ਖਬਰ ਇੰਡਸਟਰੀ ਵਿੱਚ ਅੱਗ ਵਾਂਗ ਫੈਲ ਰਹੀ ਹੈ, ਜਿਸ ਨੇ ਸਭ ਦਾ ਧਿਆਨ ਖਿੱਚਿਆ ਹੈ।

ਜੀ ਹਾਂ...ਸੋਮਵਾਰ ਨੂੰ ਸੰਨੀ ਦੇ ਆਪਣੇ ਪਿਤਾ ਅਤੇ ਮਸ਼ਹੂਰ ਅਦਾਕਾਰ ਧਰਮਿੰਦਰ ਨੂੰ ਇਲਾਜ ਲਈ ਸੰਯੁਕਤ ਰਾਜ ਅਮਰੀਕਾ ਲੈ ਜਾਣ ਦੀਆਂ ਖਬਰਾਂ ਆਈਆਂ ਹਨ ਅਤੇ ਕਿਹਾ ਜਾ ਰਿਹਾ ਸੀ ਕਿ ਅਦਾਕਾਰ ਨੇ ਆਪਣੇ ਪਿਤਾ ਨਾਲ ਰਹਿਣ ਲਈ ਪ੍ਰਮੋਸ਼ਨ ਤੋਂ ਬ੍ਰੇਕ ਲੈ ਲਈ ਹੈ। ਹਾਲਾਂਕਿ ਸੰਨੀ ਦਿਓਲ ਨੇ ਹੁਣ ਧਰਮਿੰਦਰ ਦੇ ਬੀਮਾਰ ਹੋਣ ਦੀਆਂ ਸਾਰੀਆਂ ਖ਼ਬਰਾਂ ਨੂੰ ਖਾਰਜ ਕਰ ਦਿੱਤਾ ਹੈ।

ਪਹਿਲਾਂ ਦੀਆਂ ਰਿਪੋਰਟਾਂ ਦੇ ਅਨੁਸਾਰ ਇਹ ਕਿਹਾ ਗਿਆ ਸੀ ਕਿ ਅਨੁਭਵੀ ਅਦਾਕਾਰ ਧਰਮਿੰਦਰ ਇਸ ਸਮੇਂ 87 ਸਾਲ ਦੇ ਹਨ ਅਤੇ ਸਿਹਤ ਸੰਬੰਧੀ ਸਮੱਸਿਆਵਾਂ ਹਨ, ਇਸ ਲਈ ਸੰਨੀ ਦਿਓਲ ਨੇ ਅਗਲੇ ਇਲਾਜ ਲਈ ਆਪਣੇ ਪਿਤਾ ਨੂੰ ਅਮਰੀਕਾ ਲਿਜਾਣ ਦਾ ਫੈਸਲਾ ਕੀਤਾ ਹੈ। ਉਹਨਾਂ ਨੂੰ ਸੰਯੁਕਤ ਰਾਜ ਵਿੱਚ 15-20 ਦਿਨਾਂ ਲਈ ਇਲਾਜ ਅਧੀਨ ਰਹਿਣ ਦੀ ਯੋਜਨਾ ਹੈ।

ਹਾਲਾਂਕਿ ਸੰਨੀ ਦਿਓਲ (sunny deol denies reports of dharamji health) ਦੀ ਟੀਮ ਨੇ ਮੰਗਲਵਾਰ 12 ਸਤੰਬਰ ਦੀ ਸਵੇਰ ਨੂੰ ਸਪੱਸ਼ਟ ਕੀਤਾ ਕਿ ਉਹ ਅਤੇ ਧਰਮਿੰਦਰ ਛੁੱਟੀਆਂ ਮਨਾਉਣ ਲਈ ਅਮਰੀਕਾ ਵਿੱਚ ਹਨ, ਨਾ ਕਿ ਮੈਡੀਕਲ ਇਲਾਜ ਲਈ। ਟੀਮ ਮੁਤਾਬਕ ਉਹ 16 ਸਤੰਬਰ ਨੂੰ ਭਾਰਤ ਪਰਤਣਗੇ। 'ਬੇਤਾਬ' ਅਦਾਕਾਰ ਨੇ ਕੈਲੀਫੋਰਨੀਆ ਤੋਂ ਇੱਕ ਰਿਸ਼ਤੇਦਾਰ ਦੇ ਜਨਮਦਿਨ ਦੀ ਪਾਰਟੀ ਦਾ ਆਨੰਦ ਲੈਂਦੇ ਹੋਏ ਇੱਕ ਤਸਵੀਰ ਵੀ ਪੋਸਟ ਕੀਤੀ ਹੈ।

ਇਸ ਦੌਰਾਨ ਧਰਮਿੰਦਰ ਦੀ ਪਤਨੀ ਹੇਮਾ ਮਾਲਿਨੀ (Hema Malini refute claims of dharamji health scare) ਨੇ ਇਹ ਕਹਿ ਕੇ ਸਾਰੀਆਂ ਕਿਆਸਅਰਾਈਆਂ 'ਤੇ ਵਿਰਾਮ ਲਗਾ ਦਿੱਤਾ ਹੈ ਕਿ "ਧਰਮਜੀ ਦੀ ਸਿਹਤ ਬਹੁਤ ਠੀਕ ਹੈ। ਉਹ ਪੂਰੀ ਤਰ੍ਹਾਂ ਠੀਕ ਹਨ। ਉਹ ਆਮ ਸਿਹਤ ਜਾਂਚ ਲਈ ਅਮਰੀਕਾ ਗਏ ਸਨ। ਚਿੰਤਾ ਦੀ ਕੋਈ ਗੱਲ ਨਹੀਂ ਹੈ।"

ਦਿੱਗਜ ਅਦਾਕਾਰ ਧਰਮਿੰਦਰ ਅਤੇ ਸੰਨੀ ਮੁੱਖ ਤੌਰ 'ਤੇ ਧਰਮਿੰਦਰ ਦੀ ਧੀ, ਸੰਨੀ ਦੀ ਭੈਣ ਜੋ ਉੱਥੇ ਰਹਿੰਦੀ ਹੈ, ਨੂੰ ਦੇਖਣ ਲਈ ਅਮਰੀਕਾ ਗਏ ਹਨ।ਧਰਮਿੰਦਰ ਨੇ ਹਾਲ ਹੀ ਵਿੱਚ ਖੁਲਾਸਾ ਕੀਤਾ ਹੈ "ਜਦੋਂ ਮੈਂ ਉਸਨੂੰ ਕੁਝ ਸਮੇਂ ਲਈ ਨਹੀਂ ਦੇਖਦਾ ਤਾਂ ਮੈਂ ਬਹੁਤ ਬੇਚੈਨ ਹੋ ਜਾਂਦਾ ਹਾਂ। ਮੇਰੀ ਸਿਹਤ ਨੂੰ ਲੈ ਕੇ ਇਹ ਰਿਪੋਰਟਾਂ ਮੇਰੇ ਪਿਆਰਿਆਂ ਨੂੰ ਚਿੰਤਾ ਵਿੱਚ ਪਾ ਰਹੀਆਂ ਹਨ। ਮੈਂ ਬੇਨਤੀ ਕਰਦਾ ਹਾਂ ਮੇਰੇ ਮੀਡੀਆ ਦੋਸਤਾਂ ਨੂੰ ਕਿ ਅਲਾਰਮ ਨਾ ਵਜਾਓ।"