ਤਾਜ ਮਹੱਲ ਦੇ ਸਾਹਮਣੇ ਖੜ੍ਹ ਕੇ ਗੁਰੂ ਰੰਧਾਵਾ ਨੇ ਸਿਖਾਇਆ ਅਨੁਪਮ ਖੇਰ ਨੂੰ ਗੀਤ, ਦੇਖੋ ਵੀਡੀਓ

ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਨੇ ਹਾਲ ਹੀ ਵਿੱਚ ਇੰਸਟਾਗ੍ਰਾਮ ਉਤੇ ਵੀਡੀਓ ਸਾਂਝਾ ਕੀਤਾ, ਜਿਸ ਵਿੱਚ ਗਾਇਕ, ਦਿੱਗਜ ਅਦਾਕਾਰ ਅਨੁਪਮ ਖੇਰ ਨੂੰ ਇੱਕ ਗੀਤ ਸਿਖਾਉਂਦੇ (Guru Randhawa and Anupam Kher video) ਨਜ਼ਰ ਆ ਰਹੇ ਹਨ। ਇਹ ਵੀਡੀਓ ਯਕੀਨਨ ਤੁਹਾਡਾ ਮੰਨੋਰੰਜਨ ਕਰੇਗੀ, ਦੇਖੋ ਫਿਰ ਵੀਡੀਓ...।

ਚੰਡੀਗੜ੍ਹ: ਆਪਣੀ ਗਾਇਕੀ ਦੀ ਪ੍ਰਤਿਭਾ ਨਾਲ ਰਿਕਾਰਡ ਤੋੜਨ ਤੋਂ ਬਾਅਦ ਹੁਣ ਪ੍ਰਸਿੱਧ ਗਾਇਕ ਗੁਰੂ ਰੰਧਾਵਾ ਦਿੱਗਜ ਅਦਾਕਾਰ ਅਨੁਪਮ ਖੇਰ ਨਾਲ ਫਿਲਮ ਲੈ ਕੇ ਆ ਰਹੇ ਹਨ, ਇਸ ਫਿਲਮ ਬਾਰੇ ਅਦਾਕਾਰ ਨੇ ਪਿਛਲੇ ਸਾਲ ਅਕਤੂਬਰ ਵਿੱਚ ਜਾਣਕਾਰੀ ਸਾਂਝੀ ਕੀਤੀ ਸੀ। ਹੁਣ ਗਾਇਕ ਰੰਧਾਵਾ ਨੇ ਇੱਕ ਫਿਰ ਦਿੱਗਜ ਅਦਾਕਾਰ ਨਾਲ ਇੱਕ ਵੀਡੀਓ ਸਾਂਝਾ ਕੀਤਾ ਹੈ। ਇਸ ਵੀਡੀਓ (Guru Randhawa and Anupam Kher video) ਵਿੱਚ ਗਾਇਕ, ਦਿੱਗਜ ਅਦਾਕਾਰ ਨੂੰ ਗੀਤ ਸਿਖਾਉਂਦੇ ਨਜ਼ਰ ਆ ਰਹੇ ਹਨ।

ਦਰਅਸਲ, ਹਾਲ ਹੀ ਵਿੱਚ ਗੁਰੂ ਰੰਧਾਵਾ (Guru Randhawa and Anupam Kher upcoming film) ਨੇ ਇੰਸਟਾਗ੍ਰਾਮ ਉਤੇ ਵੀਡੀਓ ਸਾਂਝਾ ਕੀਤਾ, ਵੀਡੀਓ ਵਿੱਚ ਅਨੁਪਮ ਖੇਰ, ਗਾਇਕ ਨੂੰ ਕਹਿ ਰਹੇ ਹਨ ਕਿ 'ਤਾਜ ਮਹੱਲ ਦੇ ਸਾਹਮਣੇ ਕੋਈ ਗਾਣਾ ਸਿਖਾ', ਇਸ ਗੱਲ ਉਤੇ 'ਗਾਇਕ ਕਹਿੰਦਾ ਹੈ ਕਿ ਕਿਹੋ ਜਿਹਾ ਗੀਤ ਸਿਖਣਾ ਹੈ ਭਾਵ ਕਿ ਪਿਆਰ ਵਾਲਾ ਕੋਈ'। ਫਿਰ ਗਾਇਕ ਕਹਿੰਦਾ ਹੈ ਕਿ 'ਆਪ ਨੇ ਜਦੋਂ ਕੋਈ ਲੜਕੀ ਦੇਖੀ ਤਾਂ...ਅਦਾਕਾਰ ਉਸ ਨੂੰ ਟੋਕ ਦਿੰਦੇ ਹਨ ਕਿ 'ਮੈਂ ਲੜਕੀ ਨਹੀਂ ਦੇਖਣੀ ਬਸ ਗੀਤ ਸਿਖਣਾ ਹੈ', ਫਿਰ ਦੋਵੇਂ ਹੱਸਣਾ ਸ਼ੁਰੂ ਕਰ ਦਿੰਦੇ ਹਨ। ਇਸ ਤੋਂ ਬਾਅਦ ਗਾਇਕ ਗੁਰੂ ਗੀਤ ਗਾਉਂਣਾ ਸ਼ੁਰੂ ਕਰ ਦਿੰਦਾ ਹੈ, 'ਬਣਜਾ ਤੂੰ ਮੇਰੀ ਰਾਣੀ ਤੈਨੂੰ ਮਹੱਲ ਦਿਵਾ ਦੂੰਗਾ...ਤਾਂ ਅਦਾਕਾਰ ਉਸਦੇ ਪਿੱਛੇ ਗੀਤ ਦੁਹਰਾਉਣਾ ਸ਼ੁਰੂ ਕਰ ਦਿੰਦੇ ਹਨ। ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਗਾਇਕ ਨੇ ਕੈਪਸ਼ਨ ਲਿਖਿਆ ਹੈ ਕਿ 'ਪ੍ਰਸਿੱਧ ਤਾਜ ਮਹਿਲ ਦੇ ਸਾਮ੍ਹਣੇ ਉਸਨੂੰ ਪਿਆਰ ਦਾ ਗੀਤ ਸਿਖਾਉਣ ਲਈ ਮੈਨੂੰ ਕਹਿਣਾ, ਮੈਂ ਮਸ਼ਹੂਰ @anupampkher ਤੋਂ ਘੱਟ ਤੋਂ ਘੱਟ ਉਮੀਦ ਕੀਤੀ ਸੀ ਪਰ ਜਿਵੇਂ ਉਹ ਕਹਿੰਦੇ ਹਨ ਕਿ ਕੁਝ ਵੀ ਸੰਭਵ ਹੈ। ਜੈ ਹੋ'। ਵੀਡੀਓ ਉਤੇ ਪ੍ਰਸ਼ੰਸਕ ਖੂਬਸੂਰਤ ਕਮੈਂਟਸ ਕਰ ਰਹੇ ਹਨ।

ਗੁਰੂ ਰੰਧਾਵਾ ਦਾ ਬਾਲੀਵੁੱਡ ਡੈਬਿਊ:ਤੁਹਾਨੂੰ ਦੱਸ ਦਈਏ ਕਿ ਗਾਇਕ ਗੁਰੂ ਰੰਧਾਵਾ (Guru Randhawa and Anupam Kher upcoming film ) ਅਦਾਕਾਰੀ ਦੀ ਦੁਨੀਆ ਵਿੱਚ ਕਦਮ ਰੱਖਣ ਅਤੇ ਅਨੁਭਵੀ ਅਦਾਕਾਰ ਅਨੁਪਮ ਖੇਰ ਦੀ 532ਵੀਂ ਫ਼ਿਲਮ ਵਿੱਚ ਆਪਣੀ ਸ਼ੁਰੂਆਤ ਕਰਨ ਲਈ ਤਿਆਰ (Guru Randhawa and Anupam Kher movie) ਹੈ। ਅਨੁਪਮ ਨੇ ਇੰਸਟਾਗ੍ਰਾਮ 'ਤੇ ਜਾ ਕੇ ਗੁਰੂ ਨਾਲ ਆਪਣੀ ਇਕ ਤਸਵੀਰ ਸਾਂਝੀ ਕੀਤੀ ਸੀ। ਉਨ੍ਹਾਂ ਦੀ ਪਿੱਠ ਕੈਮਰੇ ਵੱਲ ਹੈ ਕਿਉਂਕਿ ਦੋਵੇਂ ਫਿਲਮ ਦੀ ਸਕ੍ਰਿਪਟ ਪੜ੍ਹਦੇ ਨਜ਼ਰ ਆ ਰਹੇ ਹਨ। ਬੈਕਗ੍ਰਾਊਂਡ ਵਿੱਚ ਗਾਇਕ ਦੇ ਟਰੈਕ 'ਹਾਈ ਰੇਟਡ ਗੱਬਰੂ' ਚੱਲ ਰਿਹਾ ਹੈ। ਉਸਨੇ ਇਸਦਾ ਕੈਪਸ਼ਨ ਦਿੱਤਾ “ਮੇਰੀ 532ਵੀਂ ਸਕ੍ਰਿਪਟ ਪੜ੍ਹ ਰਹੇ ਹਾਂ ਅਤੇ ਇਹ ਉਸਦੀ ਪਹਿਲੀ ਹੈ! ਭਾਵੇਂ ਉਹ ਪਹਿਲਾਂ ਹੀ ਸੁਪਰ ਸਟਾਰ ਹੈ। ਇਸਤਰੀ ਅਤੇ ਸੱਜਣ! ਪੇਸ਼ ਕਰਦੇ ਹਾਂ @gururandhawa – ਅਦਾਕਾਰ! ਉਸਨੂੰ ਆਪਣੇ ਪਿਆਰ ਅਤੇ ਅਸ਼ੀਰਵਾਦ ਨਾਲ ਵਿਛਾਓ! ਜੈ ਮਾਤਾ ਦੀ!''।

ਗੁਰੂ ਰੰਧਾਵਾ ਦੇ ਵਰਕਫੰਟ ਦੀ ਗੱਲ ਕਰੀਏ ਤਾਂ ਗਾਇਕ ਦੇ ਗੀਤ 'ਮੂਨ ਰਾਈਜ਼' ਦੀ ਵੀਡੀਓ 10 ਜਨਵਰੀ ਨੂੰ ਰਿਲੀਜ਼ ਹੋਣ ਵਾਲੀ ਹੈ, ਵੀਡੀਓ ਵਿੱਚ ਗਾਇਕ ਸ਼ਹਿਨਾਜ਼ ਗਿੱਲ ਨਾਲ ਰੁਮਾਂਸ ਕਰਦੇ ਨਜ਼ਰ ਆਉਣਗੇ। ਪ੍ਰਸ਼ੰਸਕ ਵੀਡੀਓ ਦਾ ਇੰਤਜ਼ਾਰ ਬੇਸਬਰੀ ਨਾਲ ਕਰ ਰਹੇ ਹਨ।

ਇਹ ਵੀ ਪੜ੍ਹੋ:ਸਿੱਧੂ ਮੂਸੇਵਾਲਾ ਦੀ ਤਸਵੀਰ ਨਾਲ ਸਨਮਾਨਿਤ ਹੋਣ ਤੋਂ ਬਾਅਦ ਭਾਵੁਕ ਹੋਈ ਜੈਨੀ ਜੌਹਲ, ਤਸਵੀਰਾਂ