ਚੰਡੀਗੜ੍ਹ: ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਅਕਸ਼ੈ ਕੁਮਾਰ ਆਪਣੇ ਉੱਤਰੀ ਅਮਰੀਕਾ ਟੂਰ 'ਦਿ ਐਂਟਰਟੇਨਰਜ਼' ਦੀਆਂ ਪ੍ਰਮੁੱਖ ਅਦਾਕਾਰਾਂ ਦੇ ਨਾਲ 'ਦਿ ਕਪਿਲ ਸ਼ਰਮਾ ਸ਼ੋਅ' 'ਤੇ ਨਜ਼ਰ ਆਉਣ ਵਾਲੇ ਹਨ। ਇਨ੍ਹਾਂ 'ਚ ਸੋਨਮ ਬਾਜਵਾ, ਮੌਨੀ ਰਾਏ, ਦਿਸ਼ਾ ਪਟਾਨੀ ਅਤੇ ਨੋਰਾ ਫਤੇਹੀ ਸ਼ਾਮਲ ਹਨ।
ਹੁਣ ਸ਼ੋਸਲ ਮੀਡੀਆ ਉਤੇ ਸ਼ੋਅ ਨਾਲ ਸੰਬੰਧਿਤ ਕਈ ਸੀਨ ਵਾਇਰਲ ਹੋ ਰਹੇ ਹਨ, ਜਿਹਨਾਂ ਵਿੱਚ ਕਪਿਲ ਸ਼ਰਮਾ ਨੌਰਾ, ਦਿਸ਼ਾ, ਸੋਨਮ ਅਤੇ ਮੌਨੀ ਰਾਏ ਨੂੰ ਮਜ਼ਾਕ ਕਰਦੇ ਨਜ਼ਰ ਆ ਰਹੇ ਹਨ। ਪਰ ਜਿਸ ਮਜ਼ਾਕ ਨੇ ਸਭ ਦਾ ਧਿਆਨ ਆਪਣੇ ਵੱਲ਼ ਖਿੱਚਿਆ ਉਹ ਹੈ ਪੰਜਾਬੀ ਅਦਾਕਾਰਾ ਸੋਨਮ ਬਾਜਵਾ ਦਾ ਮਜ਼ਾਕ। ਅਦਾਕਾਰਾ ਨੇ ਕਪਿਲ ਸ਼ਰਮਾ ਨੂੰ ਅਜਿਹਾ ਸੁਆਲ ਪੁੱਛਿਆ ਕਿ ਸ਼ੋਅ ਵਿੱਚ ਬੈਠਾ ਹਰ ਵਿਅਕਤੀ ਹੱਸਣ ਲਈ ਮਜ਼ਬੂਰ ਹੋ ਗਿਆ।
ਕੀ ਕਿਹਾ ਸੋਨਮ ਬਾਜਵਾ ਨੇ: ਸੋਨਮ ਬਾਜਵਾ ਨੇ ਕਪਿਲ ਸ਼ਰਮਾ ਨੂੰ ਪੁੱਛਿਆ ਕਿ 'ਤੁਸੀਂ ਸ਼ਨੀਵਾਰ ਐਤਵਾਰ ਟੀਵੀ ਉਤੇ ਆਉਂਦੇ ਹੋ, ਇਸ ਤੋਂ ਇਲਾਵਾ ਸ਼ੋਅਜ਼ ਵੀ ਕਰਦੇ ਹੋ, ਇੰਨਾ ਕੁੱਝ ਕਰਦੇ ਹੋ, ਲਾਕਡਾਊਨ ਸੀ ਤਾਂ ਠੀਕ ਸੀ, ਪਰ ਵੈਸੇ ਤਾਂ ਤੁਹਾਨੂੰ ਪਰਿਵਾਰ ਦੀ ਪਲੈਨਿੰਗ ਕਰਨ ਵਿੱਚ ਮੁਸ਼ਕਿਲ ਆਉਂਦੀ ਹੋਣੀ ਆ ਹਨਾਂ।' ਇਸ ਤੋਂ ਬਾਅਦ ਕਪਿਲ ਸ਼ਰਮਾ ਨੇ ਕਿਹਾ ਕਿ 'ਹਾਂ ਕੰਮ ਵਿੱਚ ਬੰਦਾ ਵਿਅਸਤ ਹੁੰਦਾ ਹੈ, ਪਰ ਫਿਰ ਵੀ ਰਾਤ ਨੂੰ ਬੰਦਾ ਪਾਣੀ ਪੀਣ ਤਾਂ ਉੱਠਦਾ ਹੀ ਹੈ।' ਕਪਿਲ ਦੀ ਇਸ ਗੱਲ਼ ਨੂੰ ਸੁਣ ਕੇ ਸਾਰੇ ਪ੍ਰਸ਼ੰਸਕ ਹੱਸਣ ਲੱਗ ਗਏ। ਇਸ ਵੀਡੀਓ ਨੂੰ ਖੁਦ ਸੋਨਮ ਬਾਜਵਾ ਨੇ ਆਪਣੇ ਇੰਸਟਾਗ੍ਰਾਮ ਉਤੇ ਸਾਂਝਾ ਕੀਤਾ।