ਚੰਡੀਗੜ੍ਹ: ਅਦਾਕਾਰ ਅਤੇ ਗਾਇਕ ਨਿੰਜਾ ਇੱਕ ਚੰਗਾ ਸਿਤਾਰਾ ਹੋਣ ਦੇ ਨਾਲ-ਨਾਲ ਇੱਕ ਚੰਗਾ ਪਰਿਵਾਰਕ ਵਿਅਕਤੀ ਵੀ ਹੈ। ਗਾਇਕ ਆਪਣੇ ਕੰਮ ਦੇ ਨਾਲ-ਨਾਲ ਆਪਣੇ ਪਰਿਵਾਰ ਨੂੰ ਪਿਆਰ ਦੇਣਾ ਕਦੇ ਨਹੀਂ ਭੁੱਲਦਾ। ਗਾਇਕ ਆਏ ਦਿਨ ਸੋਸ਼ਲ ਮੀਡੀਆ 'ਤੇ ਪਰਿਵਾਰਕ ਪੋਸਟਾਂ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਅਤੇ ਪਰਿਵਾਰ ਦੋਵਾਂ ਦਾ ਪਿਆਰ ਇਕੱਠਾ ਕਰਦਾ ਰਹਿੰਦਾ। ਕਦੇ ਬੇਟੇ ਨਾਲ ਵੀਡੀਓ, ਕਦੇ ਪਤਨੀ ਨਾਲ ਫੋਟੋ ਅਤੇ ਕਦੇ ਮਾਂ ਨਾਲ ਤਸਵੀਰਾਂ ਗਾਇਕ ਸਾਂਝੀਆਂ ਕਰਦਾ ਰਹਿੰਦਾ ਹੈ, ਹੁਣ ਗਾਇਕ ਨੇ ਪਤਨੀ ਜਸਮੀਤ ਨੂੰ ਉਨ੍ਹਾਂ ਦੇ ਵਿਆਹ ਦੀ ਵਰ੍ਹੇਗੰਢ 'ਤੇ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ।
ਗਾਇਕ ਨੇ ਆਪਣੀ ਪਤਨੀ ਦੇ ਨਾਲ ਖੂਬਸੂਰਤ ਤਸਵੀਰਾਂ ਦੀ ਲੜੀ ਸ਼ੇਅਰ ਕਰਦੇ ਹੋਏ, ਇੱਕ ਵਧਾਈ ਪੋਸਟ ਨੂੰ ਇੱਕ ਪਿਆਰਾ ਕੈਪਸ਼ਨ ਵੀ ਦਿੱਤਾ ਹੈ। ਗਾਇਕ ਨਿੰਜਾ ਨੇ ਸਾਲ 2019 ਵਿੱਚ ਜਸਮੀਤ ਕੌਰ ਨਾਲ ਵਿਆਹ ਕੀਤਾ ਸੀ ਅਤੇ ਹੁਣ ਉਨ੍ਹਾਂ ਦੇ ਵਿਆਹ ਨੂੰ 4 ਸਾਲ ਹੋ ਚੁੱਕੇ ਹਨ। ਇਸ ਵਿਆਹ ਤੋਂ ਜੋੜੇ ਦਾ ਇੱਕ ਪੁੱਤਰ ਵੀ ਹੈ। ਜਿਸਦਾ ਪਿਛਲੇ ਸਾਲ 10 ਅਕਤੂਬਰ ਨੂੰ ਜਨਮ ਹੋਇਆ ਸੀ।
ਗਾਇਕ ਦੀ ਪੋਸਟ: ਅਦਾਕਾਰ ਅਤੇ ਗਾਇਕ ਨੇ ਇੰਸਟਾਗ੍ਰਾਮ ਉਤੇ ਪੋਸਟ ਸਾਂਝੀ ਕੀਤੀ ਅਤੇ ਉਸ ਨੂੰ ਬਹੁਤ ਹੀ ਖੂਬਸੂਰਤ ਕੈਪਸ਼ਨ ਦਿੱਤਾ, ਗਾਇਕ ਨੇ ਲਿਖਿਆ 'ਮੇਰੀ ਖੁਸ਼ੀ ਦਾ ਕਾਰਨ, ਮੇਰੀ ਸਫਲਤਾ ਦਾ ਕਾਰਨ, ਮੇਰੀ ਮੁਸਕਰਾਹਟ ਦੀ ਗੂੰਜ ਲਈ ਵਰ੍ਹੇਗੰਢ ਮੁਬਾਰਕ।' ਇਸ ਦੇ ਨਾਲ ਹੀ, ਅਦਾਕਾਰ ਨੇ ਤਸਵੀਰਾਂ ਦੀ ਲੜੀ ਵੀ ਸਾਂਝੀ ਕੀਤੀ ਜਿਸ ਵਿੱਚ ਗਾਇਕ ਅਤੇ ਉਸਦੀ ਪਤਨੀ ਹੱਸਦੇ ਨਜ਼ਰ ਆ ਰਹੇ ਹਨ।