ਹੈਦਰਾਬਾਦ: ਮਸ਼ਹੂਰ ਫਿਲਮਕਾਰ ਕਰਨ ਜੌਹਰ (Koffee with Karan) ਦੇ ਸਭ ਤੋਂ ਮਸ਼ਹੂਰ ਅਤੇ ਤੜਕਾ ਸ਼ੋਅ ਕੌਫੀ ਵਿਦ ਕਰਨ ਸੱਤ ਦੇ ਇਕ ਹੋਰ ਐਪੀਸੋਡ ਦਾ ਪ੍ਰੋਮੋ ਸਾਹਮਣੇ ਆਇਆ ਹੈ। ਇਸ ਐਪੀਸੋਡ ਵਿੱਚ ਦੋ ਪੰਜਾਬੀ ਮੁੰਡੇ ਵਿੱਕੀ ਕੌਸ਼ਲ ਅਤੇ ਸਿਧਾਰਥ ਮਲਹੋਤਰਾ ਨਜ਼ਰ ਆਉਣ ਵਾਲੇ ਹਨ. ਇਸ ਵਾਰ ਕਰਨ ਜੌਹਰ ਅਦਾਕਾਰ ਵਿੱਕੀ ਕੌਸ਼ਲ ਅਤੇ ਸਿਧਾਰਥ ਮਲਹੋਤਰਾ ਨਾਲ ਉਹਨਾਂ ਦੇ ਰਿਸ਼ਤੇ ਉਤੇ ਸਵਾਲ ਚੁੱਕਣ ਜਾ ਰਹੇ ਹਨ। ਪ੍ਰੋਮੋ ਵਿੱਚ ਕਰਨ ਨੇ ਦੋਹਾਂ ਖੂਬਸੂਰਤ ਲੜਕਿਆਂ ਨੂੰ ਆਪਣੇ ਹੀ ਅੰਦਾਜ਼ ਵਿੱਚ ਕੁਝ ਸਵਾਲ ਪੁੱਛੇ। ਹਰ ਵਾਰ ਦੀ ਤਰ੍ਹਾਂ ਇਹ ਸ਼ੋਅ ਵੀ ਧਮਾਕੇਦਾਰ ਹੋਣ ਵਾਲਾ ਹੈ।
ਕਰਨ ਜੌਹਰ ਨੇ ਦ ਮੈਨ ਆਫ ਦ ਮੋਮੈਂਟ ਯੂ ਰੈਗੂਲਰ ਪੰਜਾਬੀ ਬੁਆਏ ਕਹਿ ਕੇ ਸ਼ੋਅ ਦੀ ਸ਼ੁਰੂਆਤ ਕੀਤੀ। ਇਸ ਉਤੇ ਵਿੱਕੀ ਕੌਸ਼ਲ ਦਾ ਕਹਿਣਾ ਹੈ ਕਿ ਇਹ ਪੰਜਾਬੀ ਐਪੀਸੋਡ ਹੈ। ਇਸ ਤੋਂ ਬਾਅਦ ਕਰਨ ਜੌਹਰ ਅਦਾਕਾਰ ਵਿੱਕੀ ਕੌਸ਼ਲ ਨੂੰ ਇਹ ਕਹਿੰਦੇ ਸੁਣੇ ਜਾਂਦੇ ਹਨ ਕਿ ਪਿਛਲੀ ਵਾਰ ਤੁਹਾਡੇ ਨਾਲ ਇੱਕ ਯਾਦਗਾਰ ਐਪੀਸੋਡ ਸੀ. ਇਸ ਉਤੇ ਸਿਧਾਰਥ ਮਲਹੋਤਰਾ ਦਾ ਕਹਿਣਾ ਹੈ ਕਿ ਇੱਥੇ ਹੀ ਇਸ ਦਾ ਰੋਕਾ ਹੋਇਆ ਸੀ।