Jawan Prevue OUT: 'ਜਵਾਨ' ਦਾ ਦਮਦਾਰ ਪ੍ਰੀਵਿਊ ਰਿਲੀਜ਼, ਸ਼ਾਹਰੁਖ ਖਾਨ ਦਾ ਇਹ ਨਵਾਂ ਅਵਤਾਰ ਤੁਹਾਨੂੰ ਦੇਵੇਗਾ ਹਿਲਾ

Jawan Prevue OUT: ਸ਼ਾਹਰੁਖ ਖਾਨ ਦੀ ਫਿਲਮ ਜਵਾਨ ਦਾ ਪ੍ਰੀਵਿਊ ਰਿਲੀਜ਼ ਹੋ ਗਿਆ ਹੈ। ਫਿਲਮ ਜਵਾਨ ਦੇ ਪ੍ਰੀਵਿਊ 'ਚ ਸ਼ਾਹਰੁਖ ਦਾ ਅਜਿਹਾ ਅਵਤਾਰ ਦੇਖਣ ਨੂੰ ਮਿਲ ਰਿਹਾ ਹੈ, ਜੋ ਤੁਸੀਂ ਪਹਿਲਾਂ ਕਦੇ ਨਹੀਂ ਦੇਖਿਆ ਹੋਵੇਗਾ।

ਹੈਦਰਾਬਾਦ:ਬਾਲੀਵੁੱਡ ਦੇ ਪਠਾਨ ਸ਼ਾਹਰੁਖ ਖਾਨ ਦੀ ਆਉਣ ਵਾਲੀ ਫਿਲਮ ਜਵਾਨ ਨੂੰ ਲੈ ਕੇ ਪ੍ਰਸ਼ੰਸਕਾਂ 'ਚ ਕਾਫੀ ਚਰਚਾ ਹੈ। ਸ਼ਾਹਰੁਖ ਦੀ ਜਵਾਨ ਇਸ ਸਾਲ ਬਹੁਤ ਜਲਦੀ ਰਿਲੀਜ਼ ਹੋਣ ਜਾ ਰਹੀ ਹੈ। ਅਜਿਹੇ 'ਚ ਹੌਲੀ-ਹੌਲੀ ਪ੍ਰਸ਼ੰਸਕਾਂ ਲਈ ਫਿਲਮ ਤੋਂ ਨਵੇਂ ਸਰਪ੍ਰਾਈਜ਼ ਜਾਰੀ ਕੀਤੇ ਜਾ ਰਹੇ ਹਨ। ਹਾਲ ਹੀ 'ਚ ਸ਼ਾਹਰੁਖ ਖਾਨ ਦੇ ਬੈਨਰ ਰੈੱਡ ਚਿਲੀਜ਼ ਐਂਟਰਟੇਨਮੈਂਟ ਫਿਲਮਜ਼ ਦੀ ਫਿਲਮ ਦੀ ਪ੍ਰੀਵਿਊ ਡੇਟ ਦਾ ਐਲਾਨ ਕੀਤਾ ਗਿਆ ਸੀ। ਜਵਾਨ ਦੇ ਪ੍ਰੀਵਿਊ ਨੂੰ ਲੈ ਕੇ ਐਲਾਨ ਕੀਤਾ ਗਿਆ ਸੀ ਕਿ ਇਹ 10 ਜੁਲਾਈ ਨੂੰ ਸਵੇਰੇ 10.30 ਵਜੇ ਰਿਲੀਜ਼ ਹੋਵੇਗਾ ਅਤੇ ਹੁਣ ਸ਼ਾਹਰੁਖ ਖਾਨ ਨੇ ਜਵਾਨ ਦਾ ਪ੍ਰੀਵਿਊ ਆਪਣੇ ਪ੍ਰਸ਼ੰਸਕਾਂ ਵਿਚਾਲੇ ਛੱਡ ਦਿੱਤਾ ਹੈ। ਸ਼ਾਹਰੁਖ ਦੇ ਜਵਾਨ ਦੀ ਇਹ ਝਲਕ ਹਿੰਦੀ ਵਿੱਚ ਹੈ। ਹੁਣ ਫਿਲਮ ਜਵਾਨ ਦੇ ਪ੍ਰੀਵਿਊ ਨੇ ਸੋਸ਼ਲ ਮੀਡੀਆ 'ਤੇ ਖਲਬਲੀ ਮਚਾ ਦਿੱਤੀ ਹੈ।

ਫਿਲਮ ਕਦੋਂ ਹੋਵੇਗੀ ਰਿਲੀਜ਼?: ਦੱਸ ਦੇਈਏ ਕਿ ਫਿਲਮ ਜਵਾਨ ਦਾ ਨਿਰਦੇਸ਼ਨ ਦੱਖਣੀ ਫਿਲਮਾਂ ਦੇ ਨੌਜਵਾਨ ਨਿਰਦੇਸ਼ਕ ਅਰੁਣ ਕੁਮਾਰ ਉਰਫ ਐਟਲੀ ਨੇ ਕੀਤਾ ਹੈ। ਫਿਲਮ 'ਚ ਸ਼ਾਹਰੁਖ ਖਾਨ ਦੇ ਨਾਲ ਸਾਊਥ ਦੀ ਸੁਪਰਹਿੱਟ ਅਦਾਕਾਰਾ ਨਯਨਤਾਰਾ ਵੀ ਨਜ਼ਰ ਆਵੇਗੀ। ਫਿਲਮ 'ਚ ਸੰਜੇ ਦੱਤ ਅਤੇ ਸਾਊਥ ਐਕਟਰ ਵਿਜੇ ਸੇਤੂਪਤੀ ਵੀ ਅਹਿਮ ਭੂਮਿਕਾਵਾਂ 'ਚ ਹੋਣਗੇ। ਫਿਲਮ ਜਵਾਨ 7 ਸਤੰਬਰ ਨੂੰ ਹਿੰਦੀ, ਤਾਮਿਲ ਅਤੇ ਤੇਲਗੂ ਵਿੱਚ ਰਿਲੀਜ਼ ਹੋਵੇਗੀ।

ਸ਼ਾਹਰੁਖ ਖਾਨ ਦਾ ਵਰਕਫਰੰਟ: ਸ਼ਾਹਰੁਖ ਖਾਨ ਦੇ ਆਉਣ ਵਾਲੇ ਪ੍ਰੋਜੈਕਟਾਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੀ ਫਿਲਮ 'ਡੰਕੀ' ਜਵਾਨ ਤੋਂ ਬਾਅਦ ਦਸੰਬਰ 2023 'ਚ ਰਿਲੀਜ਼ ਹੋਵੇਗੀ। ਇਹ ਫਿਲਮ 3 ਇਡੀਅਟਸ ਅਤੇ ਪੀਕੇ ਵਰਗੀਆਂ ਦਮਦਾਰ ਫਿਲਮਾਂ ਬਣਾਉਣ ਵਾਲੇ ਨਿਰਦੇਸ਼ਕ ਰਾਜਕੁਮਾਰ ਹਿਰਾਨੀ ਨੇ ਬਣਾਈ ਹੈ। ਫਿਲਮ 'ਚ ਤਾਪਸੀ ਪੰਨੂ ਸ਼ਾਹਰੁਖ ਖਾਨ ਦੇ ਨਾਲ ਨਜ਼ਰ ਆਵੇਗੀ ਅਤੇ ਇਸ ਤੋਂ ਇਲਾਵਾ ਵਿੱਕੀ ਕੌਸ਼ਲ ਪਹਿਲੀ ਵਾਰ ਬਾਦਸ਼ਾਹ ਸ਼ਾਹਰੁਖ ਖਾਨ ਨਾਲ ਸਕ੍ਰੀਨ ਸ਼ੇਅਰ ਕਰਦੇ ਨਜ਼ਰ ਆਉਣਗੇ। ਫਿਲਮ ਜਵਾਨ ਨੂੰ ਸ਼ਾਹਰੁਖ ਖਾਨ ਨੇ ਖੁਦ ਪ੍ਰੋਡਿਊਸ ਕੀਤਾ ਹੈ।